Rossiya Halab ahli irodasini sindirish uchun yolgʻonlar toʻqishni omadsizlarcha davom ettirmoqda
Rossiyaning AQSh buyrugʻi bilan Suriyada shafqatsiz hujumlarni boshlaganiga bir yildan ortiq vaqt oʻtdi. Shundan buyon Rossiyaning oʻziga topshirilgan iflos vazifani amalga oshirish uchun olib borayotgan siyosati oʻzgarmadi. Rossiyaga jonligu jonsiz narsalarni bombalash, turmush vositalarini turli rusumdagi qirgʻin qurollari yordamida vayron qilish orqali sabrli qoʻzgʻolonchilar irodasini sindirish vazifasi yuklangan edi. U vaqti-vaqti bilan (minalashtirilgan, yaʼni qoʻqqisdan portlashi mumkin boʻlgan) “gumanitar pauza”ni eʼlon qildi. Bunday makr va jinoyat Shom ahlini umidsizlikka tushib taslim boʻlishga hamda Amerikaning zahri qotil yechimiga boʻyin egib rozi boʻlishga majbur qilar degan umidda u bu “gumanitar pauza”ni oʻzi xohlagan paytda eʼlon qildi, xohlagan paytida muddatini uzaytirdi va xohlagan paytida uni bekor qildi.
Ochiq koʻrinib turibdiki, har safar biror tashabbusni koʻtarib chiqish yoki konferentsiya oʻtkazish kabi xalqaro siyosiy faoliyat boʻladigan boʻlsa albatta undan oldin telbalarcha bombalash jinoyati sodir etiladi. Bu jinoyatga sukunat, uni toʻxtatish uchun biror ish qilmaslik hamda AQSh va Gʻarbning halovatini buzgan qoʻzgʻolonni boʻgʻizlab tashlash uchun xalqaro til biriktiruv hamrohlik qiladi… Chunki toʻkilayotgan qon musulmonlar qonidir…
Yana shu ham maʼlumki, qonxoʻr rejim oʻzi uchun sulh va ofat keltiruvchi muzokaralardan ham oʻtkirroq va tinchroq qurol yoʻq, deb bilmoqda, chunki shular orqali u mintaqa ketidan mintaqalarni bosib olyapti yoki qamal qilib, vayron etyapti, ortidan boshqa mintaqaga oʻtyapti…
Yuqorida aytilganlardan demak, Rossiyaning davʼolarini va bir necha kun oldin qilgan eʼlonini tushunish mumkin. U “gumanitar pauza”ga rozi boʻlganini, “tinch yoʻlaklar” ochib, u yerlardan qurolli kishilarni Halab shahridan chiqishga chaqirayotganini, bu qurolli kishilar qamalda qolganlari sababli katta ziyon koʻrganliklarini daʼvo qildi. Bir vaqtning oʻzida, bir necha qurolli guruhlar Halabdagi birodarlarini qamaldan qutqarish uchun jang boshlaganliklarini eʼlon qildi. Reyter axborot agentligiga koʻra, Rossiya “chorshanba kuni Halabda qamalda qolgan Suriya muxolafati kuchlaridan juma kuni kechki payt shaharni tark etishni talab qilgan va Rossiya shahar ichkarisidagi nishonlarga qarshi havo hujumlarini toʻxtatib, bu muddatni uzaytirishi mumkinligini taʼkidlagan”. Rossiya mudofaa vazirligi muxolafat jangchilariga 4 noyabr kuni mahalliy vaqti bilan soat 09:00dan 19:00ga qadar ikki yoʻlakdan qurollari bilan birga tinch chiqib ketishga ruxsat berilganini maʼlum qildi. Bundan oldin chorshanba kuni esa ayni vazirlik jang paytda muxolafat jangchilari katta ziyon koʻrganini va ular amaliy qamal holatda ekanliklarini xabar qilgan edi. Keyin “muxolafat jangchilarining Halabda gʻalaba qozonishga boʻlgan barcha urinishlari muvaffaqiyatsiz chiqqani”ni qoʻshimcha qildi.
