بســـــم الله الرحمن الرحيم
O’zini qammoqqa topshirish siyosiy o’yin emas, balki qalblarni ezib kelayotgan savollardan qutilish yo’lidir
Charchab kirib kelgan erkakni uyda oilasi kutib oladida, savolga tutadi:
Kenja farzandi; meni ham o’yinchoqlar o’ynagim kelyapti, shkoladlar egim kelyapti. Televizorda ko’rsatgan o’yinchoqlardan, shkoladlardan qachon olib berasiz, dadajon? U erdagi bolalarning o’zlarini xonalari alohida ekan, o’yinchoqlari rosa ko’p ekan, menga ham qachon o’zimning xonamni qilib berasiz?
Maktabga borayotgan qizalog’i; har doim pul so’rasam bermaysiz, o’qituvchimiz qattiq tayinlayapti, pul olib kelmaganlarni jazolayapti, maktabga ro’mol o’rab borsam o’qituvchimiz, ro’molingni echasan deb so’kyapti, o’qituvchim bilan qachon gaplashasiz, men o’qishim kerak, maktabga borgani qo’rqib qolyapman, a? Gaplashib kelgani qachon borasiz?
Maktabni bitirgan o’g’li; dada, ishlay desam bu erda ish yo’q, Rossiyaga boraman, nimaga unamayapsiz? Rossiyaga borganlarning hammasi ham aynib ketmaganku? Men Suriyaga ketib qolmayman? Ozgina pul ishlab qaytaman, tanishlarim bor, boraveraymi?
Ayoli esa noiloj; uyda egulik hech narsa qolmadi, krizs deganiz bilan go’shtsiz ovqat qilishning hech ilojini qilolmayapman. Bolalarning kiyimlari ham yaramay qoldi, yangilash kerak, Xitoyning buyumlari bir mavsumga ham etmayapti. Qachon bozorga boramiz? Elektrga ham to’lash kerak, ancha qarzimiz bor ekan. Tezda to’lamasanglar uzib ketamiz deyishdi, uni nima qilamiz?…
To’g’ri, bunday savollar ministlarning, deputatlarning oilasidan chiqmaydi yoki sud-prokurorlar, organ hodimlari, soliq yig’uvchilarning oilasidan ham chiqmaydi. Ministlar va deputatlarning ahvoli ma’lum, qonuniy yo’llar bilan o’marganlari etmagandek, birgina xiyonat bilan qilingan imzo, “ovoz” evaziga millionlagan harom pullar ularning hisob raqamiga o’tadi. Shuning uchun davlatning qarzi ko’paygan sari ularning boyliklari ham ko’payib bormoqda. Sud-prokurorlar esa, bir begunohni oqlab chiqarib yuboraman, degan bahona bilan sudlanuvchini qarzlarga botirib bo’lsa ham olgan poralarini hisobiga, ularning oilasida ham unday savollarga hojat yo’q. Organ hodimlariga ham, soliq yig’uvchilarga ham qonunda belgilangan pul etmaydi. Ularni qanday qilib muammolarini hal qilishayotgani hammaga ma’lum. To’g’ri ularning ichida ham hali insonligi o’lmagan, to’g’ri yashashni qasd qilib, unga chora izlab yurganlari ham bor.
Yuqoridagi savollar taxminan 10% atrofidagi byudjetniklarning ko’pchiligidan chiqmaydi. Bunday savollar ko’pincha 85-90% oddiy xalq ichidagi oilalardan chiqadi. Bu savollar qatorida chet ellardagi sayohatga, kurortlarda dam olib kelishga aloqador savollarga umuman o’rin yo’q, lekin yana qo’shish mumkin bo’lganlari bor, masalan: Issiq-ko’lga chet elliklar kelib dam olishib ketishar ekan, biz qachon boramiz, biz shu erda shuncha yil yashab hali biror marta bormadik, qachon boramiz?…
Agar qamoqda bo’lganida edi, qalbidagi jarohatlari ketmasa ham, yaqinlaridan kelayotgan bunday savollardan qutilgan bo’lar edi; men qamoqdaman, oyoq-qo’lim “bog’liq” deb. Lekin u ochiqda…
Ammo bular etmagandek, ko’pchiligi umrida chumchuq ham so’ymagan, el ichida faqat yaxshiliklar bilan tanilgan insonlarni uyiga 15-20ta maskachan, avtomatlar bilan qurollangan, alohida tayorlangan guruppani etaklab, organ hodimlari yarim kechasi uylarga bostirib kirishib, yosh bolalarni, ayollarni qo’rqitishlarini nima deb tushunish kerak? Xalqni qirg’in qilayotgan dushmandan himoya qilishmoqdami? “Forma”larini shuning uchun kiyishganmidi? U ham etmaganidek, ayollarga, onaxonlarga qo’pol muomila qilib, olib ketishlarinichi? Bunga nima qilish kerak? Davlat bularni ko’rmayapdimi?
