So’nggi olingan xabarga ko’ra, Turkiyaning Istambul shahrida joylashgan tarixiy maskanlardan biri bo’lgan “Sulton Ahmad” maydonida portlash vujudga kelgan. Portlash oqibatida 10 kishi halok bo’lgan va bir qancha insonlar tan jarohati olgan. Hodisa joyiga safarbar qilingan ko’p sonli politsiyachilar maydonni o’rab olgani aytilmoqda.
“Sulton Ahmad” maydoni butun dunyodan keladigan sayyohlar bilan govjum joylardan biri sanaladi. Avvalda cherkov, Istambul fathidan keyin masjid, Xalifalik qulatilgandan so’ng esa muzeyga aylantirilgan “Ayosofiya” tarixiy yodgorligi ham mana shu Sulton Ahmad maydonida joylashgan.
