Turkiya prezidenti Rajab Toyyib Erdogʻan Voshingtonda AQSh prezidenti Donald Tramp bilan uchrashuv oʻtkazayotgan bir paytda Trampning IShID masalasi boʻyicha maxsus vakili Brett Makgerk boshchiligidagi amerikalik delegatsiya YPG terrorchilari bilan uchrashdi. Suriyaning Kobani shahrida oʻtkazilgan Makgerkning mazkur uchrashuvi haqidagi xabarlar va fotosuratlar Kurt internet saytlarida va ijtimoiy tarmoqlarda keng tarqatildi.
Eʼtiborli joyi shundaki, AQSh delegatsiyasi uchrashuvida RKK (kurt ishchilar partiyasi)ning mashhur namoyondalaridan biri “Shahin Chilo” laqabli Abdi Farhod Shahin ham ishtirok etdi. Turkiya bu shaxsni oʻzining ashaddiy dushmanlari safiga kiritib, uning boshiga toʻrt million lira pul mukofoti belgilagan. Yana bu shaxsning Tramp vakilining yonginasida oʻtirishi ham eʼtiborga molikdir.
Turkiston:
Erdogʻan AQShga yoʻl olishidan avval “Tramp bilan uchrashib, soʻngi qarorimizni belgilaymiz. Agar ittifoqdosh boʻladigan boʻlsak, ittifoq doirasida qaror qabul qilishimiz lozim. Ittifoqimiz chetga suriladigan boʻlsa, biz ham oʻz bilganimizni qilamiz”, degan edi. Shuningdek, Tramp PYDni ogʻir qurollar bilan taʼminlash qarorini tasdiqlagan paytda Erdugʻon “bu boradagi xavotirlarimizni janob Trampga shaxsan oʻzim tushuntiraman”, degan edi.
Biroq voqelik shuni koʻrsatmoqdaki, Tramp Erdogʻan bilan uchrashgan vaqtda Trampning vakili Turkiyaning qora roʻyxatida boʻlgan shaxslar bilan uchrashuv oʻtkazdi. Zero bu davrda oʻtkazilgan uchrashuv – garchi Turkiya voy desa ham, dod desa ham – Erdogʻan terrorchi guruh deb atayotgan YGPning zimnan AQSh qanoti ostida ekanligini koʻrsatadi. Turkiya esa AQSh bilan strotegik hamkorligini davom ettirishga va Barzoniy bilan boʻlgani kabi bunga ham koʻnikishga majburdir.
