Sank-Peterburgdagi metro bekatida portlash boʻldi
Rossiyaning Sank-Peterburg shahri metrosining bekatlaridan birida portlash roʻy bergan. Ijtimoiy tarmoqlarga tarqalgan suratlarda pachoqlangan vagon va yerda yotgan odam tanalari koʻringan. Dastlabki xabarlarga koʻra, 10 kishi halok boʻlgan.
Portlash “Texnologicheskiy institut”ida boʻlgan.
Peterburg metropoliteni matbuot xizmati metro vagonida portlash boʻlganligini tasdiqladi. Daslabki maʼlumotlarga koʻra, “nomaʼlum predmet” portlagan.
Portlash natijasida 30 odamning jarohatlangani aytilmoqda. Ayrim xabar nashrlariga koʻra, jarohatlanganlarning ichida yosh bolalar ham bor.
Interfaks agentligi manbasining aytishicha, portlagan narsa qoʻlbola portlovchi qurilma va u sanchiluvchi elementlarlar bilan toʻldirilgan boʻlishi mumkin.
Ayrim xabarlarda “Sennaya ploshchadь” bekatida ham portlash boʻlgan.
Sankt-Peterburgdagi barcha metro stantsiyalari yopib qoʻyilgan.
Sankt-Peterburg shahri metrosida roʻy bergan portlashlar rasman terakt sifatida baholandi. Bu haqda Bosh prokuraturaning OAV bilan hamkorlik qilish boshqarmasi rahbari Aleksandr Kurennoy “Rossiya 24” telekanali efirida maʼlum qildi.
Turkiston:
Prezident Vladimir Putin 1999 yilda prezidentlikka kelayotib, Rossiya boʻylab bir necha oʻnlagan qoʻporuv amaliyotlari uyushtirgan edi. Putin qoʻporuv amaliyotlari bilan fuqorolarni chalgʻitib, oʻzi prezident boʻlib oldi. Soʻng Chechenistonga urush ochish orqali rus elitasi vakillarini siyosatdan chetlatib, ularning oʻrniga sechinchilar nomi bilan tanilgan banditlar komandasini hokimiyatga olib kela boshladi. Putinning bu hatti harakatlari oʻsha vaqtda xalqaro siyosat tomonidan maqullangan edi. Chunki Putin siyosat va iqtisod olamida oʻta zaif siyosiy arbob edi. U Rossiya iqtisodini milliylashtirish siyosati bilan halokat tomon yetaklay boshladi. Bugungi kunga kelib, milliylashtirish siyosati Putinning zarariga ishlay boshladi. Xalqaro siyosatda, Putinning bugungi holatga kelishi uzoq yillar kutib turildi. Putin bir necha oʻn yillab urinsa ham, Rossiyani ilgarigi oʻrniga qaytara olmaydigan darajada iqtisodiy va siyosiy jarlikka tushirib yubordi.
Endi Putinning rejimi, vaziyat koʻtarsa, yana qoʻporuv amaliyotlarini boshlayotgan boʻlishi mumkin. Yana shu yoʻl bilan xalqini chalgʻitib, namoyishchilarga qarshi repressiv harakatlar olib borishi uchun sharoit va imkoniyatlarini kengaytirib olmoqchi boʻladi. Islomiy xavf va vahimalar paydo qilish bilan balki Dogʻiston musulmonlarining norozilik harakatlariga islomiy tus berib, iqtisodiy korruptsiyaga qarshi namoishlarni islomiy norozi muhit bilan aralashtirib yuborishga harakat qilishi mumkin. Islom va musulmonlarning eng ashaddiy dushmani boʻlgan gʻalamis Putindan yaxshilik kutib boʻlmaydi. Lekin bu gal uning bu uslubiga fuqorolari ishonishmaydi. Shuning uchun bu qoʻporuv amaliyoti xalqini tekshirib koʻrish maqsadidagi tajriba amaliyoti boʻldi.
