Jalolobod: musulmonlar uyida tintuvlar davom etmoqda
Qirgʻizistonda taqiqlangan adabiyotlar roʻyxati mavjud emasligi va teologik (diniy) ekspertiza oʻtkazish salohiyatiga ega boʻlgan rasmiy idorani yoʻqligi rasmiy hukumat musulmonlarga qarshi olib borayotgan kurashda juda qoʻl kelmoqda.
Militsiya va DMXQ xodimlari musulmonlarning uyiga tong sahardan bostirib kelib, oila aʼzolari, xususan yosh bolalarni qoʻrquv va taxlikaga tashlab oʻtkazadigan tuntuv davomida topilgan har qanday diniy mavzudagi kitob va brashuralar – garchi ularning aksari hukumat ruxsati bilan chop etilgan boʻlsada –ekstermistik mazmundagi adabiyotlar sifatida taqdim qilinadi. Keyinchalik biror espert tomonidan bu kitoblar hukumat xohish-istagiga qarab ekstremistik deb topiladi va xonadon egasiga qarshi hujjat sifatida foydalaniladi.
Jalolobod viloyat ichki ishlar boshqarmasining 10-boʻlim xodimlari 14 sentyabr kuni tong saharda Hizb ut-Tahrir aʼzosi sifatida militsiya roʻyxatida turgan Suzoq tumani Kumush-Aziz qishlogʻida yashovchi 51 yoshli fuqaroning uyida tintuv oʻtkazishgani xabar qilindi.
IIB 10-boʻlimi tomonidan bildirilagan xabarga koʻra, tintuv davomida guvohlar ishtirokida 10dan oshiq kitob, varaqalar va elektron materiallar topildi. Mazkur ish boʻyicha Suzoq tumani ichki ishlar boʻlimi jinoyat ishi qoʻzgʻatdi. Topilgan materiallar ustidan teologik ekspertiza tayinlanib, tergov ishlari boshlangan.
Xabarga koʻra, bunday tintuv ishlari Jalolobod viloyatining deyarli barcha shahar va qishloqlarida amalga oshirilgan va yil boshidan beri dniy ekstremizmga bogʻliq 40dan ziyod jinoyat ishi qoʻzgʻatilgan.
