Ornok qishlogʻi ham yaxshilik karvoniga qoʻshildi
Issiqkoʻl tumanining Ornok qishlogʻida xalqni hamjixatlik, birdamlik va iymonga chaqirib spirtli ichimliklarni sotish butunlay toʻxtatildi. Bu ishni mahalliy aholi amalga oshirib 3 fevral kuni 26555 somlik spirtli ichimliklar toʻkib tashlandi.
Mahalliy aholi tomonidan uyushtirilgan tadbirga Issiqkoʻl tumanining Chon-Sari-Oy qishloq hukumati yetakchisi Abdukalikov Ulan, Issiqkoʻl viloyati qozisining oʻrinbosari Choyubek hoji va Issiqkoʻl tumani imom hatibi Maqsadbek domla ishtirok etib, spirtli ichimliklar sotishni toʻxtatgan doʻkon egalariga Tashakkurnoma yorliqlarini topshirishdi.
Yigʻilishga Chok-Tal, Ornok, Chon-Sari-Oy, Sari-Oy va Bayet qishloqlarining imomlari ham qatnashdi.
Turkiston:
Olamlar Robbisi Alloh Taologa beadad shukrlar boʻlsinki, Qirgʻiziston musulmonlarining Islom diniga boʻlgan intilishlari, har bir qilayotgan ishlarini islomiy hukmlar asosida boshqarishga eʼtibor qaratishlari kundan-kunga ziyodalashib bormoqda.
Bundan avval Norin viloyatidagi Komsomol qishlogʻi, Issiqkoʻl viloyatidagi Birlik qishloq va yana koʻplab qishloqlar aholisi ham oʻz qishloqlarida spirtli ichimliklar sotilishiga barham berishgan edi. Qishloqlar ahlining halol-haromga amal qilishlarida, turmush tarzilarini Islom hukmlari asosida shakllantirishlarida mahalliy masjid imomlari va Allohning roziligi yoʻlida yaxshi yashash orzusidan voz kechib, ahli oilasini Allohga tavakkul qilib tashlab chiqib, chekka-chekka qishloqlarga qadar borib odamlarni islomiy hayot kechirishga daʼvat qilayotgan daʼvatchi birodarlarimiz ham munosib hissa qoʻshishmoqda.
Insonlarni ikki dunyo saodatiga olib boruvchi din bu – Islom dinidir. Musulmonlar Allohning buyruq va qaytariqlari asosida turmush tarzlarini shakllantirib borishlari ga amal qilishlari va boshqalarni ham Islom dini asosida yashashga chaqirishlari orqali jamiyatda oʻzgarish boshlanadi. Albatta, biz oʻzimizni oʻzgartirishni boshlaganimizdan keyingina Alloh Taolo bizlarni ahvolimizni oʻzgartiradi.
Alloh Taolo aytdi:
“Aniqki, to biron qavm oʻzlarini oʻzgartirmagunlaricha Alloh ularning ahvolini oʻzgartirmas” (Raʼd: 11).
