Atambayev: bir-ikkita “kalamush”ni deb barcha chegarachi va militsiyaga loy choplash kerak emas
Bugungi kunga qadar xavfsizlik kuchlari safida “kalamushlar” bor, ammo ularni deb butun tizimga loy choplash kerak emas, dedi Almazbek Atambayev 31 oktyabr kuni Bishkek shahrida IIV xodimlariga kvartiralar topshirish marosimida.
“Har doim va hamma vaqt “kalamushlar” boʻlgan, hatto 7- qavatdagi prezident xonasida ham “kalamushlar” oʻtirgan. IIVda yoki boshqa tuzilmalar omborxonasida oʻtirgan ayrim “kalamushlar”ni deb mamlakatda hozircha terrorizmni oldini olib kelayotgan militsiya, chegarachi va MXDQ xodimlari xizmatlarini unitmasligimiz kerak. Aytmoqchi, hatto AQSh, Rossiya va Frantsiyada ham buni toʻxtata olishmagan. Hozircha Xudo bizni saqlab turipti”,- dedi Atambayev.
Atambayev xavfsizlik xizmati xodimlariga yanada koʻproq eʼtibor qaratish zarurliginitaʼkidladi. Chunki Atambayevga koʻra, ular ishga ketar ekan ularning oilalari qaytib kelishadimi yoki yoʻqmi, buni bilishmaydi.
“Shuning uchun bizda chegarachi va xavfsizlik xizmati xodimlariga munosabat oʻzgacha. Biz kuch organlari xodimlari oldida qarzdormiz deb hisoblayman. Ayniqsa militsiya oldida, chunki oʻgʻri va qaroqchi hukumat 2005 va 2010 yillarda oʻzi va xalq orasiga militsiyani qoʻyib keldi. Oʻsha vaqtda biz ayrim militsiya xodimlarini yoʻqotdik. Holbuki ular oʻz burch va ishlarini bajarishgan edi”,- dedi prezident.
Tukriston:
Toʻgʻri, militsiya, chegara xizmati va MXDQ safida oʻz ishiga vijdonan yondoshayotgan, oʻz burchi xalq tinchlik va xotirjamligini taʼminlashdan iborat deb bilgan, kasbiy mahoratga ega xodimlar ham bor. Ammo shu bilan birga oʻziga berilgan mansab va vakolatdan xalqni talash, xalq ustidan boylik orttirishda foydalanayotganlari ham yoʻq emas. Shunday ekan tizim xodimlarining biri tomonidan sodir boʻlgan qingʻir ish va jinoyat uchun butun boshli tizimni yomonotliq qilish toʻgʻri boʻlmaydi.
Biroq bu faqat davlat amaldorlari va kuch organlari xodimlarigagina taalluqli boʻlmay, oddiy xalq, shu jumladan musulmonlarga ham tatbiq qilinishi kerak. Chunki rasmiy hukumat bir muslima yoki musulmonning biror nojoʻya harakati uchun butun musulmonlarni ayblashga harakat qilishadi.
Prezident, vazir, deputat yoki organ xodimlarining jinoiy ishlari uchun faqat oʻsha odamni aybdor deb, qolganlari uyalmay iflos ishlarida davom etavetishadi. Axir bir jinoiy ishni musulmon qilsa ham, kofir yoki munofiq qilsa ham natijasi oʻzgarmaydi. Yaʼni u biror odamni oʻldirsa, uni kim oʻldirgani ahamiyatli emas. Balki, nima uchun oʻldirdi, shunga huquqi bormidi, haddidan oshmadimi, masalaning mana shu tomoni eʼtiborlidir. Jinoyatni biror musulmon qilsa bu jamiyat uchun xavf tugʻdirsayu, davlat amaldori yoki xavfsizlik xizmati xodimi qilsa hech qanday xavf yoʻq emish. Musulmonlarni esa gumondor shaxslar deb jinoiy javbgarlikka tortib yuborishayapti. Ularni jinoyatlariga sherik deb, hatto ularning doʻstlari va yaqinlarini ham tergovga tortishyapti.
