بسـم الله الرحمن الرحيم
Oʻzbekiston xalqi qanday rahbarni kutmoqda
Uzoq yillardan beri zolimona tuzimlar ostida ezilgan, ayniqsa oxirgi davrlardaga kelib yashashdan ham toʻygan xalq boʻlgusi rahbardan oʻzgarishlar kutmoqda. Bu oʻzgarishlar hokimiyat ustidagilarni almashtirni emas, balki butun tuzimni oʻzgarishini xohlamoqda. Yaqin kelajakda shunday oʻzgarishlar boʻlishiga umid bildirmoqdalar. Ammo u qanday oʻzgarishlar ekanligini va uning aniq programmalarini bilishmasada, lekin umumiy maʼnoda xalqni insonlar kabi yashashlari uchun sharoitlar boʻlishiga koʻz tikmoqdalar. Lekin hozirgi tuzimga boʻlgan nafrat tuygʻusidan va buzuq sharoitdan foydalanmoqchi boʻlgan gʻalamislar, oʻzlarining iflos maqsadlariga erishish ilinchida har xil rejalar tuzushmoqda. Bu yana begunoh, sodda xalqning boshiga balolar olib keladi. Endi bunga yoʻl qoʻymasligimiz kerak.
Birinchi ish shiorlarni toʻgʻrilashdan boshlanadi. Masalan; “Vatan hammaniki, uni koʻz qorachigʻidek asrash har bir vijdonlik fuqaroning burchi” degan shiorni “Vatan hammaniki, uning ustki va ostki boyliklari ommaniki! Undan bir xovuch yulgʻunchi, mutttahamlargina foydalanishiga yoʻl qoʻymasligimiz, vatanimizni va boyliklarimizni koʻz qorachigʻidek asrashimiz kerak!” degan maʼnodagi shiorlarga almashtirishimizdan boshlanadi. Shunda ushbu gʻoyani roʻyobga chiqaradigan programmalar ishlab chiqiladi va oʻshanday programmalarni qadriga yetiladi. Negaki, faqat oʻz manfaatini oʻylab, unga erishish uchun har qanday vahshiyliklardan tap tortmaydigan yovuz, ochkoʻz kimsalar osonlikcha boyliklarimizni talon-taroj qilish maqsadida biz uchun “konistitutsiya” ishlab chiqadi va oʻz malaylarini bizning ustimizga sunʼiy saylovlar bilan olib kelishga harakat qilishadi. Ularga bu boyliklardan bir boʻlagini oʻzlashtirib olishlariga ham imkoniyatlar yaratib berishni vaʼdalar qilishadi. Chunki ular boylik toʻplaganlardan qoʻrqmaydi. Xohlagan vaqtlarida ularni oʻz foydalariga burib qoʻyishlari mumkin. Bunga arab yurtlaridagi yoki Qirgʻizstonning sobiq rahbarlarini misol qilish mumkin. Ular el-yurtni qaqshatib toʻplagan boyliklar qani? Ular kimlarga foyda keltirmoqda? Bu hammaga maʼlum. Shuning uchun xoinlar qonunlarni buzib boʻlsa ham, boylik toʻplashlariga koʻz yumishlarini va ularni osonlikcha qoʻlga kiritishga imkoniyatlar yaratib berishni vaʼda qiladilar. Shu bilan oʻzlariga sodiq malaylarni jilovlab olishadi.
Shuning uchun “Oʻzbekiston kelajagi buyuk davlat” degan shiorni “Oʻzbekistonning kelajagi fikriy yuksalish bilan boʻladi. Fikriy yuksaklikka qarshi chiqish xoinlarning ishidir” degan shiorni qoʻtarish bilan rahbariyatga xoin ijrochilar emas, balki yuksak fikrli, oʻz ishini puxta egallagan iqtidorli rahbarlar keladi. Oʻz xalqiga yaxshi imkoniyatlarni tuzib beruvchi bunday sodiq rahbarlar kelishini mustamlakachi kofr xohlamaydi. Unga bor kuchi bilan qarshi chiqadi. Fikrli insonlarga tazyiqlar oʻtkazib, ularni xalq dushmaniga chiqarishadi. Xalqni ishontirish uchun 1999 yilining 16 fevralida uyushtirgani kabi portlashlarni tashkillashtirishadi. Keyin ularni quvgʻin qilish, uzoq muddatli qamoqlarga tiqish, hatto oʻldirib yuborishlariga ham sodda xalq tamoshabin boʻlib turaveradi. Aslida bu insonlar oʻzlarining manfaatlaridan voz kechib, oila, bola-chaqalarini, hatto jonlarini xatarlarga qoʻyib boʻlsa ham, el-yurt uchun fidoiy boʻlgan, ummatning haqiqiy oʻgʻlonlari, dovyurak qahramonlari edi. Faqat fikriy raqobat va har bir sohani toʻgʻri yoʻnaltiradigan programmalar ustida bahslashishlar natijasida hayotni toʻgʻri tartiblaydigan, barcha fuqarolarning farovonligini taʼminlaydigan toʻgʻri sistema yuzaga chiqadi. Bu bilan bizning hayotimizni barbod qilgan zolimona tuzimlarga nuqta qoʻyiladi. Kelajak avlod uchun haqiqiy boylik, fikr boyligini qoldirgan boʻlamiz.
Oʻz navbatda “ikkiyuzlamachi rahbarlarga hukm berilmaydi” degan shior bilan har bir yetakchilikni iddao qilayotgan boʻlgʻusi rahbar oʻzida katta masʼuliyatni xis qila boshlaydi. Har bir gapini shu sohani tushunadigan insonlarga dalillab berishni, qilgan har bir ishida xalq oldida javob berishni oʻylab qadam tashlaydi. Birovlarga taqlid qilish barham topadi. Boshqarish layoqatiga ega boʻlgan, hayotni yaxshi tushungan, uni tartiblashtirish sohasida oʻz fikriga ega boʻlgan, iqtidorlik, hamda haqiqat oldida jonini ham qurbon qilishga tayyor boʻlgan fidoiy rahbar koʻzga koʻrinadi. Toʻgʻri bu ish oson kechmaydi. Lekin haqiqatlarga eltuvchi toʻgʻri yoʻl faqat mana shudir. Bu mavzuni yoritishimiz uchun koʻp gapirish kerak. Boshlanishida shu mavzuʼ haqida fikr-mulahaza bildirishligingizlarni umid qilib qolaman.
Gʻarib.
