Turkiya prezidenti Rajab Toyyib Erdogʻan Xitoyning poytaxti Pekin shahrida boʻlib oʻtgan “Kamar va yoʻl” Forumiga ishtirok etdi. Ayni mavzu haqida jurnalistlarning savollariga javob bergan Erdogʻanga koʻra, quruqlik hamda dengiz yoʻli savdosi uchun koʻplab mamlakatlarning infratuzilmasini rivojlantirish koʻzda tutilgan ushbu loyiha terrorizmni yer bilan yakson qiladi.
“Juda keng geografiyada amalga oshiriladigan ushbu tashabbus iqtisodiy, siyosiy, ijtimoiy, madaniy sohada bir-biri bilan bogʻlangan yangi tizim taʼsis etilishini anglatadi”, “Ayniqsa, dunyoda rivojlanib borayotgan terrorizmga qarshi tuzilgan bu loyiha terrorizmni yakson etadigan loyiha boʻladi. Har kim uchun foyda keltiradigan bu hamkorlik modeli muvaffaqiyatli boʻladi, deb oʻylayman. Biz Turkiya sifatida, bu loyihani har qanday shaklda qoʻllab-quvvatlashga tayyormiz”, dedi Erdogʻan.
Xitoy bilan “jinoyatchilarni vataniga qaytarish” borasida ham bitim imzolandi. Bitimga koʻra, BMT qochqinlar oliy komissari roʻyxatida boʻlganlar va Yevropa Ittifoqi roʻyxatida boʻlganlardan boshqalari birinchi etapga qoʻyiladi. Bulardan boshqalari vaziyatga qarab ekstraditsiya qilinadi. Bundan tashqari qonuniy tarzda oʻz yurtiga topshirilishi kerak boʻlganlar boʻlsa, albatta oʻz davlatiga qaytariladi.
Jinoyatchilarni qaytarish bitimi boshpana izlab Turkiyaga kelgan Sharqiy Turkistonlik musulmonlarni Xitoy hukumatiga topshirishni ham oʻz ichiga oladi. Xitoy hukumati esa Sharqiy Turkistondan qochib, Turkiyadan boshpana topgan musulmonlarga terrorchi sifatida jazo berishi hech kimga sir emas.
