Moskvada Hizb ut-Tahrir aʼzolari ommaviy qamoqqa olinmoqda
2016 yil 6 dekabr kuni ertalab Moskvada Hizb ut-Tahrir aʼzolari ommaviy qamoqqa olindi. 7 dekabr kuni ertalab xavfcizlik xizmati axborot vositalariga 25 nafar Oʻrta Osiyolik ekstremistlarning qamoqqa olingani, tintuv chogʻida taqiqlangan adabiyotlar topilgani, qamoqqa olish amaliyoti razvedka, ichki ishlar va Rossiya Federal xavfsizlik xizmati hamkorligida oʻtkazilgani toʻgʻrisida maʼlumot berdi. Oʻsha kuni kechqurun axborot vositalari bugun 12 nafar qamoqqa olingan shaxsga Rossiya ichkarisida taqiqlangan Hizb ut-Tahrirda faoliyat qilganlik ayblovi qoʻyilgani toʻgʻrisida xabar tarqatdi.
Ushbu musulmonlarni qamoqqa olish hodisasi vaqtini va bu toʻgʻrida tarqatilgan xabarlarni kuzatadigan boʻlsak, shu narsa ayon boʻladiki, bu hamkorlikdagi amaliyot Federal xavfsizlik xizmati uchun informatsion bosim paydo qilishda kerak boʻldi. Chunki ayni xizmatni moliyalashtirish masalasi muhokama qilinayotgan edi. 7 dekabr kuni parlamentda muhokama boʻlib oʻtib, keyingi uch yil davomidagi davlat byudjetiga oid qarorlar qabul qilindi. Ayni xizmat davlatning ijtimoiy majburiyatlari hisobiga sarflagan yirik hajmdagi mablagʻlar bilan bogʻliq savollar kelib chiqmasligi uchun oʻzlarini jamoat xavfsizligi yoʻlida muvaffaqiyatli ish olib borayotgan hamda “jonini xavf ostiga qoʻyib”, “jinoyatchilar”ni qamoqqa olayotgan qilib koʻrsatishmoqchi boʻlishdi. Hizb ut-Tahrir aʼzolari qamoqqa olish chogʻida qurolli qarshilik koʻrsatmaydilar va ularni tintuv qilinganda doim Rossiyada taqiqlangan adabiyotlar topilishi tabiiy. Bu esa xavfsizlik xizmati uchun “ekstremistlar” va “terroristlar”ni boʻrttirib koʻrsatishda oʻz “professionalliklari” va “muvaffaqiyatlari”ni namoyish qilishlariga qoʻl keladi… Bu xizmat Hizb ut-Tahrirning terrorizmga aloqasi yoʻqligini yaxshi biladi hamda Hizbning 2003 yilda Rossiya oliy sudi tomonidan terrorchi tashkilotlar roʻyxatiga kiritilganini va bundan maqsad, uning aʼzolarini islomiy koʻzqarashlarga ega boʻlganlari sababli bostirish lozimligini ham yaxshi biladi.
Shunday qilib, Moskva sudida oʻtirgan musulmon birodarlarimiz xavfsizlik xizmati qonunbuzarligi qurboniga aylandilar. Chunki Rossiyaning Islomga qarshi dushmanlik siyosati doirasida bu xizmatga mutlaq erkinlik berib qoʻyilgan.
Alloh Subhanahu va Taolo bunday deydi:
وَلاَ يَحْسَبَنَّ الَّذِينَ كَفَرُواْ أَنَّمَا نُمْلِي لَهُمْ خَيْرٌ لِّأَنفُسِهِمْ إِنَّمَا نُمْلِي لَهُمْ لِيَزْدَادُواْ إِثْمًا وَلَهْمُ عَذَابٌ مُّهِينٌ
“Kofirlar oʻzlariga bergan muhlatimizni zinhor oʻzlari uchun yaxshilik deb hisoblamasinlar, balki biz ularga gunohlarini ziyoda qilishlari uchungina muhlat beramiz, ular uchun xor qilguvchi azob bor” [Oli Imron 178]
Hizb ut-Tahrirning Rossiyadagi matbuot boʻlimi
Rasmiy sayt: www.hizb-russia.info
Elektron pochta: mediaoffice.htr@gmail.com
