Halab yonmoqda
AQSh Suriyada vujudga kelgan xalq qoʻzgʻolonini oʻz izmiga solish uchun uzoq vaqt tinimsiz harakat qildi. Maqsadiga erishish yoʻlida Suriya inqilobi uchun tuzoqdan oʻzga narsa boʻlmagan “Jeneva-1”, “Jeneva-2”, “Jeneva-3”… kabi konferentsiyalarni uyushtirib, qoʻzgʻolonni oʻz oqimidan, boshlangan vaqtdagi gʻoyasidan burib yuborishga behuda urindi. Bu harkatlari ish bermagach esa musulmon mujohidlar azmu qarorini sindirish, oʻz yoʻliga yurishga majbur qilish uchun inqilob boshlanganidan beri Bashar Asad rejimiga yordam berib kelayotgan Eron yollanma jangchilariga keng imkoniyatlar eshigini ochib berdi. Rossiyani ham bu urushga jalb qilib, rus harbiylari va Eron yollanma jallodlari sodir etayotgan qotillik va qirgʻinlarga koʻz yumdi.
Musulmon yurtlari malay hokimlari esa dindosh birodarlariga yordam qoʻlini choʻzish, bizlar uchun umumiy dushman boʻlgan bosqinchilarga qarshi kurashish yoʻlida birlashish oʻrniga, AQSh boshchiligida tuzilgan harbiy koalitsiya safiga qoʻshilishga shoshilishdi. Bu yoʻlda odatdagidek, Saudiya Arabistoni oʻziga xos tashabbus koʻrsatdi.
Suriyaga bir devor qoʻshni boʻlgan Turkiya hukumati ham Allohni rozi qiladigan yoʻlni emas, balki oʻzining mustamlakachi xojalarini rozi qilish yoʻlini tanladi va “Frot qalqoni” nomi ostidagi harbiy amaliyot boshladi…
Paygʻambarimiz Muhammad sollallohu alayhi va sallam: “Hali ustingizga xalqlar xuddi yemakxoʻrlar tovogʻiga tashlanganidek yopirilib keladi”, deganlaridek, Allohning roziligi yoʻlida harakat qilayotgan musulmonlar ustiga mustamlakachi davlatlar va ularning ochkoʻz gumashtalari yopirilib kelishdi.
Oqibat shunga yetib keldiki, Suriyadagi musulmonlar kufr bilan yuzma-yuz ochiq maydonda yolgʻiz qolishdi. AQSh roziligi va sukuti ostida rus harbiy uchoqlari va shia yollanma askarlari musulmonlar ustiga dunyo hamjamiyati tomonidan taqiqlangan bombalarni behisob yogʻdirdi. BMT va boshqa demokratiya kuychisi boʻlgan tashkilotlar bu holni koʻrib turib oʻzlarini koʻrmayotgandek qilib koʻrsatishdi.
Kuchlar oʻrtasidagi ulkan tafovut sababli musulmon mujohidlar oʻzlari egallab turgan shahar va qishloqlardan surib chiqarildi. Bugunga kelib esa kufrning bor kuchi va eʼtibori Halab shahrining bir chekkasida qamal holatiga tushib qolgan yuz minglagan muxlis musulmonlarni jismonan yoʻq qilish ustida jamlandi.
Bugun Halab yonmoqda! Bugun Halabda muslimalar nomusi toptalish xavfi ostida qolmoqda! Bugun Halab yer yuzidagi musulmonlarga nido qilib, madad kutmoqda! Bugun Halabdagi muslima singillarimiz shia yollanma jallodlari qoʻlida oʻyinchoq boʻlib, nomuslari toptalgandan koʻra oʻz jonlariga qasd qilishni afzal koʻrishmoqda!
Bu hodisalarni koʻra bilib turib biz musulmonlar nima qilyapmiz?! Alloh taolo bizga bergan imkoniyatni qaysi yoʻlga sarflayapmiz?!!!
Ey, hokimiyat egalari, ey, harbiy general va zobitlar Qiyomat kunida bu mazlumlar nolasiga javob qilmaganimiz uchun Allohga nima deb javob beramiz?!
Halab bizdan osh-non, kiyim-kechak soʻrayotgani yoʻq! Biz oʻz imkoniyatimizdagi barcha vositalarni ishga solib ularga yordam qoʻlini choʻzishmizni soʻramoqda!
Bugun Halabda yuz berayotgan xodisalarga nistaban bizning pozitsiyamiz qanday boʻlishi kerak? Bizdan nimalar talab qilinadi?
Qiyomat kunida har birimiz Allohning oldida musulmon sifatida, jamoat sifatida va qoʻlimizda mavjud boʻlgan hokimiyat va kuch ustida javob beramiz!
Musulmonlar shaxs sifatida Halabda qirgʻin va zulmga duchor boʻlayotgan dindosh birodarlarmiz haqqiga duoda boʻlib, u yerda mustamlakachi davlatlar va ularning malaylari tarafidan amalga oshirilib yotgan vahshiyliklar, hiyonatlarga qarshi oʻz davlati va dunyo boʻylab ommaviy fikrni paydo qilishga harakat qilishlari vojib.
Islomiy jamoatlar esa mamlakatdagi va Islom yurtidagi hokimlarni oʻz qoʻllarida kazarmalarda bekorchilikdan zerikib yotgan harbiy qoʻshinlarini Halabni qutqarish uchun safarbar qilishni talab qilishlari vojib.
Har bir islomiy yurtdagi hokimiyat egalari esa bandaga boʻlgan qullik zanjirini uzib tashlab, harbiy qoʻshinni Halabni ozod qilish, musulmonlarni qutqarish uchun safarbar qilishlari va boshqa islomiy yurt hokimlaridan ham shuni talab qilishlari vojib.
Ibn Umar roziyallohu anhudan rivoyat qilingan hadisda paygʻambarimiz Muhammad sollallohu alayhi va sallam: “Musulmon musulmonning birodaridir. U unga zulm ham qilmaydi va yordamsiz tashlab ham qoʻymaydi”, deganlar. Toʻrtovlari rivoyat qilgan.
