Qirg’iziston parlamenti matbuot xizmatining xabar qilishicha, parlamentidagi ko’pchilik koalitsiyasi bir ovozdan Sooronbay Jeenbekov nomzodini mamlakat bosh vazirligi lavozimi uchun ko’rsatdi.
“Hukumatdagi koalitsiya tarkibidagi parlament fraktsiyasi Qirg’iziston Sotsial-demokratlar partiyasi (QSDP) vakili Sooronbay Jeenbekov nomzodini mamlakatning yangi bosh vazirligiga taqdim etish variantini ko’rib chiqdi. Yakunda bu nomzod ma’qullandi”,- deyiladi xabarda.
Ayni vaqtda Jeenbekov Qirg’iziston prezidenti apparati rahbari o’rinbosari sifatida ishlamoqda. U parlament spikeri Asilbek Jeenbekovning tug’ishgan ukasi bo’lib, parlament va prezident bu nomzodni tasdiqlasa, qonunchilikka ko’ra spiker o’z lavozimini tark etishi talab etiladi.
Turkiston:
Qirg’iz elitasi toboro zaiflashib borayapti.
Qirg’iziston elitasi korruptsiyalashib borishi bilan, davlat arboblari siyosatdan chetlab borishayapti. Ular mamlakat taqdiri bilan deyarli qiziqmay qo’yishayapti. Davlat arboblarining asosiy sifatlari, ular qaerda va qay holatda bo’lmasin – ya’ni hukumatdagi siyosatchimi yoki oddiy ishchimi farqi yo’q – mamlakat manfaatlaridan o’zlarini javobgar deb bilgan va shu masuliyatni amalda ko’tara olish quvvatiga ega bo’lgan shaxslar hisoblanadi.
Siyosiy maydonda xuddi Rossiyadagi kabi, hukumat vakillaridan iborat kapitalistlar paydo bo’lishib, ular saltanatdan o’z manfaatlarini himoya qilishda va ko’paytirishda vosita sifatida foydalanishayapti. Rossiyada bularni “alligarxlar” deb atashadi. U mamlakatda Putinning o’zi “alligarxlar” armiyasining etakchisi hisoblanadi.
Qirg’iz hokimiyatini esa, xalqaro siyosiy harakatlar boshqarib borishayapti. Qirg’iz siyosatchilari, go’yo mamlakat boshqaruvini avtopilotga qo’yib qo’ygandek, hech biri qirg’izistonning kelajagi yoki hech bo’lmaganda iqtisodiy rivojlanishi haqida o’ylamay qo’yishdi. Ular mamlakatdan mumkin qadar o’z manfaatlarini ro’yobga chiqarib olish mexanizmi sifatida foydalanish yo’llarini izlashayapti. Hukumatdagilar ham, muxolifotdagilar ham birdek.
Puldorlar siyosatchiga aylanishib, ish mutaxasislari chetda qolib ketishayapti. Yuqoridagi Sooronbay Jiyanbekovni hukumat rahbari bo’lishi uchun taklif qilinishi, fikrimizning yorqin dalili bo’la oladi. Bu odam qirg’iziston siyosiy elitasi ichida ta’sir quvvatiga ega emas. Demak bu odam, ukasi parlamen spikeri Asilbek Jiyanbekov tomonidan ilgari surilgan nomzot.
U O’sh oblasti gubernatori bo’lib turgan vaqtida, o’zini itoatkor va siyosiy erksiz etakchi sifatida ko’rsatgan edi. Endi Qirg’iziston hukumat rahbarligiga shunday siyosatchi kerak bo’lib qolipti! Bu kabi siyosatchilar mamlakatni uyg’onish tomon etaklash yoki o’zgarish va mustaqillik sari yo’naltirish haqida hatto fikrlay ham olishmaydi. Bu Qirg’iziston hokimiyatining tubanlashib borayotganidan va tashqi quvvatlarga suyanish va bog’lanib borish darajalarining yuksalib borayotganidan darak beradi.
