Rus elchisi: Moskvaning tashqi siyosatida Turkiyaning katta oʻrni bor
Rossiyaning Anqaraga tayinlangan yangi elchisi Aleksey Yerxov Rossiya tashqi siyosatida Turkiyaning har doim muhim oʻrin borligini bildirdi. Sobiq elchi Andrey Karlov otib oʻldirilgandan soʻng Turkiyada missiyasini boshlagan yangi elchi oʻz missiyasi davomida tomonlar oʻrtasidagi munosabatlarni yaxshilash uchun qoʻlidan kelgancha harakat qilishini maʼlum qildi.
Turk matbuotiga intervьyu berargan Yerxov Turkiya va oʻrtasidagi Rossiya munosabatlari va oʻzining missiyasi haqida toʻxtaldi. Yerxovning taʼkidlashicha, Turkiya va Rossiyaning koʻplab manfaatlari bir biriga hamohangdir va barcha sohalarda ikki mamlakat oʻrtasidagi munosabatlar va hamkorlik eng yuqori darajada rivojlangan.
Turkiya va Rossiyaning Suriya masalasiga oid pozitsiyalariga baho bergan Yerxov shunday dedi: “Turkiya Suriya inqirozini hal qilishda bizning muhim hamkorimiz hisoblanadi. Bu hamkorlik Ostonadagi muzokaralarda va boshqa uchrashuvlarda oʻz taʼsirini koʻrsatdi. Turkiya va Rossiyaning bir biriga butunlay zid manfaatlari yoʻq. Ochiq tarzda doʻstona muloqot orqali shartnomalar tuzish va hamkorlik qilishimiz zarur. Dialog faqatgina hukumat vakillari oʻrtasida emas, balki barcha darajalarda boʻlishi zarur”.
