Birlashish toʻgʻri maqsadda boʻlsagina qoʻshotar qurol boʻladi
Jangchi guruhlarning birlashishi va bitta harbiy doira ostiga kirishi – ham shariʼatning va ham xalqning talabidir. Biz buni hozirgi alamli vaziyatga tushmasdan turib, sizlardan talab qilganmiz.
Biroq bugun sodir boʻlayotgan ishlar, maydonni ikki qismga boʻlib qoʻydi, deyilsa, mubolagʻa boʻlmaydi. Bunday boʻlinishda koʻp xavfu xatarlar mavjud. Zero, kelajakda ikki guruh oʻrtasida biror toʻqnashuv chiqqudek boʻlsa, Alloh saqlasin, bu halokatli boʻladi, Shom qoʻzgʻolonini yoʻq qiladi.
Bunday halokatli boʻlinish qoʻzgʻolon ishlarini boshqarayotgan fuqaroyu harbiy rahbarlarning haqiqiy siyosiy yetakchilikni qabul qilishmaganining tabiiy natijasidir. Zero, bu yetakchilik Kitob va Sunnatdan istinbot qilingan siyosiy loyiha va qoʻzgʻolonning Allohni rozi qiluvchi oʻzgarmas asoslari atrofiga barcha guruhlarni bitta qilib jamlashga qodirdir. Ushbu loyiha Ummatning Shomdagi va butun dunyodagi kelajagini rejalashtiradi hamda maydonni noaniq-qorongʻu maqsad va gʻoyalardan tozalaydi. Zotan, nizo va ziddiyatlarni keltirib chiqargan ham mana shu maqsad va gʻoyalarning noaniq boʻlganligidir.
Biz barcha guruhlarni oʻzlariga yetakchi qilib olishga chaqirayotgan tomon Hizb ut-Tahrirdir.
Guruhlar kalimalari jamlanishi lozim boʻlgan oʻzgarmas asoslar ushbulardir: Gʻarb va uning malay hukmdorlaridan iborat malaylar bilan boʻlgan barcha aloqalarni uzish, shu jumladan, nopok siyosiy mablagʻdan voz kechish, rejimni barcha bashara va arkonlari bilan qoʻshib agʻdarib, Paygʻambarlik minhoji asosidagi roshid Xalifalikni barpo etish.
Yorqin siyosiy loyiha esa, Hizb ut-Tahrir taqdim qilgan Xalifalik loyihasi boʻlib, unda davlatning dasturi, jihozi, muassasalari va boshqaruv mexanizmlari mufassal bayon qilingan.
Ushbu yangi harbiy guruhlar Ummat yetib borgan onglilik darajasiga koʻtarilmogʻi, toʻgʻri yoʻldan borib, barchalari Hizb ut-Tahrirning siyosiy yetakchiligi ostida saflanmoqlari darkor. Hizb yetakchiligi hamma energiyani toʻgʻri yoʻlga yoʻllaydi va qudrati ulugʻ dono Allohning izni ila, Ummatning Xalifalik davlatini barpo etadi.
Shunday qilib, qoʻzgʻolonimizni adashish, toyilish va jarlikka qulash xavfidan ong va hidoyatga mustahkam asoslangan yoʻlga olib chiqamiz hamda bu bilan Allohning nusratiga loyiq boʻlamiz.
“Axir yuz tuban (yaʼni oyogʻining ostidan oʻzga yoqqa qaramasdan) yuradigan kimsa Haq yoʻlni topguvchiroqmi yoki qaddi rost holida Toʻgʻri Yoʻlda yuradigan kishimi?!” [Mulk 22]
Hizb ut-Tahrir-Suriya viloyati matbuot boʻlimi
Skype: TahrirSyria
Elektron pochta: media@tahrir-syria.info – ahmadabdalwahab2@gmail.com
Suriya viloyati rasmiy sayti: www.tahrir-syria.info
