Britaniyada nashr etiladigan “The Times” gazetasi Rossiya Suriyada yana bir havo bazasi barpo qilayotgani haqida yozib chiqdi. Gazetaning yozishicha, Hums shahri yaqinidagi Ash-Shairat havo bazasiga Rossiyadan harbiy mutaxassislar va anjomlar olib kelingan.
“Ash-Shairat havo bazasi avvaldan Rossiyaning qiruvchi vertolyotlari qo’nadigan joy edi. Biroq bir oy avval havo bazaga kelgan harbiy mutaxassislar yana ham kengroq baza qurish uchun tayyorgarlik ko’ra boshladi” deyladi Ash-Shairat havo bazasi Rossiya uchun ochib berilgani haqida tarqatilgan xabarda.
Gazetaga intervyu bergan mahalliy manbalarning aytishicha, Ash-Shairat havo bazasida ayni paytda 50-60 rus harbiylari mavjud. “Askarlar uchun turar-joylar tayyorlangan. Lekin ba’zi askarlar bazaga yaqin bo’lganligi sababli Homsda qolmoqda. Bizning bilishimizcha, bazada 10ta samolyot va 15ta vertolyotlar bor”, deydi manba.
Xabarda aytilishicha, mazkur yangi qurilayotgan baza bilan bir qatorda Suriyada jangavor faoliyat olib borayotgan Rossiyaning samalyotlari ikki barobarga ortadi. Shuningdek maxsus operatsiyalar xodimlarini o’z ichiga olgan 1000 nafar askar ham olib kelinadi.
Taymes gazetasining bildirishicha, Ash-Shairat havo bazasida 45ta samolyot angari (saroyi) mavjud bo’lib, ularning har biri bambardimonlarga qarshi himoyalangandir. Xabarga ko’ra, Ash-Shairat havo bazasidagi uchish-qo’nish yo’lagini ko’zdan kechirib chiqqan Rossiya muhandislari havo bazada bitta asosiy uchish-qo’nish yo’lagi va ikkita qo’nish yo’lagi borligini, ulardan bittasi ehtiyot uchish-qo’nish yo’lagi ekanligini aytgan.
