Roshod qori Kamolov haqidagi maqola Ozodlik saytining bosh sahifasidan nega yarim soatda olib tashlandi?
Turkiston:
1 mart kuni Ozodlik yangiliklarida Roshod Kamolovni qamoqxonada noqonuniy va majburiy ravishda saqolini qirib yuborishgani haqida maqola tarqadi. Qizig’i shundaki bu maqola taxminan yarim soat vaqt o’tmay Ozodlik saytining bosh sahifasidan olib tashlandi.
Ma’lum bo’lishicha, 19 fevral kuni O’sh viloyatining Qorasuv shahrida bo’lib o’tgan o’zlarini qamoqqa topshirish aktsiyasi vaqtida, Ozodlikning muxbiri ham o’sha erda bo’lgan. Yuzlagan aktsiya ishtirokchilari guvohligida, militsiya xodimlari muxbirning elektron moslamalarini tortib olishgan. Ozodlik muxbirini o’zini esa, xorlash va zo’ravonlik bilan qo’lga olib mahkama ichkarisiga sudrab olib kirib ketishgan. Bo’lib o’tgan hodisa haqida na Ozodlikning o’zi na boshqa matbuot vositalari xabar yoki norozilik bayonotlari tarqatishganlari yo’q.
Yuqorida, Ozodlikning o’z muxbiriga nisbatan bo’lgan muomilaga loqayd qarashlari va Roshod qori Kamolovga nisbatan olib borilayotgan zo’ravonliklar haqidagi bayonotini tezlik bilan sahifalaridan olib tashlashga majbur bo’lishlari Ozodlikning erkin matbuot tarmog’i emas ekanini yana bir marotaba isbotlaydi. U AQShning 100% ta’siri ostida faoliyat olib boradi.
Oxirgi vaqtlarda, AQShning Qirg’iziston bilan o’z aro aloqalari qaytadan bir muncha mustahkamlana boshladi. Bu Rossiyaning iqtisodiy holati krizisga uchrab, tezlik bilan qulab borayotganiga bog’liqdir. AQSh vaziyatdan foydalanib, Qirg’izistondagi o’zining holatini avvalgi qolipiga keltirib olmoqchi. U Qirg’izistonda inson huquqlari himoyachilari niqobi ostidagi o’zining ayg’oqchilar armiyasini kuchaytiradi. Lekin, yuqoridagi Ozodlik radiosining harakatlarini ko’rib, shuni aytish mumkinki, insonlarning huquqlari bir qancha stondartlarga bo’lingan holda himoya qilinadi.
Birinchi o’rinda, AQSh va qisman Rossiyaning ta’sirlari ostida ishlab chiqilib, Qirg’izistonda tatbiq qilinayotgan Islom va musulmonlarga qarshi loihalarni himoya qilishga e’tibor qaratiladi. Shu yo’nalish bo’ylab borayotgan barcha harakatlar uchun atayin keng sharoitlar yaratib beriladi. Bunga Chuvak hoji yoki muftiyot vakillarining chiqishlari bo’ladimi farqi yo’q, ular uchun matbuotda keng yo’l ochib beriladi. Sharti shuki, Islom va musulmonlarga qarshi borayotgan umumiy yo’nalishlarga muvofiq harakat yoki fikrlar bayon qilinishi kerak. Masalan, yaqinda bo’lib o’tgan, deputat Salyanovaning nikoh haqidagi parlamentga taklif etmoqchi bo’layotgan g’oyriislomiy loihasini, o’zlarini Qirg’iz islomiy elitasi deb nomlaydigan bir guruh shaxslar tomonidan bir ovozdan qo’llab berildi.
Lekin, 19 fevral kuni bo’lib o’tgan kuch organining muslimalarga qarshi yurishlari haqida, u yasama elitaning birortasi o’zining shar’iy munosabatini bildirgani yo’q. Nahot, Roshod qorining hozirgi holati, bu donishmanlarni iymonlaridan kechib yuborish darajasigacha qo’rqitib yuborgan bo’lsa. Nahot, AQSh olib borayotgan G’arbning kufr sistemasi olamiy matbuotni o’z nazorati ostida qanday ushlab kelayotgan bo’lsa, bu islomiy ziyoliy shaxslarni ham xuddi ulardek nazoratlari ostiga olishga mavaffaq bo’lishsa.
