Rossiya Tashqi ishlar vazirligi o‘zining veb saytida tarqatgan bayonotida Markaziy Osiyo davlatlari Rossiyaning tashqi siyosatidagi birinchi o‘rinda turgan ustuvor masala ekanligini va xususan O‘zbekiston davlati alohida o‘ringa egaligini ma‘lum qildi. Bayonotda aytilishicha, 2015 yilda Rossiya federatsiyasi va Markaziy Osiyo rahbarlari o‘rtasida 25 marta yopiq eshiklar ortida, 19 marta esa ochiq turda oliy darajadagi uchrashuvlar bo‘lib o‘tgan.
“Rossiya va Markaziy Osiyo davlatlari o‘rtasidagi munosabatlarning toboro rivojlanib borishi xalqaro va mintaqaviy dolzarb masalalar hamda strategik hamkorlik tamoyillariga barcha taraflarning bog‘liq qolish majburiyati va ittifoqiy yondashuvlarni o‘z ichiga oladi. Bu munosabatlarda birinchi bo‘lib, Iqtisodiy hamkorlik, ikki tomonlama va integratsiya doirasida hamkorlikni mustahkamlash asos qilib olinadi. Bundan tashqari, tomonlar Yaqin Sharq, Shimoliy Afrika va Afg‘onistondagi barqaror vaziyatni izdan chiqaruvchi terrorizm, ekstremizmga qarshi kurash maydonlarida hamkorlik qilishga jiddiy e‘tibor beradi”, deyiladi Rossiya Tashqi ishlar vazirligining veb saytida tarqatilgan rasmiy bayonotda.
Bayonotda Rossiya va O‘zbekiston o‘rtasidagi strategik sherikchilik va ittifoqchilik munosabatlarga alohida to‘xtaladi. Ikki davlat o‘rtasidagi eng yuqori darajada, jumladan siyosiy muloqot, mintaqaviy xavfsizlik, shuningdek iqtisodiy hamkorlikni yanada kengaytirish, madaniy va gumanitar aloqalarni kengaytirish ta‘kidlandi.
Rossiya Tashqi ishlar vazirligi bayonotida Qozog‘iston, Qirg‘iziston, Turkmaniston va Tojikiston bilan ham strategik hamkorlik muhimligiga urg‘u berildi.
26 aprel kuni Moskvaga tashrif buyurib, Rossiya prezidenti Vladimir Putin bilan uchrashgan O‘zbekiston Respublikasi Prezidenti Islom Karimov “Rossiyaning O‘zbekistondagi manfaatlarini” e‘tirof etgan edi.
Turkiston:
Karimov Rossiga Putindan Markaziy Osiyodagi ishtirokini jiddiylashtirishini so‘rab bordi. Oxirgi vaqtlarda Rossiya Markaziy Osiyodagi bir qator pozitsiyalariga beparvo bo‘lib kelayapti. Rossiya Putinning juda katta xatolari ortidan, xalqaro siyosatdagi vaznini yo‘qotib borayapti. Putin esa, o‘z rejimini saqlab qolish maqsadi asosida, Rossiyaning manfaatlarini bir chetga surib qo‘ydi. Navbat O‘rta Osiyo mamlakatlariga keldi.
Karimovni tashvishga solayotgan muammo G‘arb saqofatining O‘rta Osiyo davlatlariga shiddat bilan kirib kelayotganidir. Karimov O‘zbekistonni to‘sib olgani bilan, atrof davlatlar, ayniqsa Qirg‘iziston va Qozog‘iston ularga eshiklarini keng ochib berishdi. Bu esa, umum mintaqa uchun o‘ta xavfli holat. Karimov Rossiyadan AQShga qarshi raqobat ko‘lamini kuchaytirishni so‘radi. Chunki Karimov O‘zbekistonni siyosiy va ma‘lumot vakumi holatida abadiy ushlab tura olmaydi. Shu yaqin kunlarda uning ustiga AQSh Karimovga qizi orqali bosim bera boshlayapti. Uning boshiga Rossiyaning holati tushib qolishi mumkin. AQShning doimiy hamkorlari bo‘lmaydi. Uning doimiy hamkori manfaat. Karimov buni yaxshi biladi. AQSh Karimovni Afg‘oniston masalasida va Rossiyani O‘rta Oiyodagi manfaatlarini zaiflashtirishda itdek ishlatdi. Lekin endi AQSh uchun Afg‘oniston muammosi ortta qoldi. Rossiya ham holdan toyib borayapti. Ikkiyuzlamachi Karimov esa, yana Rossiyaning quchog‘iga tashlanayapti.
