Savolga javob
O’zbekistondagi oxirgi siyosiy voqealar
Savol:
2015 yil 27 avgustda Amerika tashqi ishlar vazirining Markaziy Osiyo ishlari bo’yicha yordamchisi O’zbekistonga keldi. Bundan bir oy oldin, ya’ni 2015 yil 27 iyulda Amerika qurolli kuchlari markaziy qo’mondonligi boshlig’i O’zbekistonga kelgan bo’lsa undan bir oydan ko’proq oldin, ya’ni 2015 yil 12 iyunda esa BMT bosh sekretari O’zbekistonga tashrif buyurdi… Bu ketma-ket tashriflar Amerika-o’zbek aloqalarining kuchli ekanligiga bo’lgan ishonchga bir dalilmi? Yoki ular o’zaro aloqalar zaifligiga va ishonch yo’qligiga dalilmi? Amerika Rossiyaning bu zaiflikdan foydalanib O’zbekistonga o’z nufuzini o’tkazishidan xavotirlanib aloqalarni kuchaytirish uchun bu tashriflarni tezlashtiryaptimi? Bu savolning bir qismi. Savolning ikkinchi qismi tog’utning qizi va Rossiyaga aloqadordir. Chunki tog’ut qizining otasi o’rnini egallashi haqida mish-mishlar tarqalganidan keyin va tog’utning boshqaruvi yana uzaytirilgach hozir uning qizi majburiy uy qamog’ida yotibdi. Bu narsa tog’ut qizining Rossiya bilan aloqada bo’lganini, bu aloqasi fosh bo’lib qolganidan keyin majburiy uy qamog’iga mahkum qilinganini anglatadimi yoki boshqa sabablar bormi? Bu savol har-xil bo’lib ketgani uchun uzr. Tezroq javob berishingizni qattiq turib so’rayman, hatto O’rta Sharqdagi hodisalar bundan ko’ra qaynoqroq bo’lsa ham lekin bu o’z mintaqasiga nisbatan ahamiyatli va ta’sirga egadir. Alloh sizga yaxshilikni mukofot aylasin.
Javob:
Buning uchun sizni ayblamaymiz, insha Alloh savolingizga javob beramiz:
Birinchi: Tashriflar mavzusi:
Bunga javob berish uchun bu tashriflarni va ulardan ko’zlangan va e’lon qilingan g’araz-maqsadni, bu maqsad ortida nima bor ekanini ko’rib chiqamiz:
1 – Amerika tashqi ishlar vazirining Markaziy Osiyo ishlari bo’yicha yordamchisining o’rinbosari Deniel Rozenblyum 2015 yil 27 avgustda O’zbekiston poytaxti Toshkentda bo’lishi chog’ida bergan matbuot bayonotida bunday dedi: «Qo’shma Shtatlar O’zbekistondan xalqaro koalitsiyaga qo’shilib, «IShID» ekstremistik tashkilotiga qarshi urush olib borishini talab qildi». U yana bunday dedi: «Qo’shma Shtatlar boshchiligida Suriya va Iroqda Davlat tashkiloti a’zolarini bombardimon qilayotgan koalitsiya harbiy tarkibga egadir, bundan tashqari terrorchilarga mablag’ oqib kelishini to’xtatish ko’zlangan harakatlar ham olib borilmoqda, koalitsiya shaxslarning chegaralar orqali harakatlari haqida ma’lumotlarni to’playdi, koalitsiya harakatlari ichida yana boshqa beshta yoki oltita yo’nalish ham bor, O’zbekiston yoki boshqa har qanday davlat ana shu tarkibiy qismlarning bittasiga yoki ko’prog’iga hissa qo’shishni tanlay oladi». (Reyter 2015 yil 27 avgust)…
- Demak Amerika O’zbekistonni «Davlat» tashkiloti va «terrorizm»ga qarshi kurash degan bahona bilan o’zining koalitsiyasiga tortmoqchi. Bundan maqsad O’zbekistonni o’ziga kuchliroq bog’lab olish va uni o’z etakchiligi ostiga kiritishdir. Amerika buni oldin, Afg’onistonni bosib olgan paytida ham tajriba qilib ko’rgan. Chunki o’shanda Amerika O’zbekistonni ana shu urushda o’zining tomonida turishga, o’zining Afg’onistonga o’tib borish harakatini osonlashtirishga majbur qilgan edi. O’sha paytda Amerika Afg’onistonga harbiy yordamlar etib borishini ta’minlash uchun O’zbekistonda bir harbiy baza ham qurgan edi. Hozir esa Davlat tashkilotiga urush qilish bahonasi bilan o’zining O’zbekiston bilan bo’lgan aloqalarini kuchaytirmoqchi. U bundan O’zbekistonda o’zining nufuzini kuchaytirishni va O’zbekistonni o’zining koalitsiyasi ichkarisidagi hukmronligi-xo’jayinligi ostiga kiritishni ko’zlagan.
