AQSh samalyotlari Raqqa aholisini qirgʻin qimoqda
Barcha nigohlar Qatarga qaratilgan bir paytda AQSh samalyotlari musulmonlarni oʻldirishda davom etmoqda. AQSh boshchiligidagi harbiy koalitsiya Suriyaning Raqqa shahriga uyushtirgan havo zarbasida tinch aholidan 300 kishi hayotdan koʻz yumganligi aytilmoqda. Bu haqida BMTning Suriya boʻyicha xalqaro mustaqil tergov komissiyasi maʼlum qildi.
Komissiya raisi Paulo Serjio Pinheiro va komissiya aʼzolaridan biri Karen Koning Abuzayd BMT Jeneva Ofisida mushtarak matbuot anjumani oʻtkazdi. Anjumanda Suriyadagi tinch aholining vaziyatini umumiy jihatdan “juda muhim” deya baholagan Pinheiro “baʼzan (Raqqada) IShID nazorati ostida yashayotganlar tinch aholi vakillari ekanligi haqiqati unutib qoʻyilayotganligiga guvoh boʻlyapmiz”, dedi.
Raqqada koalitsion kuchlar havo hujumlarini kuchaytirganligiga diqqatni jalb qilgan Pinheiro mazkur hujumlarni “ortiqcha ekstrimizm”, deb atadi. Komissiya aʼzosi Abuzayd esa komissiya sifatida faqat koalitsiyaning havo hujumlarini qaydga olganliklarini bildirdi.
“300nafar tinch aholi hayotdan koʻz yumdi. Faqat Mansuri qishlogʻining oʻzidan 200 kishi oʻldirildi”, dedi Abuzayd.
Shuningdek mazkur komissining bildirishicha, Rossiya, Turkiya va Eron tarafidan “janglarni toʻxtatish” bitimi tuzilgan toʻrt mintaqada hujumlar shiddat bilan davom etmoqda. Faqatgina bitta mintaqada hujumlar biroz kamaygan xolos.
