Oʻzbekiston va Qirgʻiziston chegaradagi 49 ta uchastka boʻyicha pozitsiyalarni kelishib oldi
Tasdiqlangan jadvalga binoan 2016 yilning 22−31 oktyabr kunlari Botken va Oʻsh shaharlarida Oʻzbekiston-Qirgʻiziston davlat chegarasini delimitatsiya va demarkatsiya qilish masalalari boʻyicha Oʻzbekiston Respublikasi va Qirgʻiziston Respublikasi Hukumat delegatsiyalari ishchi guruhlarining uchrashuvlari boʻlib oʻtdi.
Oʻzbekiston TIV matbuot xizmatining xabar qilishicha, uchrashuvlar chogʻida Davlat chegara chizigʻining 49 ta uchastkasi boʻyicha qoʻshma dala tekshiruvlari oʻtkazildi va pozitsiyalar kelishib olindi.
“Uchrashuv 26 oktyabrь kunidagi Oʻzbekiston va Qirgʻiziston rahbarlarining telefon orqali muloqoti ruhida boʻlib oʻtdi. Mazkur muloqot chogʻida davlat rahbarlari Oʻzbekiston-Qirgʻiziston davlat chegaralarini delimitatsiya va demarkatsiya qilish boʻyicha ikki mamlakat vakolatli organlari birgalikda olib borayotgan ishlarning muvaffaqiyatli yakunlanishidan tomonlar birdek manfaatdorligini taʼkidlagan edilar”, – deyiladi TIV xabarnomasida. Ishchi guruhlarning kelgusi uchrashuvi Oʻzbekistonda boʻlib oʻtadi.
Turkiston:
Oʻzbekiston Karimovning oʻlimidan keyin, xuddi kutib turilgan hodisa roʻy bergandek yoki ilgaridan tayorlanib qoʻyilgandek bir qator oʻzgarishlar yasash tomon ildamlik bilan yura boshladi. Mirziyoyev mamlakatni Oʻrta Osiyo, Qozogʻiston va Rossiya bozorlarini xom ashyo, oziq ovqat mahsulotlari va yengil sanoat materiallari bilan taʼminlab beruvchi oʻlkaga aylantirmoqchi. Albatta bu buyuk maqsadlarini roʻyobga chiqarishi uchun chegara muammolarini hal qilish va qoʻshni davlatlar bilan boʻladigan iqtisodiy aloqalarga toʻsiq boʻlgan barcha muammolarni hal qilishi talab qilinadi. Shulardan eng kattasi chegaralardagi toʻsiqlarni olib tashlash masalasidir. Bu Rossiyaning loihasi boʻlib, shu kunlarda ShOS tashkiloti vositasida Qirgʻizistonda bosh vazirlar yigʻilishi oʻtmoqda. Bu anjuman ham oʻsha yirik loiha uchun tashlanayotgan qadamlarning navbatdagisidir.
Aslida avvalroq bu yirik loiha Karimovning oʻziga taklif etilgan edi. Lekin, mamlakatda islomiy zulmlar olib borilgani va butun islomiy qatlamning nafrati Karimovga qaratib yuborilgani bois musulmonlarning salbiy muomilasidan qoʻrqqan Karimov iqtisodiy islohotlar yoʻlida dadil qadamlar tashlay olmadi.
Ammo Mirziyoyevda hozircha bu loihani amalga oshirish uchun toʻla sharoit bor. Faqat u ham musulmonlarga qarshi borayotgan zulmlarni yanada kuchaytirish yoʻlidan ketib qolmasa. Chunki atrofdagi qoʻshni davlatlar fuqorolarining aksari musulmonlardan iboratdir. Demak u oʻz fuqorolarini emas, balki butun mintaqadagi musulmonlarni oʻzining rejasiga nisbatan tutadigan munosabatini eʼtiborga olishi kerak. Chegarani yengillatish bilan musulmonlar oʻrtalarida nafaqat iqtisodiy aloqalar, balki tabiiy ravishda ijtimoiy, saqofiy va hatto siyosiy aloqalar ham rivojlanadi. Shuning uchun Mirziyayevning oldida ikkita yoʻl bor. Biri qoʻshni davlatlarga bosim qilish bilan ularni ham oʻziga mutanosib ravishda musulmonlarga qarshi repressiv siyosatga undash. Ikkinchisi, oʻz yurtida iqtisodiy islohotlar yasab borish bilan birga, musulmonlarga nisbatan ham ijobiy munosabatlar koʻrsatib, islohiy aloqalar oʻrnatish tomon yurib borish.
