Tataristonda 15 nafar Hizb ut-Tahrir aʼzosi hibsga olindi
Rossiya razvedkasi va politsiyasi tarafidan Tataristonda “terrorchi tashkilotlar”ga qarshi qoʻshma amaliyotlar uyushtirildi. Amaliyot natijasi oʻlaroq Rossiya hukumati tarafidan terrorchi tashkilotlar roʻyxatiga kiritilgan Hizb ut-Tahrir uyushmasiga aʼzolikda ayblanib 15 kishi qoʻlga olinganligi aytilmoqda.
Politsiya kuchlari Qozon, Bugulma va boshqa ayrim joylarda 30ta manzilda reyd uyushtirdi. Xabarlarda aytilishicha, qoʻlga olinganlardan tashqari qochishga uringan bir kishi toʻrtinchi qavatdan qulab tushgan. Hozirda uning ahvoli juda ogʻir.
Hodisa yuzasidan berilgan rasmiy bayonotda aytilishicha, tintuv paytida Hizb ut-Tahrir uyushmasiga oid kitoblar, Kalimai tavhid bayroqlari, raqamli qaydnomalar va yon daftarlar topilgan.
Turkiston:
Rossiya hukumati Hizb ut-Tahrir uyushmasiga nisbatan avval ham bir necha marta amaliyotlar uyushtirib, soxta ayblovlar bilan bir qancha musulmonlarni hibsga olgan va ularni terrorchilikda ayblab sud qilgan edi. Vaholangki oltmish yildan ortiq davr mobaynida dunyoning ellikdan ortiq davlatlarida foliyat yuritib kelayotgan Hizb ut-Tahrir uyushmasi hali biror joyda terror amaliyotiga qoʻl urganligi kuzatilmagan. Chunki Hizb ut-Tahrir uyushmasi oʻz faoliyatida Rosululloh s.a.v.ning tariqatini mahkam tutadi. Shunday boʻlsa-da Rossiya hukumati kabi baʼzi kaltabin hukumatlar quruq tuhmat qilishdan or qilishmayapti.
Shuni ham aytib oʻtish lozimki, haqni himoya qilganlar qayerda boʻlmasin, quvgʻinlarga uchrashi, turli bahonalar bilan qamoqlarga tashlanishi kabi imtihonlarga yoʻliqishi tabiiydir. Allohning kalimasini oliy qilishga harakat qilayotganlarga qarshi kufr hukumatlari u yoqda tursin, Islom oʻlkalaridagi hukumatlar ham tish tirnoqlari bilan qarshi kurashmoqda. Chunki botil tarafdorlari Haq tarafdorlarining fikriga qarshi, fikr bilan javob qaytara olmaganligi sababli qoʻllaridagi kuch bilan javob berishdan boshqa chorasi qolmayapti. Bu esa magʻlubiyat belgisidir.
