15 may kuni prezident Almazbek Atambayev “Onalar kuni” munosabati bilan bo‘lib o‘tgan yig‘ilishda “Qahramon onalar”ni tabriklayotib, “Xalq parlamenti” a‘zolarini “tinchlikni barqarorsizlantiruvchi xalq dushmanlari” deb atab, ularning ortida turgan kuchlar to‘g‘risida to‘xtalib o‘tdi.
Almazbek Atambayev 1916-yili mamlakat shimolida amalga oshirilgan qirg‘in, O‘sh va Jaloloboddagi 2010- yil iyun oyidagi millatlararo nizolarni chet el maxsus xizmatlar generallari uyushtirganini ma‘lum qildi.
Atambayev sobiq prezidentlar Asqar Akayev bilan Qurmonbek Bakiyevning yaqin odamlari qonli to‘ntarishga tayyorlanib yotganini aytib, bunga hech qachon yo‘l qo‘yilmasligini ta‘kidlab o‘tdi.
Prezident ularning ayrim chet ellik maxsus xizmat generallari bilan aloqalarini alohida qayd qilib, buni millatga xiyonat deb jar soldi. Biroq qaysi davlatning maxsus xizmati ekanini ochiq aytmadi.
Almazbek Atambayev bunga qadar sodir bo‘lgan qonli voqealarga ham ularning bevosita aloqasi borligiga misol keltirib o‘tdi.
“Chet ellik generallar bizning xalqimizga hech qachon yaxshilik qilgan emas. Biz buni 1916- yilgi voqealarda chor imperiyasi generallarining ishidan bilamiz. O‘sha vaqtda Qirg‘iziston shimolining yarmiga yaqin aholisi qirg‘inga uchragan. Shu bilan birga biz 400dan oshiq fuqaromiz qazo bo‘lgan 2010-yil iyun voqeasida O‘sh bilan Jalolobodda xorijiy maxsus xizmatlar generallari olib borgan faoliyatlarini ham bilamiz”,- dedi Atambayev.
Turkiston:
Atambayev 1916 yildagi Qirg‘iz millatini qatag‘on qilgan rus imperiyasi ekanini va 2010 yildagi O‘sh voqe‘asi ham o‘sha yangidan shakllangan rus imperiyasining vorislari homiyligi ostida amalga oshirilganini juda yaxshi biladi. Buni butun Qirg‘iz elitasi yaxshi bilishadi.
Qirg‘iz elitasi ham Atambayev ham bu ishlardan bugunga kelib xabardor bo‘lib qolgani yo‘q. Balki, Qirg‘izistonning eng baland cho‘qqilaridan birini Putinning nomi bilan atamoqchi bo‘lishayotgan paytlarida ham ularning ustimizda javob berishlari kerak bo‘lgan jirkanch jinoyatlari bor ekanidan xabardor edilar. Rossiyaning ortidan Qirg‘izistonni xonavayron qilib, Yevro Osiyo ittifoqiga olib kirishayotganlarida ham, “Qirg‘izgaz”ni 1 dollorga O‘risning “gazprom” kompaniyasiga sotib yuborayotganida ham….. va boshqa o‘nlagan strotegik ahamiyatli korxonalarni Rossiyaning ixtiyoriga o‘tkazib yuborayotganlarida ham, ular yuqoridagi ruslarning tarixda qilgan iflos ishlaridan xabardor bo‘lishgan. Nega shu kunga kelib, ruslar yomon ekan degan xulosalar aytila boshlanyapti. Axir Atambayevni prizidentlikka olib kelish uchun Akayevni va uning ortidan Bakiyevni ham quvib yuborishgan o‘sha ruslar emasmi?! Bakiyevni quvib chiqayotganlarida o‘zbek elitasi unga yon bosib yuborishidan qo‘rqib, ruslarning maslahati bilan, avval Qodirovning komandasi bilan o‘sha vaqtdagi “vaqtinchalik hukumat” o‘rtalarida sulh tuzilgan edi. So‘ng yana rus genirallarning maslahati bilan O‘zbek elitasiga va‘da qilingan 30% hukumat kreslolarini saqlab qolishlari uchun 2010 yildagi iyunь voqe‘alari uyushtirilgan edi. Shu bilan, Qirg‘izistonni janubiy qismini poytaxt qilib egallab olishni maqsad qilgan Bakiyev hukumati o‘z maqsadiga erisha olmay qolgan.
