NATO bosh kotibi Jens Stoltenberg Qrimning Rossiya tarafidan anneksiya qilinishiga va Ukrainadagi inqirozlarga qarshi noroziligini e‘lon qilar ekan, biroq NATO bilan Rossiya o‘rtasida mojaro yuzaga kelishi va yangidan sovuq urush boshlanishi istagida emasligini ma‘lum qildi.
“Rossiya bilan to‘qnashishni istamaymiz. Bizning harakatlarimiz o‘rtada sovuq urush chiqarishga qaratilgan emas. Lekin biz Qrimning anneksiya qilinishiga va Ukraina sharqidagi inqirozlarga o‘z noroziligimizni bildirib kelmoqdamiz. Siyosiy muloqotlar uchun eshiklarni ochiq qoldirishimiz, nizolarni kamaytirish yo‘llarini topishimiz va qarama qarshiliklarning oldiga to‘siq qo‘yishmiz lozim.”, dedi Stoltenberg Germaniyaning “Die Welt” kundalik gazetasiga bergan interьvyusida.
Stoltenberg Rossiya-NATO kengashi juda muhimligini ta‘kidladi. Bu kengash ikki yillik tanaffusdan so‘ng birinchi marta 20 aprel kuni Bryusselda bo‘lib o‘tdi. Uchrashuvda Rossiyaning NATOdagi doimiy vakili Aleksandr Grushko ishtirok etdi. Stoltenbergga ko‘ra, bugungi kunda Rossiyadan NATOga biror xatar kelmasligi aniq, biroq xushyorlikni tark etmaslik lozim.
“Ushbu kengash (Rossiya-NATO kengashi) juda muhim ahamiyatga egadir. Chunki agar jimgina o‘tiraversak, hech qanday muammoni hal qila olmaymiz. Iyul oyida Varshavada bo‘lib o‘tadigan NATO sammitidan oldin yana bir uchrashuv bo‘lishi mumkin. Shu bilan birga, NATO Rossiyaning o‘z kuchini ko‘rsatishiga qarshilik bildirishga majburdir. Shu sababli sharqda vujudimizni mustahkamlamoqdamiz. Bugungi kunda NATOga a‘zo davlatlarga nisbatan Rossiya biror bir xavf tug‘diradi, deb hisoblamaymiz. Shunday bo‘lsa-da biz har qanday vaziyatga qarshi tayyor turishimiz va birdam bo‘lishimiz kerak”, deya qo‘shimcha qildi Stoltenberg.
Turkiston:
Bu uchrashuv Rossiya bilan NATO o‘rtalaridagi keskinlikni ta‘kidlab qo‘yish uchungina uyushtirilganga o‘xshaydi. Yig‘indan maqsad o‘z qo‘l ostidagi mamlakatlarni va tashkilot a‘zolarini sezgakroq bo‘lishlari ko‘zda tutilgan bo‘lishi mumkin. Ayniqsa NATO uchun bu juda zarur. Chunki u Rossiyadan kutilayotgan xavf xatarlarni e‘lon qilib, o‘z a‘zolarini unga bo‘lgan muxtojliklarini yanada kuchliroq xis qildirib qo‘ymoqchi bo‘layapti.