Ha, Rossiya sulh orqali yevropaliklar gʻazabini pasaytirishga urinmoqda. Biroq shunga qaramay, uning bayonotlari yolgʻon ekanini Suriya maydonidagi voqelik ochib qoʻymoqda. Rossiya yolgʻonlarini fosh etayotgan voqelik quyidagilardan iborat: Qamal qilingan Halab ichkarisidan chiqqan juda koʻp videolarda Halab ahlining sabot bilan turganliklari, himmatlari oliyligi namoyon boʻlgan, ular to dinlari, yurtlari va nomuslari mudofaasi yoʻlida shahid boʻlmagunlaricha u yerdan chiqmasliklarini taʼkidlaganlar;
Jang maydonida mustahkam turgan bir necha guruhlar qator bayonotlar chiqarib, bu bayonotlarda Halabdan chiqishga rozi emasliklarini, AQSh bilan Rossiyaning muxolafatni moʻʼtadillar va terrorchilarga boʻlish zarurligiga, buni boʻlish qiyin boʻlayotganiga oid bemaʼni tomoshalarini fosh qilganliklarini taʼkidlaganlar;
Birorta ham guruh tomonidan sulhga rozi boʻlganiga oid bayonot chiqarilmagan; qamalni buzishga kelishib olgan jangchilarda kuchli aqida mavjud, ular avvalo Allohga tavakkal qilib, bunga kerakli sabablar va yaxshi tayyorgarliklarni koʻrmoqdalar;
Rossiya mudofaa vazirligi bunday bayonot berdi: “Halabdagi Kastella orqali gʻarbiy qismdagi qurolli guruhlar qilgan bombardimon oqibatida Rossiyaning Suriyada sulhni muvofiqlashtiruvchi markazidagi rus harbiylari jarohat oldilar”, keyinchalik ulardan boshqa mintaqada ham jarohat olganlar boʻldi;
Qamal ichkarisida qamalni buzish uchun harakat qilayotgan guruhlar bilan oʻzaro muvofiqlashtirilgan amaliyotlar oʻtkazildi; bu guruhlar oʻtgan payshanba kuni dushman qalbini zir titratdilar, zotan, bundan oldin qoʻzgʻolonchilar kutilmaganda yangi Halab mahallasiga hujum qilib, dushmandan bir nechtasini yer tishlatgan edilar;
Xolis jangchilar qonxoʻr rejimning qamal qilingan shahar tarafidan bir necha jabhalarga qilgan hujumlarini toʻsishga muvaffaq boʻldilar;
Qonxoʻr rejim havodan varaqalar tashlab, unda odamlarni “Suriya armiyasi mardlari” yetib kelmasidan oldin taslim boʻlishga chaqirdi, natijada esa oʻsha “mardlar” hammaga masxara boʻlishlariga va ijtimoiy aloqa vositalarida latifaga aylanishlariga toʻgʻri keldi;
Rejim anchadan beri mobil telefonlari orqali “Asad-sher savlati oldida mushuk kabi miyovlaysanlar”, degan bildiruvni tarqatib kelmoqda. Ammo bu Halab ahlida Allohning nusrati va Allohning izni ila fath yaqinligiga boʻlgan ishonchlarini yanada mustahkamlamoqda, xolos;
Hatto axborot vositalarining rus kemalari, turli rusumdagi bombardimonchi uchoqlar va bombalar kelgani, minglab yangi rus askarlari yetib kelgani toʻgʻrisida tinmay xabar tarqatishi ham boshi berk koʻchaga kirib qolgan ruslarning oʻziga teskari taʼsir koʻrsatmoqda. Chunki ular 14 oydan beri maqsadlariga erisholganlari yoʻq, bu “rus ayigʻi” amerikaliklar qoʻlidagi sariq chaqaga yollangan qotillardan boshqa narsa emasliklarini oʻzlari ham tushunishmoqda;
Qamalni yorib kirish jangini de Mistura tilidan “nopok ish”, deyilmoqda. Buning boisi shuki, bu faqat qamalni yorib kirish jangigina emas, balki Amerika irodasini sindiruvchi jangdir hamda AQSh boshlagan siyosiy yechimga ham, BMT rahnamolik qilayotgan muzokaralarga ham, uning sherigi ruslar bilan qonxoʻr rejimning qurollanganlarning Halabdan chiqishlari evaziga, bombardimonni toʻxtatishga va insonparvarlik yordamlarini kiritishga oid vaʼdalariga ham rozi boʻlmaslik jangidir… Barchamizga sir emaski, Rossiya AQSh rejalariga qarshilik qilayotgan jangchilardan Halabni boʻshatish uchun soxta sulh muvaffaqiyatiga erishish yoʻlida oʻlib-tirilmoqda. Shu orqali Amerikaning de Mistura tilidan tinmay “Suriya ilmoniy davlatdir, hokimiyat boʻlishish davlatidir”, deyilayotgan qattol yechimni zoʻrlab oʻtkazishiga qulaylik yaratib bermoqchi. Shuning uchun Rossiyaning Halab ahli va jangchi guruhlarning shahardan chiqishlariga boʻlgan ishonchi puchga chiqqach, rejim va ularning ortida turgan AQSh bilan birgalikda navbatdagi urinishni, yaʼni sulh muddatini uzaytirishni boshladi… Rossiya shu orqali ularni shaharni tashlab chiqishga avrab, qamalni buzish harakatlaridan chalgʻitmoqchi. Chunki ular qamalni sindirishga va AQSh bilan uning malaylariyu gumashtalari haybatini parchalashga urinayotgan boshqa jangchi guruhlar bilan muvofiqlashgan holda shiddat bilan harakat qilmoqdalar…
Rossiyaning shifoxonalar, maktablar, bozorlar, isitkich pechlari va shahar aholisi hayoti bilan bogʻliq barcha joylarni bombardimon qilishi xalq irodasini sindirishga boʻlgan arzongarov bir uslubdir. Biroq u, har qancha qurbonlik talab qilmasin, Allohdan oʻzgaga tiz choʻkmaslikka ont ichgan xalqdir.