Yuqoridagi ishlar ochilgudek bo‘lsa, ya‘ni ruslar ochib yuborishadigan bo‘lsa, juda ko‘p siyosatchilarimiz yuzi qora bo‘lishadi. “Qing‘ir ish qirq yilda ochiladi” deyilganidek, bu jirkanch ishlarning barchasi bir kun albatta ochilishi muqarrar.
Muammo shundaki: – Rossiya tomonidan Qirg‘iziston mamlakati va fuqorolarining manfaatlariga ulkan zararlar keltiryapti. Qirg‘iz millatiga va umum musulmonlarning manfaatlariga ulkan ziyon yetayapti. Umumiy mulklar chet davlatlar yoki chet el fuqorolari va kompaniyalarining shaxsiy mulkiga deyarli aylanib bo‘ldi. Mamlakat va xalq boshiga shuncha zarar va ofatlar keltirib turgan vaqtlarda, ruslarning iflosligi aytilgani yo‘q. Aksincha, ular bilan bordi-keldi ishlar avjiga chiqib boraverdi. Hamkorlik, ishonch, manfaatsiz iqtisodiy aloqalar, davom etaverdi. Bu hamkorlikka qarshilik qilgan yuzlagan musulmonlar qamoqqa olindi. Ularga kufrning “terrorist, ekstremist” degan atamalari ostida ayblovlar qo‘yilib, erkak, ayol va qariyalar ham javobgarlikka tortilishdi.
Ammo bugunga kelib, Rossiya “men senga olib bergan omonat kresloni yaxshilikcha bo‘shat” deya bir qator harakatlar boshladi. Buni qarangki, bir kunda ruslar bosqinchi, ichki ishlarimizga aralashishayotgan zo‘rovonlar, ayg‘oqchi genirallarning homiylari, fitnakash qotillar va Qirg‘iz millatini qatag‘on qilgan vahshiylarga aylanib qolishdi. Bu 6 million Qirg‘iziston fuqorolari manfaatlarining himoyasi ustida emas, balki 5 yoki 10 ta yetakchi Qirg‘iz siyosatchilarining manfaati xavf ostida qolayotganidan kelib chiqib e‘lon qilinayotgan qisman haqiqatni o‘z ichiga olgan bayonot bo‘ldi.
Muammoning asosi mana shunda, ya‘ni biz saltanatni ishonib topshirib bergan yetakchi siyosatchilarimizning xudbin, riyokor va siyosiy populist ekanliklaridadir. Ularda zarracha fidoiylik yo‘q. Faqat xalqni oldida o‘zlarini dohiy, hech bo‘lmaganda tengi yo‘q yetakchi qilib ko‘rsatishga harakat qilishadi. Shuning uchun ular, haqiqiy iymon egalarini va rostakam fidoiy siyosatchilarni jamiyatdan chetlatib, qamoqxonalarga tashlashdi. U yerda ham boshqa jinoyatchilarni ko‘zlaridagi pardalarini olib yuborishayapti deb, bu siyosatchilarni alohida zindonlarda ushlab turishipti. Bu badbaxt yasama siyosatchilar o‘z kreslolarini shu qadar yaxshi ko‘rishadiki, kofir xo‘jayinlarini rozi qilamiz deb, o‘z aka ukalari va opa singillari bo‘lgan musulmon siyosatchilariga qattiq zulm o‘tkazib kelishadi. Shunda ham, ustilaridagi mustamlakachi kofir yetakchilari ulardan har doim ham rozi bo‘lavermaydi. Vaziyatiga qarab ularni birini boshqasiga almashtirib turishadi.
