Ey Erdogʻan! Bu safar ham fursatni qoʻldan boy berding
Amerikalik musulmon jurnalist Bilol Abdulkarim Suriya rejimi va Rossiya bombalari ostida qolgan Halab shahridan “Balki bu mening oxirgi chiqishimdir”, deya Islom Ummatiga video murojaat yoʻlladi.
“Masalan (Turkiya prezidenti Rajab Toyyib) Erdogʻan, Quroni karimni goʻzal tilovat qilasan. Lekin bu safar ham fursatni qoʻldan boy berding. Haqiqatdan ham qoʻlingda juda katta fursat bor edi. Buyuk qahramon boʻlishing mumkin edi. Bor-yoʻgʻi 25km uzoqlikdagi armiyani safarbar qilib, yordamsiz qolgan insonlarni qutqarishing mumkin edi. Lekin fursatni qoʻldan boy berding. Boshqa barcha mamlakatlarning ahvoli ham mana shu. Saudiyaliklar, Qatarliklar va hokazo…. hammangiz uchun buyuk fursat yuzaga kelgan edi… oltin fursat… Lekin nima boʻlganda ham Ummat oʻz kurashini davom ettiraveradi. Musulmonga ham, gʻoyrimusulmonga ham adolat bilan muomala qiladi”, deydi jumladan Halabdan Islom Ummatiga video murojaat yoʻllagan jurnalist Bilol Abdulkarim.
Oʻz navbatida Turkiya pezidenti Halab voqealariga nisbatan “Asad rejimining Halabda amalga oshirayotgan insoniy jinoyatlariga jim qarab tura olmaymiz”, deya bayonot berdi. Ammo Erdogʻan bu bayonoti bilan Turk qoʻshinini Halabga safarbar qilib, dunyo koʻz oʻngida qirgʻin qilinayotgan musulmonlarning, jumladan ayollar va yosh bolalarning xaloskori boʻlishni nazarda tutmadi. Balki soʻzining davomida halabliklarga oʻz yurtidan joy berishga tayyor ekanligini maʼlum qildi.
“Halabdan qutilgan birodarlarimizga yordam berish uchun barcha chora tadbirlarni koʻrib qoʻydik… Har qanday yordam berishga tayyormiz. Ammo bizga koridor kerak. Turkiyaga keladiganlarni bagʻrimizga bosishga tayyormiz… Insonlar u yerdan chiqishlari uchun darhol yoʻlak ochilishi zarur”, dedi Erdugʻon.