Ozodlik har xil tillarda gapiradigan kufrning matbuot mashinalaridan biridir. Unga qattiq nazorat va tiniq yo’nalishlar berib turiladi. Lekin kufrning shu ta’sir quvvati Chubak hoji singari Alloh Taolo obruy bergan islomiy ulamolarga ham ta’sir qila boshlagani o’ta achinarli holat. Bu xususda, islomiy pozitsiyadan qaraganimizda, Roshod qorining holati ularnikidan bir muncha manfaatliroq hisoblanadi. Ayollarning himoyasi uchun o’zlarini qamoqqa topshirgan haqiqiy erkak musulmon birodarlarimizdan Alloh rozi bo’lsin. Kufrning qo’lidan manfaatlanadigan va musulmonlarning kulfatlariga befarq qaraydigan har qanday olimu ulamolar Allohning nazdida muslima ayollarni himoya qilib chiqqan yuqoridagi musulmonlarning to’pig’iga ham to’g’ri kelmaydi.
Inson huquqlari himoyachilari ham G’arbning manfaatlari asosida yurishga majbur. Ular aslo o’z xojalari chizib bergan chiziqdan chetga chiqa olishmaydi. Kimlarni va qachon himoya qilishlari kerak yoki kimlarni umuman himoya qilib bo’lmaydi, shularning hammasini kufr sistemasi tomonidan belgilab beriladi.
Bu bir katta kufr tarmog’i bo’lib, bu tarmoqqa olib kirish qiyin bo’lgan soha vakillari dindorlar hisoblanadi. Chunki diniy shaxslar kufr manfaatlariga avval islomiy tus berib olishlari kerak bo’ladi. Ya’ni haromlarni halol qilib olishlari kerak bo’ladi. Buning uchun ular Oyat va Hadislarni ta’vil qilishib, ularga noto’g’ri ma’nolar berishlari kerak. Keyin u islomiy ulamolar kufrning barcha iflos harakatlari uchun keng islomiy yo’llar ochib berish uchun bor kuchlarini ayashmaydigan manqurtlarga aylanishadi. Ular ham xuddi Ozodlik radiosi singari kufr sistemasi tarmog’ini rivojlantiruvchi quvvat va g’oyriislomiy harakatlarning asosiy himoyachilariga aylanib qolishadi. Ularning ko’zlari faqat islomiy qarshilik harakatlarinigina ko’ra oladi. Fohshaxona, qimorxona, aroqxonalardan tushadigan pullardan imomlarning luqmasini buzish maqsadida stependiya to’lab berayotgan hukumatning qabih ishlarini ko’rishmaydi yoki ko’rsalar, bu ishlarga qanday qilib islomiy tus bersak ekan degan fikrlar haqida bosh qotiradigan kufrning quroliga aylanib qolishadi.
Fursatdan foydalanib, Qirg’iziston ulamolari va rasmiy diniy xodimlariga murojat qilib o’tmoqchimiz. Fursat bor, esinlarni yig’inglar. Iymoninglarni kufrga garovga qo’ymanglar. Ular bilan hatto yolg’on hamkorlik qilishga ham harakat qilmanglar. Chunki iymonni himoyasi o’ta nozik va ehtiyotkorlikni talab qiladi. Malomatchining malomatidan qo’rqmanglar, chunki barcha vaziyat va taqdir yolg’iz Allohning qo’lida. Kufrning moddiy manfaatlaridan umidvor bo’lmanglar, chunki rizq Allohdan va u har birimiz uchun uni belgilab qo’ygan. Balodan kufr quvvatlari bizni saqlab qola olmaydi, chunki qazo va qadar faqat Allohdan ekanini unutmaylik. Haq ustida malomatchining malomatidan qo’rqmaylik, chunki azob va qiyinchiliklar Payg’ambarlarning, xossatan payg’ambarimiz Muhammad SAVning qismatlari bo’lgan.
Allohdan engillik so’raymiz. Lekin u bizni balolash bilan sinay boshlasa, sabr va sabot bilan turib berish orqali undan ajrlarimizni yanada ziyoda qilib berishini so’raymiz. Chunki biz uning qullarimiz.
