“Interfaks” agentligining tarqatgan xabariga ko’ra, 16 sentyabr kuni Dushanbe aeroportida Olma otaga uchib ketmoqchi bo’lgan partiya raisining birinchi o’rinbosari Saidumar Xusayni va kun davomida tashkilotning qolgan amaldorlari qo’lga olingan.
17 sentyabr kungi ma’lumotga ko’ra, qo’lga olinganlar orasida partiya rais o’rinbosari Maxmadali Xait, partiya siyosiy kengashi a’zosi Voxidxon Kosiddinov, ilmiy kengashi rahbari Zubaydullo Roziq, tumanlar bo’yicha partiya tashkilotlari rahbari Raxmatullo Rajab, partiya raisining huquqiy masalalar bo’yicha maslahatchisi Zarafo Raxmoni hamda partiya gazetasi “Najot” bosh muharriri Abduqaxxor Davlat kabi rahbarlar bor.
Hozircha ularga qarshi biror ayblov ilgari surilgani haqida xabarlar yo’q.
Turkiston:
4 sentyabr kuni Tojikistonda ro’y bergan qurolli qarshilik xarakati, Rahmonov rejimi uchun jamoatchilik oldida yuqoridagi kabi vahshiy va adolatsiz harakatlariga keng yo’l ochib berdi. U endi islomiy shaxslar va harakatlarga qarshi ayovsiz va hujjat dalilsiz kurash olib borishda davom etaveradi.
