Rossiya Qirgʻiziston, Oʻzbekiston va Tojikiston bilan harbiy mashgʻulotlar oʻtkazadi
Rossiya mudofaa vaziri Sergey Shoyguning maʼlum qilishicha, Rossiya Markaziy Osiyodagi pozitsiyalarini mustahkamlamoqda. Bu yerda Afgʻonistondagi qurolli ixtilof tufayli beqaror vaziyat saqlanib qolmoqda.
“Markaziy Osiyodagi vaziyat beqaror boʻlib qolmoqda. Afgʻonistonda hukumat kuch tuzilmalari va “Tolibon” jangarilari oʻrtasida qurolli mojaro davom etmoqda”, – deya maʼlum qilgan Shoygu.
Rossiya Mudofaa vaziri harbiy okgrug qoʻmondonligi Markaziy Osiyo qurollangan kuchlari bilan hamkorlikda amaliy tadbirlar oʻtkazilishiga katta eʼtibor qaratayotganini taʼkidlagan.
“Xususan, jangovor tayyorgarlik holatini tekshirish maqsadida joriy yilning iyul oyida tojikistonlik harbiy xizmatchilar bilan oʻq otish va “Uragan” oʻt ochish reaktiv tizimidan foydalangan holda oʻt ochish hamda “Iskander-M” tezkor-taktik raketa majmuasi boshqaruvi boʻyicha mashgʻulotlar oʻtkazildi. Shartli ravishda belgilangan dushman marralari boʻyicha tezkor-taktik avia zarbalar berildi”,- deb xabar qilgan vazir.
Tekshiruvlar natijasida qoʻshinlar oʻquv-harbiy va yagona tezkor holatda topshiriqlarni bajarishga tayyor ekanliklarini tasdiqladilar, deb taʼkidlagan harbiy muassasa rahbari.
“Ikkinchi yarim yillikda Qirgʻiziston, Tojikiston va Oʻzbekiston qurolli kuchlari boʻlinmalari bilan tezkor va jangovor tayyorgarlik holatlri boʻyicha hamkorlikda tadbirlar rejalashtirilgan”,- deya qayd etgan Shoygu.
Turkiston:
Trampning oxirgi bayonotlaridan tushunilishicha, Avgʻonistonga yana qoʻshimcha 4000 AQSh askari kiritiladi. Rossiya esa Oʻrta Osiyodagi harbiy quvvatlarini kuchaytirmoqchi. Xalqaro siyosatda bu harakatlar ikki xil talqin qilinishi mumkin. Yaʼni AQSh bilan Rossiya haqiqatda bir biri bilan shu mintaqada harbiy va siyosiy toʻqnashuvga kirishmoqchi yoki ular hamkorlikda Shom oʻlkasidagi urush holatini va vaziyatini atayin Markaziy Osiyo tomonga olib oʻtishmoqchi. Har ikki holat ham Islom va musulmonlar, shuningdek Markaziy Osiyo xalqlari uchun manfaatli emas. Aksincha oʻta xavfli va xatarlidir!