Shunga diqqatni qaratmoq lozimki, Amerikaning Rossiya bilan kelishuvni toʻxtatganini eʼlon qilishi sharmandalarcha mugʻombirlikdir. Shu orqali u jinoyatlarga Rossiyani balogardon qilib, oʻzi suvdan quruq chiqmoqchi. Vaholanki, aslida, bu jinoyatlar ortida oʻzi turibdi… Zero, Halab ahli mudom sabot bilan turib, xoinlik koʻchasiga kirmayotgan ekanlar hamda shuncha toʻkkan qonlariyu bergan shuncha jonlarini behuda ketkazuvchi taslim boʻlish yechimlariga rozi boʻlmayotgan ekanlar, shubhasiz, Halab ustidan dushman jinoyatlari ortgandan ortaverishi mumkin…
Shunday ekan, Halabdagi ahlimiz va Shom zaminidagi boshqa birodarlarimiz, sabr qiling, Allohning izni ila, juda oz qoldi! Bu jinoyatkorlar Sizga qarshi turli qurollarini ishga solishdi, makr qilishdi, sizni mashaqqatli qamalga, qirgʻinbarot bombardimonlarga, hijrat azob-uqubatlariga, ayriliq gʻamlariga roʻpara qilishdi, ammo siz sobit turdingiz va Allohning fazlini, yordamini umid qildingiz. Biz siz haqingizda Rosululloh Aning
“طُوبُى لِلشَّامِ”
“Shom ahliga jannat boʻlsin”, deya qilgan marhamatlarini hamda
“إذَا فَسَدَ أهْلُ الشَامِ فَلاَ خَيْرَ فِيكُمْ”
“Qachon Shom ahli buzilsa, sizlarda yaxshilik yoʻq”, degan soʻzlarini eʼtiborga olsak, chamasi, Alloh sizni buyuk bir ishga hozirlayotgan koʻrinadi… Shuning uchun sobit turib, Allohning vaʼdasiga, nusratiga, gʻolib qilishiga chuqur ishonchda boʻling, qiyinchilik ortida albatta yengillik bor. Kim bu yer yuzi buzgʻunchilari oldida olti yil sobit turibdimi, demak, bergan qurbonliklari xotimasi albatta Alloh rizosi boʻlajak. Shuni bilingki, aslida Halab jangi u yerdagi harakat oqimini tuzatib olish uchun, keyin esa xolis kuchlarni Allohni rozi qiluvchi ishlarga jamlab, u yerdan poytaxt tomon oqib borish uchun tashlanayotgan qadamdir. Chunki hadisda aytilgan hal qiluvchi qonli jang Halabda boʻladi, rejim agʻdarilishi va Islom boshqaruvi oʻrnatilishi ham oʻsha yerda boʻladi. Bu esa to Allohning Oʻziga tayanilmaguncha, Gʻarb va uning malaylari bilan boʻlgan hamma aloqa iplarini uzib tashlanmaguncha hargiz amalga oshmaydi. Berilgan qurbonliklaru shahidlar qonining dushmanlar tomonidan Jeneva kabi anjumanlarda arzongarovga sotilib, foydalanilishidan, shu bilan zoye ketishdan albatta saqlab qolmoq lozim. Albatta Shom ahli imon va xolisliklari bilan hamda oʻzlariga qarshi toʻqilayotgan til biriktiruvlarni, makrlarni anglashlari bilan AQSh va uning Rossiya kabi malaylarining, Eron, Livan kabi yollangan malaylarining yuziga qarata stolni toʻntarib tashlamoqqa qodirdirlar, bu jinoyatkorlar istashmasa-da, Shomni avvalgi holatiga, yaʼni Paygʻambarlik minhoji asosidagi roshid Xalifalikni barpo qilish orqali Shomni botil va uning ahli yer tishlab qoladigan Islomning asl markaziga aylantirmoqqa qodirdirlar. Insha Alloh, bu albatta amalga oshajak, bu kabi ish uchun amal qiluvchilar amal qilib qolsinlar. Alloh Taolo bunday dedi:
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
“Alloh sizlardan imon keltirgan va yaxshi amallar qilgan zotlarga xuddi ilgari oʻtgan zotlarni (er yuziga) xalifa-hukmron qilganidek ularni ham yer yuzida xalifa qilishni va ular uchun Oʻzi rozi boʻlgan (Islom) dinini gʻolib-mustahkam qilishni hamda ularning (ahvolini) xavfu-xatarlaridan soʻng tinchlik-xotirjamlikka aylantirib qoʻyishni vaʼda qildi. Ular Menga ibodat qilurlar va Menga biron narsani sherik qilmaslar. Kim mana shu (vaʼda)dan keyin kufroni (neʼmat) qilsa, bas ular fosiqlardir” [Nur 55]
Nosir Shayx Abdulhay
