MXDQ xodimlari giyohvand modda bilan qoʻlga olindi
Qirgʻiziston milliy xavfsizlik davlat qoʻmitasi matbuot xizmatining xabar qilishicha, MXDQning amaldagi va sobiq xodimlari Bishkek shahrida 7,5 kg geroin giyohvandlik moddasi bilan qoʻlga olingan. Ular giyohvandlik moddalarining noqonuniy savdosi bilan shugʻullanib kelishgani aniqlangan.
“Davlat milliy xavfsizlik qoʻmitasining ichki xavfsizlik xizmati va Qirgʻiziston IIVning qoʻshma tezkor harakatlari natijasida Qirgʻiziston DMXQning sobiq va hozirda ishlayotgan bir necha xodimlari qoʻlga olindi. Oʻtkazilgan tadbirlar natijasida taxminan 7,5 kilogramm geroin noqonuniy aylanishdan toʻxtatib qolindi”, – deya xabar qildi MXDQning matbuot xizmati.
Qoʻlga olinganlar Bishkek shahri IIBning vaqtinchalik saqlash izolyatoriga olib kelingan.
Turkiston:
Qirgʻizistonda markaziy hukumatning taʼsir doirasi torayib borgan sari kuch organlari xuddi, saltanat ichidagi alohida bir saltanatga aylanib borishmoqda. Dastavval rasmiy hukumat oʻziga muxolif boʻlgan kuchlarni nazorat va qoʻrquv ostida ushlab turish uchun kuch organlariga katta imkoniyat va salohiyatlarni berib keldi. Bundan tashqari, hukumat kuch organlari boshqaruv apparatiga, xususan MXDQga rahbar tayinlashda asosiy eʼtiborni ularning kasbiy maxoratiga emas, balki itoatiga qaratdi. Buning natijasida sohaga hech qanday aloqasi boʻlmagan shaxslar rahbarlik kursilariga oʻtirishdi. Oqibatda bu soha eng korruptsiyalashgan tarmoqqa aylandi, asl vazifasi xalq manfaatlari va xavfsizligini taʼminlash boʻlgan idora, fuqarolar, xususan musulmonlar hisobidan boylik orttiruvchi jinoiy toʻdaga aylanib qoldi.
IIV matbuot boʻlimi tomonidan eʼlon iqlingan hisobatda, oʻtgan yilning 9 oyi mobaynida fuqarolar tomonidan organ xizmatchilari ustidan 1840 nafar shikoyat kelib tushgan. 55 nafar organ xodimi ishdan haydalib, 71ta xodim ishdan boʻshatilgan. Bundan tashqari 1318 organ xizmatchisi jazoga tortilib, 693 material tergovga joʻnatilgan. Bularning ichidan 81 kashi ustidan jinoiy ish qoʻzgʻatilgan. Shunga qaramay, hukumat oʻzini va fuqarolar xavfsizligini hamda jinoiy ishlarga qarshi kurashish vazifasini shu jinoyatchilarga, yaʼni organ xodimlariga toʻliq topshirib qoʻydi. Yuqoridagi shikoyatlar yuzta mazlum fuqaroning bittasi tomonidan yozilgan boʻlishi mumkin. Chunki aksar hollarda fuqarolar oʻzlariga nisbatan sodir etilgan huquq buzilishlari yuzasidan shikoyat qilishdan ham qoʻrqishadi. Zulmlar koʻlami rasmiy hisobotda kelgandan koʻra ancha keng. Bunga organ xodimlari ustidan olib borilayotgan ishlar imkon qadar bosti-bosti qilinishi yoki umuman yopib yuborilishini qoʻshish mumkin boʻladi. Hukumat yaʼni vazirlar bu ishlarga koʻz yumibgina qolmay, balki jinoyatchilarga homiylik va ular bilan sherikchilik qilishadi. Chunki bu xodimlarning iflos ishlaridan tushgan daromadlar yuqoridagilar bilan boʻlinadi.
