Amidror Gʻazo aholisiga nisbatan uch variantni taklif qildi
Xalifalik davlati qulatilgandan soʻng Falastin tuproqlariga oʻrnashib olgan bosqinchi yahud vujudi turli zulmlar bilan minglab falastinliklarni oʻz diyorlarini tashlab koʻchib ketishga majbur qildi. Undan soʻngra ularning oʻz malakatiga qaytish huquqini bekor qildi. Isroil rasmiylari hozirda xuddi shu rejani Gʻazo aholisiga nisbatan ham joriy qilishni taklif qilmoqda.
Isroilning Gʻazo borasidagi siyosatini tanqid qilgan sobiq milliy mudofaa vaziri Yakov Amidror Gʻazo inqirozini hal qilish uchun yahudlar oldida uchta variant mavjud ekanligini bildirdi. Yakov Amidrorga koʻra, birinchi variant Gʻazoni bosib olib, u yerda buyuk iqtisodiyotni tiklash va mintaqadan Hamasni butunlay yoʻq qilishdir. Ikkinchi variant esa, qisqa vaqt oraligʻida Gʻazoga botirib kirib, Hamasga oid nima boʻlsa, barchasini vayron qilish va darhol mintaqani tark qilishdir.
Bu ikki variantdan soʻng Isroilning boshiga balolar yogʻilishini bildirgan Amidror Isroil kelajagini tahdid ostiga qoʻymaydigan va doimiy yechimni taʼminlaydigan uchinchi variantni taklif qildi. Bu variant Gʻazo aholisini oʻz uy-joylarini tark qilib, koʻchib ketishga majbur qilishdan iboratdir. Amidrorga koʻra, Gʻazodagi joriy inqirozning uzoq davom etishi taʼminlanadigan boʻlsa, qamalda qolgan Gʻazo aholisi uy-joylarini tark qilib koʻchib ketishga majbur boʻladi va ularning oʻrniga yahudiylar joylashadi.