2 – O’zbekiston rasmiy axborot agentligi 2015 yil 27 iyulda Amerika qurolli kuchlari markaziy qo’mondonligi boshlig’i Lloyd Ostinning O’zbekistonga kelib o’zbek prezidenti Karimov bilan uchrashgani haqida xabar tarqatdi. Karimov uni olqishlab bunday dedi: «Turli daraja va yo’nalishlardagi muntazam dialoglar O’zbekiston va Qo’shma Shtatlarga turli sohalarda o’zaro foydali hamkorlikni rivojlantirish imkonini beradi». Agentlik yana bunday qo’shimcha qildi: «Uchrashuv chog’ida ba’zi xalqaro masalalar, xususan mintaqada tinchlik va barqarorlikni ta’minlash uchun o’zaro hamkorlik masalalari muhokama qilindi va Afg’oniston masalalarini tinch yo’llar bilan hal qilish borasida fikrlar almashindi»…
- Bu esa Amerikaning O’zbekistonda o’z nufuzini turli sohalarda o’zaro foydali hamkorlikni rivojlantirish degan niqob ostida kuchaytirish uchun yangi uslublarni qidirayotganiga dalolat qiladi. Chunki bu hamkorlik faqat bitta sohagagina cheklanib qolmay, balki turli sohalarni o’z ichiga oladi. Chunki u – xabarda kelganidek – Amerikaning Afg’onistonda turishini qo’llab-quvvatlash uchun hamkorlik qilishga va O’zbekistonni Amerikaning Suriyada olib borayotgan urushidagi koalitsiyasiga tortib qo’shib olishga hamda Amerikaning O’rta Osiyo mintaqasida turishini kuchaytirishga taalluqlidir. Amerika buni O’zbekistonni tayanch bazasi qilib olish orqali amalga oshirmoqchi. Ana shunda Amerika bu bazadan turib O’zbekistonga qo’shni bo’lgan boshqa davlatlarga: Qozog’iston, Turkmaniston, Qirg’iziston va Tojikistonga tumshug’ini tiqadigan bo’ladi. Chunki bu mintaqa boyligi ko’p bo’lgani uchun ham ularning barchasi Amerika uchun juda muhimdir… Masalan Germaniyaning «Der Shpigel» gazetasi 2015 yil 15 aprelda o’zining Toshkentdagi muxbirining hisobotida quyidagilarni bildirdi: «… O’zbekiston ulkan miqdordagi uran va tabiiy gaz zahiralari bilan bir qatorda ko’plab boyliklarga ega, bundan tashqari u erda oltin konlari ham bor. O’zbekiston olamdagi paxta etishtiriladigan eng katta manbalardan biridir…». Yana bir muhim ish Rossiyaning raqobatlashishidir. Chunki Rossiyaning vujudi va ta’siri bu mintaqada turli darajada hamon saqlanib qolmoqda. Qolaversa u Xitoyga qo’shni mintaqadir. Shuning uchun Amerika Xitoyni mana shu tomondan qurshovga olib u erdagi faoliyatini nazoratga olmoqchi.
