Qozog‘iston qamog‘ida yotgan yigit: “Har kuni meni Hizbdan qaytishimni talab qilishyapti”

Qozog‘iston qamog‘ida yotgan yigit: “Har kuni meni Hizbdan qaytishimni talab qilishyapti”

2016 yil 25 aprelda Ozodlik radiosining qozoq bo‘limi jurnalistlari qamoqda yotgan Hizb ut-Tahrir a‘zosi Rafis Galiullin haqida maqola tarqatdi. Jurnalistlarga ko‘ra, Pavlodardagi jazoni o‘tash lageri nozirlari mahbus Rafis Galiullinni g‘ayriinsoniy sharoitda saqlashmoqda: juda issiq suv va juda issik ovqat yeyishga majburlash, hammomda cho‘milishidan mahrum etish, uxlashdan mahrum etish kabi. Hatto uni sil kasalga chalingan mahbuslar orasiga qo‘yish bilan, unga ham ayni kasallikni yuqtirishga urinishgan.

Rafis Galiullin 2010 yilda Hizb ut-Tahrirda faoliyat olib borgani sababli 7 yilga ozodlikdan mahrum etilib, unga Qozog‘iston jinoyat qodeksi quyidagi moddalari bilan ayblov qo‘yilgan:

–             164 modda 2-qism (ijtimoiy, diniy, milliy, etnik, irqiy nizo chiqarish);

–             233-1 modda 1-qism (terroristik da‘vat olib borish va terroristik amaliyot sodir etishga ochiq da‘vat qilish, masalan, mazkur aytilganlarga o‘xshash materiallarni tarqatish);

–             337-1 modda 1-qism (ommaviy yoki diniy yoxud boshqa jamoiy tashkilotlar tuzish, bu tashkilotlar faoliyatini taqiqlash yoki ularni ekstremistik faoliyati uchun yo‘q qilish borasida sudning qonuniy qarori mavjud);

–             337-1 modda 2-qism (ommaviy yoki diniy yoxud boshqa jamoiy tashkilotlarda faoliyat qilish, bu tashkilotlar faoliyatini taqiqlash yoki ularni ekstremistik faoliyati uchun yo‘q qilish borasida sudning qonuniy qarori mavjud);

Rafis Galiullin Qozog‘istondagi bir necha turmalarda turli qiynoqlar, kaltaklar va tahqirlashlarni boshdan kechirdi. Bu turmalar axborot vositalari va inson huquqlari faollari tomonidan bir necha bor tinimsiz tanqid ostiga olib kelingan.

Yillar mobaynida faqat Rafisning o‘zigina emas, oilasi ham qiyinchiliklarni boshdan kechirdi: 2013 yil uning rus muslima rafiqasi Natalьya Voytenkova mazlum erini himoya qilgani uchun ekstremizmda ayblanib, 5 yil qamoq jazosiga hukm qilindi.

Shunisi muhimki, qozoq hukumati bu musulmon birodar va uning oilasiga qarshi sodir etayotgan qiynoqlarning barchasidan faqat bitta narsa ko‘zlagan, u ham bo‘lsa, ularni Hizb ut-Tahrirga a‘zolikdan voz kechtirish. Ozodlik radiosiga ko‘ra, Rafis Galiullin bir marta rafiqasi bilan telefon orqali so‘zlashib, unga turma nozirlari uni “deyarli har kuni Hizb ut-Tahrirdan qaytishga majbur qilishayotgani, video kamera oldida Hizbni yomon otliq qiluvchi so‘zlarni aytishga va bu Hizbga a‘zo bo‘lgan insonlar adashganlar, deyishga majbur qilishayotgani” haqida gapirib bergan.

