Lavrov va Kissinjer Rossiya-AQSh munosabatlarini muhokama qildi
Rossiya Tashqi ishlar vaziri Sergey Lavrov AQShning sobiq davlat kotibi Genri Kissinjer bilan Moskva shahrida oʻtkazgan muzokaralar chogʻida AQSh-Rossiya munosabatlarining istiqbollarini muhokama qildi. Bu haqida Rossiya tashqi ishlar vazirligi maʼlum qildi.
“Uchrashuvda AQSh-Rossiya munosabatlarining bugungi holati va istiqbollari, baʼzi dolzarb mintaqaviy muammolar va jahon rivojining asosiy yoʻnalishlari bilan bogʻliq fikrlar almashildi”, deyiladi Rossiya Tashqi ishlar vazirligi tarafidan uchrashuv natijalari haqida berilgan bayonotda.
1970 yilda AQSh davlat kotibi boʻlgan Genri Kissinjer AQSh-Rossiya oʻrtasidagi munosabatlarda muloyimlik siyosatiing meʼmorlaridan biri sifatida tanilgan siyosatchidir. Kissinjer soʻnggi yillarda oʻzi haqida AQShning tashqi siyosati masalasida eng samarali mutaxassislaridan biri sifatida taassurot uygʻotmoqda. Rossiya ham uni Amerika-Rossiya aloqalari sohasida chuqur tajribaga ega, deb biladi.
Turkiston:
Kissinjer hozirda – keksayib qolganiga qaramay – AQSh-Rossiya oʻrtasidagi munosabatlarni yaqinlashtirishga harakat qilmoqda. U bundan avval xuddi shu masala xususida Rossiya prezidenti Vladimir Putin bilan ham uchrashgan edi. Bundan koʻzlangan maqsad Xitoyga qarshi ruslarning harbiy kuchidan foydalanishdir. Chunki Xitoyning iqtisodiy va harbiy jihatdar yuksalib borayotgani AQShni tashvishga solmoqda. Bugungi kunda Xitoyning harbiy sarf-xarajatlari Rossiya, Britaniya va Frantsiya kabi davlatlarning sarf-xarajatlarini bitta qilib hisoblaganda ham ulardan ancha ortiqdir. Bundan tashqari Xitoyning maxfiy harbiy programmalarga egaligi ham AQShning xavotirlanishiga sabab boʻlmoqda.
