Isroil rasmiylari Muqaddas tuproqlarda Hizb ut-Tahrir faoliyatini taʼqiqlash zarurligini bildirishmoqda. Bu haqida Isroil axborot agentligi “TPS” xabar tarqatdi.
Isroil ichki xavfsizlik vaziri Gilad Erdan Quddusda, xususan Masjid al-Aqsoda Hizb ut-Tahrir uyushmasini taʼqiqlash niyatida ekanligini eʼlon qildi. Erdanning taʼkidlashicha, Hizb ut-Tahrir uyushmasi Xalifalik davlatini tiklash borasida IShID tashkilotiga oʻxshaydi.
“IShID terror tashkiloti bilan xil fikrga ega boʻlgan tashkilotning terrorizmga targʻib qilib, uni qoʻllab-quvvatlashi va uning Isroilga qarashli yerlarda faol harakat olib borishi aqlga sigʻmaydi”, “Men bu tashkilotni taqiqlash uchun vakolatim doirasidagi har bir ishni qilishga qasd qildim”, dedi Quddus va Falastin yerlarini Isroilning tomorqasi deb hisoblagan Vazir.
Shuningdek, Erdan oʻzining dushanba kungi bergan bayonotida Hizb ut-Tahrir aʼzolarinining jamoat joydarda oʻtkazayotgan yigʻilishlari va masjidlarda qilayotgan xutbalaridan tashvishini yashirmadi.
“Tashkilot (Hizb ut-Tahrir) rahbarlari Al-Aqso masjidida darslar oʻtkazishmoqda va maruzalar qilishmoqda. Ularning bu mintaqadagi taʼsiri tobora kuchayib boryapti”, “Ular bu radikal va provokatsion maruzalari va darslari bilan terrorizmga ragʻbatlantirishadi va Isroilning mavjudligini tanqid qilishadi”, dedi Gilad Erdan.
Isroil ichki xavfsizlik vazirligiga koʻra, Hizb ut-Tahrir uyushmasini muqaddas tuproqlarda taʼqiqlash qarorini qanday amalga oshirish rejasini tuzish uchun Quddus politsiyasi bilan uchrashuv tashkil qilish kuni belgilangan. Shuningdek, vazirlikdan olingan maʼlumotlarga koʻra, Erdan biroz oldin Hizb ut-Tahrir uyushmasining Al-Aqso masjididagi faoliyati haqida razvedka hisobotlarini oʻrganib chiqqan.
Turkiston:
Isroil Hizb ut-Tahrirni taʼqiqlash ishida hatto Qirgʻiziston hukumatidan ham ortta qolib ketishining boisi nimada?
Xalq ichida “dushmanimning dushmani mening doʻstim” degan hikmatli gap yuradi. Butun Gʻarb olami jumladan Isroil ham shu printsipga asoslanib ish koʻrishadi. Ular oʻzlari uchun xavf boʻlmagan islomiy harakat va shu yoʻnalishdagi shaxs va jamoalarni rovojlantirish uchun ularni goʻyoki oʻta muammoli qilib koʻrsatish bilan reklama qilishga harakat qilishadi. Ilgari Al-Qoidani va uning yetakchisi ibn Ladunni oʻnlab yillar mobaynida oʻzlarining yagona va qoʻrqinchli dushmani qilib koʻrsatib kelishdi. Hozirda IShIDni xuddi yagona islomiy xavf xatar singari koʻrsatishga urinishmoqda. Bularni roʻykach qilib minglagan musulmonlarni jismonan yoʻq qilib yuborishyapti.
Hizb ut-Tahrirni esa, AQSh va Gʻarb davlatlarining birortasi deyarli taʼqiqlagan emas. Hizb ut-Tahrir islomiy, siyosiy mabdaiy harakat boʻlib, mavjud olamiy boshqaruv sistemasini islomiy boshqaruv sistemasiga oʻzgartirishni maqsad qiladi. Yaʼni Islomni yana hayotga qaytarib, uni oʻz oʻrniga olib kelishni maqsad qiladi.
