To’rt oy davomida 17ta maxkama ishida ko’rib chiqilganidan so’ng 7 oktyabr kuni Qorasuv tuman sudi “As-Sarahsiy” masjidi imomi Rashod qori Kamolovni 5 yilga ozodlikdan mahrum etdi. Sud Rashod qorini diniy adovat qo’zgatish, ekstremistik materiallarni saqlash va tarqatishda aybdor deb topti.
Sud Rashod qorini imomlikka tayinlash to’g’risida muftiyotning buyrig’i yo’q ekanligi, oilali ekanligi va bunga qadar noto’g’ri ishlarga aloqasi yo’qligini hisobga olib qamoq muddatini qisqartirgani aytilmoqda.
Qamoqqa olingunga qadar “As-Sarahsiy” masjidi imomi bo’lgan Rashod qori Kamolov 9 fevral kuni qo’lga olingan edi. Unga qarshi “ekstremizmga da’vat qilgan”, “Xalifalik qurishga harakat qilgan” va “Suriyaga odam jo’natgan” deb ayb qo’yilib, tergov ishlari boshlangan edi.
Rashod qori Kamolov o’ziga nisbatan qo’yilayotgan ayblovlarni rad qilib, bu siyosiy buyurtma baholamoqda.
Turkiston:
Rashod qori Kamolov ustidan olib borilgan sud jarayonida qatnashgan o’nlab guvohlarning ta’kidlashlaricha, sudda prokuratura tomonidan Kamolovni ayblovchi dalil sifatida deyarli birorta hujjat keltira olgan emas.Prokurorlar ayblovchi dalil sifatida faqat bir diskdagi Kamolovning masjiddagi “Xalifalik qayta tiklanadi va musulmonlar buni umid qilib, duo qilib yashashlari vojib”, degan so’zlarini qo’yib berishgan.
Bu so’zlar xaqiqatda shariyatga muvofiq ekanligini muftiyot ham yozma tasdiqlagan. Qirg’iziston deputati Tursinboy Bakir o’g’li, taniqli diniy arbob Sodiq Kamolov, avvalgi muftiy va ulamolar kengashi raisi Chubak xoji Jalilov, jurnalist va diniy ekspert Miqtibek Arstanbek va yana bir qator taniqli diniy eksperlar sudda bevosita ishtirok etib yoki xat orqali Xalifalik haqidagi bu fikrlarni o’z og’izlari bilan ifoda etishgan. Ularning har biri Rashod qori aytgan so’zlarga iymon keltirishlarini va shu fikrlarni ma’qullashlarini aytishgan. Shuningdek, bu aytilayotgan shar’iy hukmni tasdiqlovchi nususlardagi dalillarni ham sudga taqdim etishgan. Ularning birortasi shu so’zlarni sud zalidan turib rasman aytganlari uchun hatto sud tomonidan birorta tanbex ham olishgan emas. Demak bu so’zni aytilishida jinoiy elemen yo’q ekanini sud tan olgan. Rashod qori ham faqat shu so’zlarni aytgan xalos. Unga qarshi boshqa hech qanday ayblovchi dalil bor deb da’vo bo’lgan emas.
Prokurorlarning Rashod qoriga qarshi boshqa hech qanday dalillari bo’lmaganligini ko’rib tursa ham Qorasuv sudyalar raisi hatto Kamolovni vaqtinchalik uy qamog’iga chiqarib turishini so’rab yozilgan arizalarning barchasiga rad javobini bergan.
Lekin Rashod Kamolovning ustida borayotgan ishda Qorasuv tumani sudi raisi Qo’ychubek Jobonovning bu sud jarayonida hech qanday vazni yo’q ekanligini anglash qiyin emas. Sud uni qamashga bevosita buyruq bergan hukumat tomonidan nazorat qilib turilipti. Lekin bu sud jaroyoni Qirg’izistonda Qonun ustivorligi deyarli yo’q darajada ekaliginini ko’rsatdi.
Balki bu hukumatning jinoiy xatti-harakatlari faqat musulmonlarga qarshi ishlatilishiga ittifoq qilingandir. Chunki Rashod qoriga nisbatan 8 oydan buyon borayotgan zulmlarga qarshi birorta quvvat egalari tomonidan qarshilik fikri namoyon bo’lgani yo’q. Sud esa prokuratura tomonidan birorta dalil keltirilmaganiga qaramay yuqoridagi sharmandali hukmni chiqardi. Bu sud jarayonini Rashod qorini qamashda adashgan militsiya tarmog’ini ketini yopish uchun maxsus buyurtma asosidagi siyosiy echim bo’ldi desak to’g’ri bo’ladi.
