Bishkekda kechki namozlarga azon aytish taʼqiqlab qoʻyildi
Turkiston:
Fuqorolardan kelib tushayotgan arizalarga tayanga holda, davlat sanepidemik nazorati tomonidan “Bishkekda kechki namozlarga aytiladigan azon chaqiruvlari ovoz kuchaytirgichlar bilan aytilmasin”, deb buyruq chiqarildi. Bir necha oʻnlagan yillardan beri aytilib kelinayotgan azon chaqiriqlari bugunga kelib, baʼzi odamlarni uyqulariga xalaqit qila boshlagan emish.
Atambayev Toshkentda Karimov bilan uchrashganidan keyin Islom va musulmonlarga nisbatan yomon tomonga oʻzgardi. U musulmonlarga qarshi fitna harakatlarini uyushtira boshladi. Uning maqsadi musulmonlarning jigʻiga tegish bilan, ular tomonidan biror moddiy harakat yuzaga keltirishdir, u shuni kutyapti. Hech boʻlmaganda, oʻziga va hukumatiga qarshi islomiy raʼyi omning nafratini oshirib borish bilan, holatni keskinlashtirib, rosa avjiga chiqarib turib, musulmonlarning nomidan biror noqonuniy harakatlar uyushtirmoqchi.
Biz bu kabi harakatlarni hozir Turkiya va Armanistonda kengroq shaklini, Qozogʻistonda esa kichikroq shaklini koʻrib turibmiz. Lekin bu harakatlarning ortidan faqat bir maqsad amalga oshiriladi. U ham boʻlsa, oʻzlari uchun noqulay va muxolif kuchlardan hamda holis musulmonlardan mamlakatni tozalashdir. Qirgʻiziston ham ularning ortidan yetib olmoqchi. U ham bir qancha muxolif kuchlar va islomiy muhitni sindirib yubormoqchi. Buning uchun ularga musulmonlarning nomidan qoʻporuv yoki ommaviy qirgʻin amaliyoti kerak. Yaqinda saylov boʻlishi kutilayotgan bir paytda vaziyatni keskinlashtirishdan, oʻziga qarshi ummat vakillarini provokatsiya qilishdan bundan boshqa maqsad koʻzda tutilmaydi.
Yetakchi guruh saylovgacha avval islomiy muhitni tozalab olib, soʻng boshqa muxolif kuchlarni sindirib yuborishni maqsad qilyapti. Lekin masalaning ikkinchi tomonida muammolar bor. Byudjetimizda, kuz fasliga borib, kuchli yetishmovchiliklar kelib chiqishi kutilyapti. Daromad deyarli yoʻq. Har yili toʻplanib kelinayotgan kirimlar chiqimlardan ancha ortda qolib ketdi. Chet davlatlar ham qarz berishdan boʻyin tovlab turishipti. Rossiya hukumati inqiroz holatida. Buning natijasida Rossiyadagi millionlagan fuqorolarimizning ishchi oʻrinlari yopilib qolib, ularn yurtimizga qaytib kelishmoqda. Bu esa, yillik milliy mahsulotimizning oʻsishining toʻxtab qolishiga va ishsizlar armiyasiga yana qoʻshimcha ishsizlarning qoʻshilishiga sabab boʻladi.
Hukumat kirib kelayotgan inqirozni diktatorlik rejimini kuchaytirish bilan kutib olishni moʻljallayapti. U Karimov singari bir qator diktatorlardan taʼsirlanib, ularning yolgʻon vaʼdalariga yana ishonmoqchi boʻlyapti. Mobodo Atambayevning boshlagan amaliyoti muvaffaqqiyat qozona olmasa, yaʼni xuddi Turk generallari singari muvoffaqqiyatsizlikka uchrasa, AQSh generallarni sotib yuborganidek, ular ham uni sotishadi. Atambayevni esa, tashqi quvvatlar moddiy qoʻllab yuborishmasa, oʻzining buncha musulmonga qarshi kurashishi uchun quvvati yetmaydi. U bu haqda hali kurashni boshlamay turib, jiddiy oʻylab koʻrishi kerak.
Qirgʻiz siyosatchilari ichida gʻazab otiga mingan millionlagan musulmonlarni yetaklab ketishi mumkin boʻlgan shaxslar topiladi. Yetakchi davlatlar esa, hamisha kuchlilar tomonida boʻlishadi. Bunga Akayevni va Bakiyevni noqonuniy boʻlsa ham quvib chiqarishayotganida prizidentimizning oʻzi guvohi boʻlgan.
