AQShning ikki senatori Jon Makkeyn bilan Lindsey Graham Iroq va Suriya davlatlarining har biri uchun o’n mingdan askar yuborish kerakligini ta’kidladi. Ikki senatorga ko’ra, koalitsiyaga a’zo davlatlardan yig’iladigan askarlarni qo’shganda bu raqam yuz mingga etishi lozim. Senatorlar Iroqdagi AQSh harbiy vujudini uch barobarga ko’payrib, o’n mingtaga etkazilishi va bu askarlar xalqaro qo’shinlarning bir qismi sifatida quruqlikdan Suriyaga yuborilishini talab qildi.
Respublikachilar partiyasining ko’zga ko’ringan Senatorlaridan bo’lgan Makkeyn va Graham AQSh prezidenti Barak Obamaning Iroq va Suriyada IShIDga qarshi havo hujumlarini va mahalliy kuchlardan tashkil topgan quruqlik kuchlari orqali yuritayotgan “kurash” strategiyasini tanqid qildi. Respublikachilar partiyasidan prezidentlikka o’z nomzodini qo’ygan Graham IShIDni yo’q qilishning yagona yo’li quruqlik kuchlarini tashkil qilish ekanligiga urg’u berib, “havo hujumlaridan biror natija chiqmayapti”, deya e’tiroz bildirdi.
AQSh Senatining Qurolli Xizmatlar qo’mitasining rahbari Jon Makkeyn ham o’n ming AQSh harbiy maslahatchisi va murabbiylari tomonidan qo’llab-quvvatlangan Yevropa va Arab kuchlarining Suriyaga quruqlikdan hujum uyushtirishi lozimligini ilgari surdi. Graham bilan birgalikda Bag’dodga tashrif buyurgan Makkeynning bildirishicha, Turkiya, Misr va Saudiya Arabistoni kabi davlatlar askarlari ishtirokida yuz ming harbiydan tashkil topgan bu ittifoqni AQSh davlati texnik yordam va razvedka ma’lumotlari bilan qo’llab-quvvatlab turadi. Grahamning aytishicha esa, mazkur harbiy ittifoqqa maxsus kuchlar ham qo’shilishi mumkin.
