Atambayev: OAV tuhmat kampaniyasini olib borishmoqda
Prezident saytida eʼlon qilingan bayonotda Almazbek Atambayev “bir qator mustaqil jurnalistlar, OAV va siyosatchilar” mamlakatda yolgʻon va tuhmat boʻyicha kampaniyani olib bormoqda, degan fikrda.
“Alohida OAV va hattoki ijtimoiy tarmoqlardagi bunday kampaniya soʻnggi bir necha yildan beri oʻtkazilmoqda va oʻtgan yilning yozidan ayniqsa kuchaydi. Yolgʻon, tuhmat va badnom qilish boʻyicha kampaniya. Xalqimiz uchun muqaddas boʻlgan soʻz erkinligi printsiplarini yolgʻon va tuhmat bilan almashtirish”, – deya yozadi Atambayev.
Shuningdek, uning jurnalistlarga eslatishicha, ularning vazifasi – soxta xabarlarni emas, balki haqqoniy maʼlumotni yetkazishdir. Atambayev bu “kampaniya”ning maqsadini respublikadagi vaziyatni noyabrda boʻlib oʻtishi rejalashtirilgan saylovlardan avval beqarorlashtirish, deb atadi.
“Tegishli idoralar ozodlik uchun bu soxta kurashuvchilarga qonun barcha uchun barobar ekanini eslatib qoʻyishlarining vaqti keldi”, – degan Atambayev.
Bunga qadar Bosh prokratura prezidentning shaʼniga putur yetkazganlik daʼvosi bilan “24 kg” axborot agentligi, “Zanoza” sayti va “Azattыk” radiosini sudga berib, bir necha million somlik tovon toʻlashni talab qilgan edi.
Turkiston:
Avtoritar rejim oʻrnatish uchun avval matbuot manapoliyasi joriy etiladi. Bu jarayonni olamiy sistema tajribalarida va tarixdagi deyarli barcha rejimlarda koʻrish mumkin. Qoʻshni Oʻzbekiston rejimidan misol keltiradigan boʻlsak, avval 16 fevral voqeasini uyushtirib, ortidan diniy repressiyani kuchaytirib yubordi. Repressiya insoniylik chegarasidan chiqib borayotgan bir paytda, Oʻzbek rejimi Andijon voqeasini uyushtirdi. Soʻng, mamlakatdan deyarli barcha ommaviy axborot vositalari va nodavlat tashkilotlarni quvib chiqardi. Mahalliy matbuot xizmatlarini esa, davlat nazorati ostiga olib, butunlay matbuot manapoliyasini oʻrnatib oldi.
MDH davlatlatlarining deyarli barchasi avtoritar rejim oʻrnatib olishdi. Navbat Qirgʻizistonga keldi. Lekin Qirgʻiziston oʻzini, MDHga aʼzo avtoritar davlatlar orasida qolib ketayotgan “demokratik orolcha” deb nomlab olib, buning evaziga Gʻarb davlatlari va xalqaro tashkilotlardan milliardlagan dollar qarz olib yeb yuborgan. Shu va yana boshqa bir qator sabablarga koʻra, Qirgʻiziston davlatining avtoritar yoki diktatorlik davlatiga oʻzgarishi bir oz qiyin kechishi mumkin.
Xalq Atambayev va uning komandasining har qanday repressiv yoki diktarorlik harakatlarini yomon qabul qilyapti. Negaki Qirgʻizistonda avroritarizm saqofati xalq ichida quvvatga ega emas. Bu diktaturaga moyil saqofiy fikrga nisbatan jamoiy muhitni paydo qilish uchun uzoqroq vaqt va inqilobiy oʻzgarish yasash kerak boʻladi. Atambayev toʻgʻri aytayapti, xalq internetdan turib, siyosiy jarayonlarga oʻz dunyoqarashidan kelib chiqib munosabat bildiryapti. U bir tomonning siyosiy pozitsiyasini qoʻllamayotgan boʻlsa ham, zulm va gʻirromga asoslangan siyosiy harakatlarni, xalq bergan salohiyatdan foydalanib va uning nomidan olib borilayotgan yolgʻon siyosiy oʻyinlarning haqiqiy mohiyati va maqsadlarini koʻrib tushinib turipti.
Hokimiyatning matbuot tizimiga zarba berishdan oʻzga chorasi yoʻq. Bu ishni amalga oshirayotib, diniy muhitga, islomiy jamoa va shaxslarga ham asossiz zulmlar uyushtiriladi. Lekin shu ishlarning hammasi qisqa vaqt ichida amalga oshirilishi kutilayotgani oʻta xavflidir. Avvalambor hokimiyatning oʻzi uchun oʻta xavfli vaziyatlar paydo qilishi mumkin!
