Rossiya bosh vaziri: Sovuq urush allaqachon alanga oldi
Rossiya bosh vaziri Dmitriy Medvedev Rossiya bilan G’arb davlatlari o’rtasidagi taranglik dunyoni yangi jahon urushiga etaklayotganini ta’kidladi. Medvedev Myunxenda bo’lib o’tgan xafvsizlik konferentsiyasida qilgan nutqida «Bizning NATO, Yevropa, Amerika yoki boshqa davlatlarga ulkan tahdid tug’dirayotganimiz to’g’risidagi gaplarni deyarli har kuni eshityapmiz», deya qo’shimcha qildi. Medvedev NATO bosh kotibi Yens Stoltenbergning vaqti-vaqti bilan ta’kidlagan so’zlarini hamda Rossiyani yadroviy urush olovini yoqayotgan qilib tasvirlagan filmlarni misol sifatida keltirar ekan, jumladan bunday dedi: «Ba’zan o’ylab qolaman: biz 2016 yildamizmi yoki (sovuq urush rosa avj olgan) 1962 yildami?». O’z navbatida, NATO bosh kotibi Yens Stoltenberg ham, ayni konferentsiyada Bi-Bi-Siga bergan intervyusida Rossiya o’z chegaralarini kuch bilan belgilab, yanada keskinlashib ketmoqda, shu bois NATO bunday tahdidlarga qarshi javob berishga qodir bo’lmog’i lozim, dedi. Keyin «Biz sovuq urushda emasmiz. Lekin o’sha sovuq urush tugashi ortidan tuzgan hamkorlik holatida ham emasmiz», deya qo’shimcha qildi. Stoltenbergning ta’kidlashicha, NATO Rossiya bilan munosabatni taranglashtirishga emas, balki chuqur siyosiy dialog olib borishga harakat qilmoqda. (BBC).
Roya gazetasi sharhi:
Rossiya bosh vaziri Rossiya bilan G’arb (xususan, Amerika) o’rtasidagi taranglikni sovuq urushga tenglashtirib oshirib yubordi. Chunki ular o’rtasidagi hozirgi taranglik 1963 yilga qadar bo’lgan taranglik kabi kuchli emas. O’shanda Amerika bilan Sovet Ittifoqi o’rtasida haqiqiy sovuq urush bo’lgan. Hozir esa haqiqiy ma’nodagi sovuq urush yo’q. Aksincha, Rossiya bilan Amerika o’rtasida o’zaro hamfikrlik mavjud. Rossiya bilan Amerika o’rtasidagi sovuq urush deganda Rossiya bilan Amerika yoki boshqasi o’rtasida ko’p mintaqalarda ko’plab masalalar ustida kurashlar ketayotgani tushuniladi. Hozirgi voqeda esa bunday emas. Chunki bugun Rossiyaning asosiy diqqat e’tibori o’zining regional nufuziga cheklangan, dunyodagi mavjud qaynoq kurashlarga o’z ta’sirini o’tkazadigan real nufuzi esa qolmagan. Qolsa ham, juda oz darajada yoki Amerika yo’l qo’ygancha darajada qolgan, xolos. Masalan, Eron yadroviy loyihasi masalasida, Suriyaga Rossiyaning aralashuvida, Iroq bo’hroni va Yaman bo’hroni haqida gapirishida… Rossiya nufuzi faqat Amerika yo’l qo’ygan darajadan nariga o’tmaydi.
Roya gazetasining 2016 yil 17 fevral chorshanba kungi 65-sonidan
