Eron generali: Suriya masalasida Turkiya bilan kelishib oldik
Eron va Turkiya terrorizmga qarshi kurashda maʼlumotlar almashish va tezkor amaliyotlarda hamkorlik qilish masalasida kelishib oldi. Bu haqida Eron qurolli kuchlari bosh shtab boshqarmasining rahbari general-mayor Muhammad Husayn Bakiri Eron axborot vositalariga bergan intervьyusida maʼlum qildi.
Harbiy hamkorlik va chegara xavfsizligi haqida muhim kelishuvlar amalga oshirilganligini bildirgan Bakiri “Ikki davlat oʻrtasida mushtarak harbiy mashqlar oʻtkazish va talabalar almashish borasida kelishib oldik. Ikki davlatning dengiz floti oʻzaro bir birlarini ziyorat qilib turishadi. Harbiy mashgʻulotlarda kuzatuvchilar qoʻyiladi”, dedi.
Husayn Bakiri Eron va Turkiya oʻrtasidagi kelishuv juda muvaffaqiyatli boʻlganligini qayd etar ekan, oʻzining Turkiyaga tashrifi chogʻida harbiy mudofaa va xavfsizlik tarmoqlaridagi koʻplab mavzularga asos solinganligini va bu jarayon davom etishini qoʻshimcha qildi. Unga koʻra, Suriyada Asad hukumatining suvereniteti taʼminlanishi borasida ham oʻzaro kelishib olingan.
“Eron va Turkiya Suriyada xavfsizlik va barqarorlikni taʼminlashda hamkorlik qilishi va xususan Astana muzokaralarining ikki mamlakat qurolli kuchlari tarafidan qoʻllab-quvvatlanishi borasida kelishib odik. Shuningdek Suriyaning turli joylarida, xususan mamlakat shimolida qonuniy hukumatning suverenitetini taʼminlash borasida ham Turkiya bilan kelishib oldik va insha Alloh mazkur kelishuv amalga oshadi”, dedi Bakiri.
Turkiston:
Oʻzini Suriya muxolifati tarafdori qilib koʻrsatayotgan Turkiya hukumatining Suriya masalasida yuritayotgan siyosati afsuski, suriyalik samimiy musulmonlar va mujohid guruhlarning ziyoniga ishlamoqda. Chunki Eron Suriyada Asadga qarshi kurashayotgan Mujohid guruhlarga terrorchilar sifatida qaraydi. Shunday ekan, oʻzini muxolifat tarafdori ekanligini daʼvo qilib kelayotgan Turkiya hukumatining Eron bilan “terrorizm”ga qarshi kurash yoʻlida axborot almashish va tezkor amaliyotlarda hamkorlik qilish borasida kelishib olganligini qanday izohlash mumkin?! Koʻrinib turibdiki, Suriya masalasida Turkiya, Rossiya va Eron davlatlari AQShning rejasini mukammal tarzda amalga oshirmoqda. Bu reja Suriyada Allohning shariati tatbiq qilinishidan boshqasiga rozi boʻlmayotgan musulmonlarning shavkatini sindirib, “Demokratik dunyoviy Suriyani saqlab qolish”dan iboratdir.