Yo’q, aslida organ hodimlarini ham qaroqchi, tilamchi qilib qo’yayotganlar aynan o’shalarning o’zginasi. Xiyonatlari ochilib qolgunicha xohlagan sharmandaliklarini qilishib, asl basharalari ko’rinib qolgan zahoti Rossiya, Yevropa yoki AQShga qochishadi. Harom yo’llar bilan o’z hisob raqamlariga o’tkazgan xalq boyliklaridan bo’lgan milliardlari bilan har qanday davlat yaxshi kutib oladi. Nahot bularga sukut qilib yashayversak?
Bir oz bo’lsada bunday savollardan chalg’ish maqsadida televizorga tikilganda odamning asablari battar taranglashadi, chunki unda buzuqilik, qotilliklar bilan “bezatilgan”, 21-chi asrdagi, demokratiya samarasi bo’lgan hayot namunalari asosida ishlangan seriallar; moddiy tomonlari juda yuksak, lekin er-xotinda bir birlariga nisbatan xiyonatlar odatiy hol yoki farzandida ota-onasiga bo’lgan ishonch, hurmat umuman yo’q, bola bor, boshqa birovdan. Erkak ham g’azabda, qalb jarohatlangan, nima qilishini bilmaydi. Bola ham kimning farzandi ekanini bilmaydi, o’z otasi – buzuq onasining siri bo’lib qolib ketgan… bolaning boshi qotgan, onasidan ham, haqiqiy otasidan ham nafratda yoki boshqa oiladagi ayol kelib, o’z o’g’lini; bu sendan bo’lgan, seni bolang, meni erim uning haqiqiy otasi emas, haqiqiy otasi sensan degan da’volar va hokazo. Jamiyatda esa, odamlar bir-birlariga ishonmaydi, doimo boshqalarni aldash ilinchida, muttahamlar har doim haq, foydani deb har qanday chirkanch ishlarni ham tap tortmay qilayotgan zo’ravonlar qo’lida hayot izdan chiqqan…
“Yangiliklar”da ochiq yolg’onlar bilan to’la bo’lgan xabarlar; xalq hoinlarini, kufr malaylarini “qahramonlar” qilib, vahshiy dushmanlarni mehribon do’stlar qilib, avval “er yigit”, “el farzandi”, “mohir etakchi” so’zlar bilan maqtab yurishgan, xozirda qochib ketgan sobiq rahbarlar hamma yomonliklarga sababchi, hayotni og’ir ahvolga kelganiga o’shalar aybdor deb aynan o’sha jurnalistlarning ikki yuzlik basharasi. Sofdil, xalqparvar, haqiqat uchun xarakat qilayotganlarni esa, terrorist-ekstremistlar qilib ommani ishontirishga urinishlar…
Aslida hayot ham demokratiyaning ta’siri bilan, serialdagi kabi bo’lib bormoqda, undan qolishmaydi. Hayot kufr sistemasi asosida ekan, otgaminarlardan ba’zilari o’zgaradi-yu, hayot yana o’sha holda davom etaveradi. Yana “eski hammom, eski tost”, hamma joyda pora bilan ish bitirish, haq, to’g’rilikka umuman hayotda o’rin yo’q. haqni aytgan xalq dushmaniga aylanadi-da, qonun yo’li bilan qamoqqa jo’natiladi…
Yo’q, hayot sistemasini o’zgartirish kerak, asosi aql bilan tekshirilgan, bir xovuch firibgarlarning foydasiga qarab xohlagan tomonga qarab o’zgarib ketavermaydigan, hamma birdek ishongan, hurmat qiladigan, sobit, barqaror asosdagi hayot sistemasiga o’zgartirish kerak. Bu sistema – Behojat, Mehribon va Rahimdil Yaratguvchi Alloh Taolo tomonidan nozil qilingan, nuqsonu-zulmdan, nohaqliklardan pok va bandalariga “NYe’MAT” va “RAHMAT” qilib Rosululloh(s.a.v) orqali etkazgan – Islomdir. (davomi bor).
G’arib.
