Joriy yilning iyun oyida Rossiya byudjetining kamomadi 1.48 trillion rubl, ya‘ni taxminan 22 milliard dollarga yetganligi e‘lon qilindi.
Rossiya Moliya vazirligi tarafidan berilgan bayonotga ko‘ra, 1 iyundan e‘tiboran Rossiya byudjetining kamomadi 1.48 trillion rubl yetgan bir paytda, byudjet daromadlari 4.64 trillion rublga tushib qolgan bo‘lsa, byudjet xarajatlari esa 6,1 trillion rubl darajasiga ko‘tarilgan.
Hafta boshida berilgan bayonotda aytilishicha, mamlakatning Joriy yil yanvar-aprel oylari oralig‘idagi savdo saldosi (ma‘lum vaqt oralig‘ida summadagi farq) o‘tgan yilning shu davriga nisbatan 48 foizga kamayib, 33,2 milliard dollarga tushib qolgan.
Neft narxlarining pasayishi tufayli iqtisodiy inqiroz bilan yuzlashgan Rossiyaning yalpi ichki mahsuloti o‘tgan yili 3,7 foizga kamaygan edi.
