Liviyadagi aldangan Vifoq haqida bahs
2017 yil 14 fevralda “Bavvoba Afriqiya” axborot saytida xabar qilinishicha, Misr qurolli kuchlari bosh qoʻmondoni general-leytenant Mahmud Hijoziy raisligi ostida Liviya boʻhronini kuzatish vazifasi topshirilgan Misr komissiyasi ikki kun uchrashuvlar oʻtkazib, ularning xulosalarini eʼlon qilgan. Bu uchrashuvlarda uch kishi bilan, yaʼni Liviya vakillar palatasi raisi Aqila Solih, Liviya armiyasi bosh qoʻmondoni ekani aytilayotgan marshal Xalifa Haftar, shuningdek, Vifoq hukumatidagi Prezident Kengashi raisi Foiz Sarrojlar bilan xos uchrashuvlar oʻtkazgan. Uchrashuvlar xulosalari quyidagilardan iborat:
Vakillar palatasi bilan davlat oliy kengashidan tanlangan qoʻshma komissiya tashkil qilinadi, komissiya vakillar palatasiga tayangan holda siyosiy bitimni oʻzgartirish bilan shugʻullanadi.
Barcha tegishli masalalarni hal etish uchun ayni bitimni dasturga kiritiladi;
2018 yil fevraliga qadar parlament va prezidentlik saylovlari oʻtkaziladi.
Bu harakatlar, uchrashuvlar va qarorlardan Misr Liviya ishini Tunis va Jazoirdan chiqarib olishni maqsad qilgan. Bu esa AQSh soyasida harakat qilayotgan Xalifa Haftarga ustunlik beradi, keyin esa Yevropaning, xususan, Britaniyaning mavjud boʻlib turishini qiyinlashtirib qoʻyadi. Bu uchrashuvlarga Misr qurolli kuchlari bosh qoʻmondonining nazoratchi qilinishi shuni koʻrsatmoqdaki, Misr nazariyasi boʻyicha kutilayotgan yechim, Haftarning zolim kuchlariga harbiy ustunlik berishdir. Yaʼni, rejalashtirilayotgan yechim Amerika strategiyasiga muvofiq boʻladi, bu uchrashuvlar va qarorlar esa bir siyosiy niqob, xolos. Shu niqob orqali Haftar birinchi bosqichda siyosiy tarafga, ikkinchi bosqichda esa, bitimlar buzildi yoki ijro etib boʻlmadi, degan dastak bilan harbiy mashinasi yordamida hukmronlik qiladi.
Agar shunday boʻlmasa, u holda, qachon Sarroj va hukumatining Liviyada biror vazni boʻlgan?! Axir, uning bu mansabga tayinlanishi xorijiy qaror bilan boʻlib, bir yildan ziyod vaqt biror siyosiy ish qilish qoʻlidan kelmadi, albatta, hukumat tuzganini hisobga olmaganda, uni olib kelgan taraflar ham uning butunlay muvaffaqiyatsizlikka uchraganini maʼlum qilishdi!! Buning muqobili oʻlaroq, nima uchun Milliy Kongress raisi Xalifa Gʻavil ayni uchrashuvlar va bitimlardan istisno qilindi, holbuki, Tripoliga amalda hukmronlik qilayotgan shu boʻlsa?! Bu shunga dalolat qiladiki, tomonlarni toʻplashdan maqsad siyosiy yechim emas, balki kelasi bosqichda Xalifa Haftar hukmronligini Liviya armiyasi bosh qoʻmondoni, degan daʼvo bilan oqlash… keyin esa yurtni navbatdagi diktatorlik bosqichiga hozirlashdir. Bu bosqichdan eng birinchi Amerika manfaatdor boʻladi, albatta.
Shubhasiz, bu muzokara va uchrashuvlarda haqiqiy yechim topilmaydi. Haqiqiy yechim – butun Liviya ahlining Alloh Subhanahu va Taolo farz qilgan loyiha atrofiga mahkam jipslashishidir. Ayni loyiha Liviya va butun dunyodagi Islom Ummatining Islom davlati boʻlib, Paygʻambarlik minhoji asosidagi roshid Xalifalik boshqaruvidir. Xalifalik – diktatorlik va demokratik boshqaruv oʻrniga, yaʼni Ummatni gʻayriilohiy dinsizlik boshqaruviga qaytarishga urinayotgan mustamlakachilik kuchlari oʻrniga barpo boʻladi. Mana shu Islom tuzumigina musulmonlar qonini himoya qilib, shuncha vayronagarchiligu boshboshdoqlikni oldini oladi.
Ustoz Rizo Bilhoj
Hizb ut-Tahrirning markaziy matbuot boʻlimi aʼzosi
telefon: 00961 1 30 75 94
uyali telefon: 00961 71 72 40 43
elektron pochta: media@hizb-ut-tahrir.info
