Ta‘ziya
“Novosti-Kazaxstan” agentligi bergan xabarga ko‘ra, 23 iyun kuni Olmaota-Ostona avtotrassasida yuz bergan yo‘l transport hodisasi natijasida besh nafar Qirg‘iziston fuqarosi halok bo‘ldi. “Mercedes Vito” mikroavtobusi va “Setra” avtobusi to‘qnashib ketishi oqibatida to‘rt to‘rt yosh bola va bir ayol kishi hayotdan ko‘z yumib, to‘rt kishi turli darajada tan jarohati olgan.
Qirg‘iziston tashqi ishlar vazirligining ma‘lum qilishicha, Olmaota viloyatining Jambul tumanida sodir bo‘lgan hodisa natijasida qazo bo‘lgan besh kishining kimligi aniqlandi. 23 iyun kuni ularning jasadi Jambul tumani Uzinagash kasalxonasiga yetkazilgan.
Qazo bo‘lganlar:
- Maxamadaliyev Islomjon Isroiljanovich, 2002 yili tug‘ilgan;
- Maxamadaliyev Ilyosbek Isroiljanovich, 2007 yili tug‘ilgan;
- Maxamadaliyev Ibrohimjon Isroiljanovich, 2003 yili tug‘ilgan;
- Alisherova Nursuluu Bazarbayevna, 1982 yili tug‘ilgan;
- Toychiyeva Albina, 2002 yili tug‘ilgan.
“Albatta biz Allohnikimiz va albatta biz U Zotga qaytuvchimiz”
Qarag‘anda viloyati Priozersk shahar shifoxonasiga tushganlar:
- Kazibekov Islom Jo‘lonovich, 1978 yili tug‘ilgan. O‘sh viloyati Qorasuv tumanining Pravda qishlog‘idan.
- Mamitaliyev Muktarbek Jeenaliyevich, 1987 yili tug‘ilgan. Axsi tumani Avletim qishlog‘idan.
- Berdibay o‘g‘li Kereez, Bozorqo‘rg‘on tumanidan.
- Shuningdek, yo‘l transport hodisasi natijasida uch farzandidan ayrilgan 1980 yilda tug‘ilgan xaydovchi Maxamadaliyev Isroiljon Axmadaliyevich.
Biz, Turkiston sayti xodimlari ulug‘ Ramazon oyida yo‘l taransport hodisasi natijasida vafot etgan vatandoshlarimizni Alloh O‘z rahmatiga olishini, qilgan solih amallarini o‘zlariga hamroh qilishini so‘rab qolamiz. Ularning oila a‘zolari va yaqinlariga esa go‘zal sabr va ajru azim so‘rab, o‘z hamdardligimizni bildirib qolamiz.
Hodisa natijasida jarohat olganlarni tezroq shifo topishlarini va yaqinlari davrasiga qaytib, qolgan umrlarini Allohning roziligi yo‘lida, Uning rozi qiladigan amallar bilan yashab o‘tishlarini tilab qolamiz.
Turkiston.
