Erdogʻan: Idlibga qoʻshin yuboramiz
Suriyadagi urushning keskin burilish nuqtasi boʻlishi aytilayotgan “Idlib amaliyotlari” uchun harbiy harakat boshlandi. Ostona sammitida qabul qilingan qarorlar doirasida tez kunlarda mintaqada keng koʻlamli amaliyot oʻtkaziladi. Turkiya prezidenti Rajab Toyyib Erdogʻan Reyters axborot agentligiga bergan intervyusida Idlibga qoʻshin yuborishini bildirdi. Hozirda Idlib amaliyoti uchun 20 ming askar Suriya chegarasiga yetib borgan. Erdogʻanga koʻra, bu harakat oʻtgan oyda Rossiyaning tashabbusi bilan imzolangan “Jangdan xoli hududlar yaratish” shartnomasiga binoan hamda Turkiya, Rossiya va Eron oʻrtasida kelishilgan holda amalga oshirilmoqda.
“Dushanba kuni Putin bilan uchrashamiz. Payshanba kuni esa Ankarada birga taom yeymiz. Suriyada qanday qadamlar tashlash kerakligini, u yerni terrorchi tashkilotlardan tozalab, qanday tinch zaminga aylantirish ustida gʻayrat koʻrsatamiz. Bu borada Eron prezidenti bilan Ostona shahrida uchrashib, suhbatlashdik. Nasib qilsa, 4 oktyabr kuni Eronga safar qilaman”, dedi Erdogʻan.
Nьyu-Yorkda tashkil qilingan BMT Xavfsizlik Kengashi majlisida nutq soʻzlagan Erdogʻan “jangdan xoli hududlar” kelishuvi umid uygʻotuvchi fikrdir… Rossiya Idlibning tashqarisida, Turkiya esa Idlibning ichkarisida xavfsizlikni taʼminlashga xizmat qiladi” deya alohida taʼkidlab oʻtdi.
Turkiston:
Suriyaning Idlib shahri Rus va Eron kuchlariga qarshi qattiq turgan nuqtalardan biridir. Shuning uchun Idlib muxoliflar uchun eng muhim mintaqalardan biri sanalgani kabi Asad rejimi uchun ham strotegik nuqta sanaladi. Halabni qoʻlga kiritgan Asad agar Idlibni ham qoʻlga kiritsa, inqilobning belini sindirgan boʻladi. Bu borada Halabda boʻlgani kabi yana asosiy rolni Turkiya oʻynab berishi kerak boʻlyapti.
Aslini olganda, Turkiyaning Idlibga kirishi uchun hech qanday sabab yoʻq. Idlibdagi guruhlar Turkiya xalqining joniga qasd qiladigan biror bir tartibsizlik keltirib chaqarish xavfi yoʻq. Shuncha vaqt ichida ham bunday harakatlar kuzatilmagan. Manfaat jihatidan olib qaralganda ham, Islom va Musulmonlarga dushmanligi jihatidan AQSh va Rossiyaning Idlib siyosatida bir qancha maqsadlari borligi aniq. Ammo Turkiya uchun siyosiy jihatdan ham, xavfsizlik jihatidan ham hech qanday manfaat yoʻq, aksincha oʻzi uchun ham Suriya uchun ham, bir qancha zararlari bor. Bunga biz Halabning qulashida guvoh boʻldik.
Bu yerda maqsad Idlibni Halab kabi Asad rejimiga topshirishdir. Turkiyaning bugungi vazifasi oʻtgan yili Halabga qilganining aynan oʻzginasidir. Agar Turkiya mujohidlarni Idlibdan chiqarishga muvaffaq boʻlsa u yer ham Asad va Hizbulloh jangarilarining qoʻliga oʻtadi.
“Rossiya kucharining Idlib tashqarisida xavfsizlikni taʼminlashi” hamda “jangdan xoli hududlar yaratish shartnomasi” haqidagi gaplar faqat ogʻizda xolos. U yerda musulmonlar har kuni harbiy samalyotlar bilan qirgʻin qilinmoqda. Oxirgi xabarlarga koʻra, Soʻnggi kunlarda Idlib viloyatida havo hujumlari yana ham kuchaygan. Rossiya va Asad kuchari bir necha shifoxonalarni vayron qilgan va yuzdan ortiq insonni oʻldirgan.