Shunday qilib, qozoq rejimi Quraysh yo‘lidan bormoqda. Quraysh ham Rosululloh ga bitta shart qo‘ygandi, u ham bo‘lsa, Islomdan tonish. Bunga Qurayshning Bilol  bilan Habbob  va Yosir lar oilasini qiynoqqa solganiga oid hikoya guvohdir. Yosir oilasi esa Rosululloh ning “Sabr qiling, ey Yosir oilasi, sizga jannat va‘da qilindi”, degan so‘zlariga muyassar bo‘lgandi. Haqiqatdan ham qozoq rejimi va uning yugurdaklari bu qilmishlari bilan Alloh Subhanahu va Taolo xabar qilgan eng tuban insonlar darajasiga tushib qolishdi! Kimlarga o‘xshayotganlarini o‘ylashmasmikin?! Axir, ular qamoqqa tashlagan insonning “men musulmonman”, deya Allohning O‘ziga qullik qilishdan o‘zga aybi yo‘qku?! Alloh Taolo bunday deydi:

وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ

“(Odamlarni) Alloh(ning dini)ga da‘vat qilgan va o‘zi ham yaxshi amal qilib, “albatta, men musulmonlardandirman”, degan kishidan ham chiroyliroq so‘zlaguvchi kim bor?”   [Fussilat 33]

Hizb ut-Tahrir a‘zolari Sovet Ittifoqi qulagandan so‘ng Rossiya, O‘zbekiston, Qozog‘iston, Tojikiston, Qirg‘izistondan iborat butun mintaqadagi mustabid rejimlar tomonidan qiynoqlarga solinmoqdalar. Bu davlatlardagi minglab musulmon va muslimalar har kuni turli qiynoqlarni, azob-uqubatlarni boshdan kechirmoqdalar. Bundan esa ularni o‘zlari tanlagan nuqtai nazar va yo‘llaridan qaytishga majburlash ko‘zlangan. Zotan, bu yo‘l Hizb ut-Tahrir safida islomiy hayotni qayta boshlashga harakat qilishdan iborat. Shunday ekan, bu tog‘utlar va ularning gumashtalari ikki narsani unutmasinlar:

Birinchi: Hech kim qochib qutulolmaydigan qiyomat kun bor. Alloh Subhanahu va Taolo Qahhor va Jabbor ismlar egasidir. Ya‘ni Alloh Subhanahu va Taolo O‘zining solih bandalarini fitnaga solmoqchi bo‘lgan kimsalarga bunday deya qattiq azobni va‘da qilgan:

إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

“Albatta mo‘min va mo‘minalarni fitnaga solib, (bu qilmishlaridan) tavba qilmagan kimsalar uchun jahannam azobi bordir va ular uchun o‘t azobi bor!”      [Buruj 10]

Ikkinchi: Mo‘minlarni qiynoqqa solayotgan har bir tog‘ut va ularning gumashtalari bilib qo‘ysin, Allohning maxluqotlarga qo‘ygan qonunlaridan biri shuki, barcha mustabid rejimning bugun yo ertaga albatta oxiri bo‘ladi va bu qonun hargiz o‘zgarmaydi. Atroflariga boqsinlar, ularga o‘xshash rejimlar taqdiri nima ahvol bilan tugayotgani ma‘lum. Bizning bu so‘zlarimiz tahdid emas. Biz jinoyatchilarning muqarrar oqibatlaridan ogohlantiryapmiz, xolos! Aziz va Jabbor egamiz bunday deydi:

سَيُصِيبُ الَّذِينَ أَجْرَمُوا صَغَارٌ عِنْدَ اللَّهِ وَعَذَابٌ شَدِيدٌ بِمَا كَانُوا يَمْكُرُونَ

“Yaqinda bunday jinoyatkorlarga qilib o‘tgan hiyla-nayranglari sababli Alloh huzurida xorlik va qattiq azob bordir”   [An‘om 124]

Hizb ut-Tahrirning markaziy matbuot bo‘limi

Manzil: al­Mazraa – “Kolumbia Tsentr” – Blok B – ikkinchi qavat

Bayrut-Livan

Pochta qutisi 14­5010

Telefon: 00961 1 30 75 94

Uyali telefon: 00961 71 72 40 43

Elektron pochta: media@hizb-ut-tahrir.info