Qozogʻiston Qirgʻizistonga texnik yordam ajratadigan boʻldi
Qirgʻiziston iqtisodiyot vazirligining xabar qilishicha, Qozogʻiston Qirgʻizistonga Yevroosiyo iqtisodiy komissiyasi Respublikalariga kirishi va laboratoriyalarni texnik vositalar bilan taʼminlash uchun 41 million AQSh dollari miqdorida yordam puli ajratadi.
Bugun, 17 mart kuni Moskva shahrida Qirgʻiziston va Qozogʻiston hukumatlari oʻrtasida Yevroosiyo iqtisodiy komissiyasi kengashi majlisida texnik yordam bayonnomalariga oʻzgartirish kiritish boʻyicha bitim imzolandi. Hujjatga kiritilgan tuzatishlar yordam berish tartibini ancha soddalashtirdi. Oʻzgarishlar texnik yordam hajmini 7,5 milliondan 41 million dollargacha oshirdi.
Avvalroq Qozogʻiston va Qirgʻiziston hukumatlari oʻrtasida Yevroosiyo integratsiyasi ostida iqtisodiy hamkorlikni rivojlantirish boʻyicha bitim 2016 yil 26 dekabrda imzolangandi. Qozogʻiston Qirgʻizistonning Yevroosiyo iqtisodiy komissiyasiga kirishi uchun yoʻl xaritasi, texnik uskunalarni joylashtirish, bojxona infratuzilmasi, sinov laboratoriyalarini modernizatsiya qilish kabi tadbirlarni bevosita moliyalashtiradi.
