Afg’on Tolibon harakati butun dunyo davlatlari bilan yaxshi munosabatlar o’rnatishga da’vat qilmoqda
O’tgan juma Afg’on Tolibon harakatiga qarashli «Afg’oniston Islomiy amirligi» saytida bir bayonot chiqdi. Quyida undan parcha keltiramiz:
«Barcha adolatli fikr egalariga ma’lumki, Islomiy amirlik sof afg’oniy harakat bo’lib, tashkil topgandan buyon islomiy usullarga hamda afg’on qadriyatlari va tinchligiga asoslanib keladi. Birinchi kundan boshlab, Islomiy amirlik rahbarlari va katta mas’ullari o’rtasidagi suhbatlarda, rasmiy bayonotlarda ulug’ Afg’oniston vatani muammolari, mashaqqatlari haqida so’z yuritiladi. Bugun ham shu haqda so’z yuritilmoqda.
Bugun butun dunyo go’yo bitta qishloqqa aylanib qolgan bo’lib, savdo ayirboshlash, mushtarak ijtimoiy, ma’rifiy va ilmiy qadriyatlar hamda hayotni boshqa sohalariga oid hamkorliklar davr talabidir. Biz butun dunyo davlatlarini, shu jumladan, islomiy davlatlarni islomiy manfaatlar va o’zaro milliy hamfikrlik asosida yaxshi munosabatlar o’rnatishga, balki munosabatlarni kengaytirishga da’vat qilamiz.
Islomiy amirlik barcha davlatlarga, xususan, islomiy yurtlarga «biz aloqalarni o’rnatishga va yaxshi munosabatlarni mustahkamlashga chaqiramiz», deya noma yo’llaydi. Yaqindan aloqa bog’lashimiz, maqsad va qadriyatlar haqida fikr almashishimiz afzaldir. Ishonchimiz komilki, bugun Afg’onistonda ketayotgan jihod afg’onlar uchun shar’iy va qonuniy jihoddir. Chunki yurtimiz amalda Amerika bosqinchiligi ostida bo’lib, bu davlat mustaqilligimizni va milliy hokimiyatimizni oyoq osti qildi, o’n minglab begunoh vatandoshlarimizni qirg’in qildi, millionlab xalqimizni qochqinga aylantirdi. Shuning uchun o’z islomiy qadriyatlarimiz va milliy manfaatlarimizni mudofaa qilishga haqqimiz bor. Boshqa jihatdan, yurt tashqarisida hech qanday harbiy harakat olib bormasligimiz yorqin haqiqatdir. Alloh tavfiq bersin».
Roya gazetasi sharhi:
Bayonotni diqqat bilan kuzatgan kishi Tolibonning o’zini mo”tadil harakat sifatida namoyon qilayotganiga guvoh bo’ladi. Bu esa G’arb davlatlari rozi bo’ladigan holdir. U o’zini musulmonlar masalalariga aloqasi bo’lmagan afg’on milliy harakati sifatida ko’rsatmoqda, bayonotida mushtarak ijtimoiy va ma’rifiy qadriyatlar haqida, maqsad va qadriyatlar almashish borasida gapirmoqda!! Bu uning Islomni qadriyatlar manbaiga aylantirmaganiga hamda islomiy qadriyatni haqiqiy qadriyat sifatida mahkam ushlamaganiga dalolat qiladi. Zotan, Afg’oniston va boshqa islomiy yurtlardagi hukmron qadriyat Islom qadriyati bo’lishi kerak edi. Tolibon butun dunyo davlatlari bilan iliq munosabatlar o’rnatishi haqida gapirmoqda. Bu esa uning tashqi munosabatlarda Islomni asos qilib olmaganini anglatadi. Chunki uning nazdida Amerika bilan bo’lgan muammo faqat uning Afg’onistonni bosib olganligida, xolos. Iroqni bosib olgani, ko’plab islomiy yurtlarni mustamlaka etib, Islom va musulmonlarga dushmanlik qilayotgani Tolibon uchun hech narsa emas!! Ko’zga yaqqol tashlanuvchi jihat, ayni bayonot Afg’onistonda tinchlik amaliyotini boshlashga qaratilgan Afg’oniston-Pokiston-Amerika-Xitoy ishtirokidagi to’rt tomonlama muzokaraning birinchi bosqichidan to’rt kun o’tiboq chiqdi. Pokistonda bo’lib o’tgan bu yig’indan maqsad, o’tgan yili yozda to’xtab qolgan Tolibon harakati bilan bo’lgan so’zlashuvlarni qayta jonlantirish bo’ldi.
Roya gazetasining 2016 yil 20 yanvar chorshanba kungi 61-sonidan
