Militsiya xodimlari talonchilikda gumonlanib qoʻlga olindi
Perzident Almazbek Atambayev 31 oktyabr kuni Bishkek shahrida IIV xodimlariga yangi uylar topshirish marosimida, militsiya safidagi bir-ikkita “kalamush”ni deb butun tizimga loy choplash kerak emasligi haqida aytib oʻtgan edi.
Biroq, militsiya safida “kalamush”lar kun sayin koʻpayib borayotgan boʻlsa, militsiya xodimlari oʻzlari egallab turgan mansab va vazifadan foydalanib xalqni talon-taroj qilib pul ishlab topishayotgan boʻlsalar va militsiya xodimlari tomonidan bunday ishlar deyarli har kuni sodir boʻlayotgan boʻlsa ham ular haqida yaxshi fikrda qolaverish kerakmi?
Ichki ishlar vazirligi bergan xabarga koʻra, oʻtgan haftada militsiya xodimlari talonchilikda gumonlanib qoʻlga olindi. Bunga qadar Chuy viloyati turgʻuni ariza bilan militsiyaga murojaat qilgan. Arizachiga koʻra, militsiya xodimlari undan shaxsiy avtomashinasida olib borib qoʻyishni iltimos qilishgan. Biroq, yoʻlda unga nisbatan kuch qoʻllab, urib-kaltaklab katta miqdordagi pulni tortib olishgan.
Xabarda aytilishicha, tekshiruv davomida bu ishga Panfilov tuman ichki ishlar boʻlimining xodimlari qatnashgani aniqlangan. Xodisa yuzasidan “qaroqchilik”, “xizmat vakolatini oshirganlik” va “xizmat vakolatini suyisteʼmol qilish” moddalari boʻyicha tergov ishlari boshlanib, materiallar tuman prokuraturasiga joʻnatilgan.
Ammo xabarda jinoyatda gumonlangan militsiya xodimlarining soni va qancha miqdordagi pul tortib olingani haqida aytilmagan.
Turkiston:
IIV matbuot xizmatining 21 oktyabr kuni tarqatgan xabaridan maʼlum boʻlishicha, joriy yilning oʻtgan 9 oyi mobaynida (yanvar-sentyabr) fuqarolar tomonidan militsiya xodimlari ustidan 1840 nafar shikoyat kelib tushgan. 55 nafar militsiya xodimi ishdan haydalib, 71ta xodim ishdan boʻshatilgan. Bundan tashqari, 1318 organ xizmatchisi jazoga tortilib, 693 material tergovga joʻnatilgan. Bularning ichidan 81 jinoiy ish qoʻzgʻatilgan.
Militsiya xodimlari tomonidan sodir etilayotgan shuncha jinoyatlardan keyin ham biz ularga ishonch bildirib, xurmat qilishda davom etaverishimiz kerakmi?