Hizb oʻz maqsadiga erishish uchun xalifalik davlatini barpo qilish kerak deb biladi. Xalifalikni esa, faqat islomiy ummatning quvvati bilan barpo qilish kerak deb tabanniy qildi. Ummatni bu buyuk vazifasi tomon yoʻnaltirish uchun uni Islom mabdasi bilan uygʻotish lozimdir. Ummatni uygʻotishning yagona yoʻli siyosiy kurash boʻlib, bu ummatning tub manfaatlarini belgilab berish va uni himoya qilish bilan amalga oshiriladi. Yaʼni, ummatning barcha sohalardagi manfaatlarini unga aniqlab, tushuntirib berish va uning bu manfaatlariga kimlar, nima maqsadda va qanday eʼtiqodga suyanib tajovuz qilishayotganlarini ochib berish bilan amalga oshadi. Hizb buni, Paygʻambarimiz (sav)ning makkadagi hayotlarida koʻrsatib bergan sunnatlaridan deb bilib, uni islomiy davlatni barpo qilishning yagona tariqati deb tabanniy qildi.
Hizb ut-Tahrir jihodiy harakat olib bormaydi. Lekin jihodni farz ekanini eʼtirof etsa-da, hizb sifatida jihodiy harakat olib bormaydi. Boshqa jamoalar olib borayotgan daʼvat, jihod, ilm maʼrifat tarqatish kabi ishlarini, agar haddidan oshib ketishmagan boʻlsa islomiy, sharʼiy faoliyat deb hisoblaydi. Hizb butun olamda siyosiy Islomni sistema (mabdaʼ) sifatida barpo qilish vazifasini oʻz zimmasiga oldi. Buni u Paygʻambarimiz(sav)ning tariqatlaridan va nususlardan istinbot qilib oldi.
Kufr olami tarixda Islom olami bilan faqat olamiy boshqaruv sistemasi ustida talashib kelgan. Kufr sistemasi makkorlik qilib, musulmonlarni chalgʻitib, islomiy tarmoqlarning har birida faoliyat olib kelayotgan jamoalarni bir biriga dushman qilib qoʻyishni maqsad qildi. Natijada islomiy yurtlar hukumatlari oʻz fuqorolari boʻlmish islomiy harakatlarni kufrni rozi qilish uchun jazolay boshlashdi. Kufr sistemasi esa, IShIDni yanada vahimaliroq qilib koʻrsatib, bu hukumatlarni yanada agressivlashtirib boryapti.
Isroil esa, Hizb ut-Tahrirga qarshi dushmanligini oshkor qilishga majbur boʻldi. Chunki kufr olami Islomdan mafkuraviy kurashda magʻlub boʻlgan. Shuning uchun ular mafkuraviy kurash olib boruvchi harakatlarni umuman eʼtiborga olmaslik, ularni matbuotda hatto yomonlamaslik va ular bilan umuman muloqot qilmaslikka kelishib olishgan. Lekin ularning bu pozitsiyalari uzoqqa bormaydi. Islomiy mafkura ularning mafkuralarini tor-mor qilib yuborishining ortidan, ularni sistemalarini ham yoʻqqa chiqara boshlaydi. Shunda ular haqiqiy basharalarini ochiq koʻrsatishga majbur boʻlishadi.
Isroilning harakatlari butun kufr olamining pozitsiyasini oʻzgarayotganiga dalolat qilsa, endi kufr sistemasi mafkuraga qarshi kuch ishlatish printsipiga oʻtadi. Bu tabiiy jarayon boʻlib, kufr sistemasi oʻzining magʻlubiyati yaqin qolganida fikrga qarshi moddiy quvvatini kuchaytiradi.
Ha Hizb ut Tahrir Isroilning haqiqiy dushmani va sionistlarning bu eʼtirofi bizning haq yoʻlda ekanimizdan yanada qanoatimizni kuchaytiradi, insha Alloh.
