Ostona uchrashuviga tayyorgarlik koʻrilmoqda
Qozogʻiston poytaxti Ostonada tashkil qilinadigan Suriya sammiti asoslarini belgilash uchun Turkiya, Rossiya va Eron masʼullari Moskvada uchrashuv oʻtkazishdi. Bu haqida Turkiya tashqi ishlar vazirligi tarafidan berilgan bayonotda maʼlum qilindi. Bayonotda aytilishicha, yigʻilishda Turkiya, Rossiya va Eron rasmiylari Suriyada barqarorlikni yuzaga keltirish, otashkesim jarayonini saqlab qolish, BMT roʻyxatiga kiritilgan “terrorchi” guruhlarga qarshi kurashni davom ettirish va Suriyada ilmoniy hukumatni hokimiyatga olib kelishni jadallashtirish borasida kelishib olishgan.
BMTning Suriya boʻyicha maxsus vakili Staffan de Mistura Ostona shahrida boʻlib oʻtishi rejalashtirilgan Suriya uchrashuvi BMT tarafidan dastaklashini maʼlum qildi. Misturaning taʼkidlashicha, Rossiya va Turkiya hukumatlari Suriya masalasida toʻgʻri yoʻnalish boʻylab ketmoqda.
“Rossiya va Turkiya boshchiligida Eron va boshqa taraflar turli vaziyatlarga qaramay ilgarilab bormoqda. Bu toʻgʻri ilgarilashdir. BMT bundan uzluksiz xabardor boʻlib turibdi va biz dastak berish uchun tayyormiz. Umid qilamizki, Ostonadagi uchrashuv muvaffaqiyatli oʻtadi va Jenevada tashkil qilinadigan yigʻilishga yoʻl ochadi”, dedi Mistura.
Uchrashuvda Rossiya tashqi ishlar vazirining oʻrin bosari Mixail Bagdanov, Rossiya tashqi ishlar vazirigining Yaqin Sharq va Shimoliy Afrika masalalri boʻyicha departamenti rahbari Sergey Vershenin, Eron tashqi ishlar vazirining yordamchisi Husayn Jabariy va Turkiya tashqi ishlar vaziri maslahatchisining oʻrin bosari Sadat Onal ishtirok etdi.
AQSh maʼmuriyati Ostona uchrashuviga taklif qilinmaganligini daʼvo qilmoqda. AQSh departamentining matbuot kotibi Mark Toner kundalik matbuot brifingida “bilishimcha, uchrashuvga rasman daʼvat etilmadik”, dedi. Biroq Voshinton post gazetasi tarqatgan xabarga koʻra, Ostona uchrashuviga daʼvatnoma Rossiyaning Voshingtondagi elchisi tarafidan Trampning milliy xavfsizlik boʻyicha maslahatchisi Maykl Flinnga yetkazilgan.
Turkiya esa Ostona uchrashuviga AQShning ishtirok eitishi shartligini taʼkidlab kelmoqda. Prezidentning matbuot kotibi Ibrohim Qalin oxirgi chiqishida AQShning uchrashuvda ishtirok etishini maʼlum qildi.