3 – O’zbekiston axborot agentligi 2015 yil 13 iyunda BMT bosh sekretari Pan Gi Munning O’zbekistonga kelgani haqida xabar tarqatdi. O’zbekiston prezidenti Karimov «BMT bosh sekretarining Markaziy Osiyo mamlakatlariga, xususan O’zbekistonga mintaqadagi vaziyatni yaqindan turib o’rganish va muhim masalalar bo’yicha fikr almashish maqsadida qilgan ayni tashrifining muhimligini» ta’kidlab olqishladi. Agentlik Pan Gi Munning «O’zbekiston mingyillik rivojlanish, qonun ustuvorligini ta’minlash, inson, onalik va bolalik huquqlarini himoya qilish va ta’lim tizimini rivojlantirish maqsadlariga erishishda qator yutuqlarni qo’lga kiritganini, bu yutuqlar inson manfaatlarini ta’minlash maqsad qilingan ijtimoiy va iqtisodiy islohotlarni o’tkazish orqali qo’lga kiritilganini» ko’rsatib o’tganini bildirdi. Pan Gi Mun «O’zbekistonning Afg’onistonda tinchlikni ta’minlashdagi rolini va BMTning 2016-2020 yillar uchun mo’ljallangan rivojlanishni qo’llab-quvvatlash programmalarini imzolash ahamiyatini» ham ko’rsatib o’tdi. Agentlik bunday deb qo’shimcha qildi: «So’zlashuvlar chog’ida regional va xalqaro masalalarga taalluqli bir qancha masalalar, O’zbekistonning BMT, uning bo’limlari va maxsus fondlari bilan hamkorlik qilish yo’llari muhokama qilindi»…
- Pan Gi Mun inson huquqi haqida gapirgan bo’lsa-da lekin buni ta’kidlamasdan uyalibgina gapirdi. BMT radiosi 2015 yil 12 iyunda o’zining elektron saytida «Pan Gi Mun O’zbekistonda» degan sarlavha ostida quyidagilarni bildirdi: BMT bosh sekretari Pan Gi Mun O’zbekiston poytaxti Toshkentda mamlakat prezidenti bilan uchrashuvi chog’ida bunday dedi: «Inson huquqlarisiz tinchlik va rivojlanishga erishib bo’lmaydi…». Pan Gi Mun prezident Islom Karimovni «qonun ustuvorligiga amal qilayotgani» uchun olqishladi, lekin u «yozib qo’yilgan qonunlar odamlar hayotida haqiqatdan bo’lishi zarurligini» aytdi. Pan Gi Mun «BMT O’zbekistonga asosiy erkinliklarni qo’llab-quvvatlash va himoya qilishda yordam ko’rsatishga tayyor ekanini» ta’kidladi.
Lekin u – yuqorida ko’rsatib o’tganimizdek – Karimov va uning boshqaruvini ko’klarga ko’tarib maqtadi. Bundan hayron bo’lishning hojati yo’q. Chunki u Amerikaning yugurdaklaridan biridir. BMT bosh sekretarining Amerika buyrug’i bilan ish tutishi va uning siyosatlarini amalga oshirishi hammaga ma’lum. Demak uning bu tashrifi ham mana shu doirada bo’ldi. Bu tashrifdan maqsad O’zbekistonni Amerika tomonga yanada kuchliroq tortishdir. Pan Gi Munning bu tashrifi Karimov rejimi basharasini bo’yab-bejab ko’rsatadi, bu tog’utning inson huquqi degan narsani poymol qilish hisoblanadigan jinoyatlarini niqoblaydi va bu tog’utning yangi muddatga «saylangani»ni muborakbod qilib olqishlaydi. Amerika bu tog’ut basharasini Munning bu tashrifi orqali yaxshi ko’rsatishga urinish bilangina kifoyalanmadi, balki bundan oldin qonunshunoslar delegatsiyasini ham yubordi. Bu haqda O’zbekiston axborot agentligi 2015 yil 4 iyunda bunday deb bildirdi: «Toshkent davlat huquq universitetida AQSh federal qonunchilik markazi direktori Jeremi Fogel boshchiligidagi Amerika qonunshunoslari delegatsiyasi a’zolari bilan uchrashuv bo’lib o’tdi. Uchrashuv chog’ida O’zbekistonda chuqur demokratik islohotlar va fuqarolik jamiyatini rivojlantirish doirasida huquqiy qonunchilik tizimida tub islohotlar o’tkazilayotgani va bu soha uchun kadrlar tayyorlanayotgani ko’rsatib o’tildi». Bularning barchasidan maqsad bu tog’ut basharasini – go’yo u zo’ravon va vahshiy emasdek, go’yo unda sud va qonun bordek – yaxshi qilib ko’rsatishdir!
Obama yaqinginada tog’ut Karimovni tabriklagan edi. Chunki u bu tog’utni 2015 yil 29 martda soxta, tuban, yolg’on «saylov»lar o’tkazib o’z boshqaruvini besh yilga uzaytirgani bilan tabrikladi. Bu «saylov» nihoyatda «toza» o’tkazilganidan tog’utning saylovlardagi «raqib»lari o’zlarining «saylov» kampaniyalarida tog’ut foydasiga tashviqot olib borishdi!! Shunga qaramay Amerika ham, BMT ham bu saylovlarni tanqid qilmadi, aksincha tabriklab olqishladi!! Hatto bu «saylov»lardan bir oy oldin, ya’ni 2015 yil fevralda Vashington O’zbekistonni 300 zirhli harbiy mashina bilan ta’minlashga rozilik berdi. Tog’ut Karimovning O’zbekiston ahliga qarshi qurolli kuchni qo’llaganini Vashington bilmaslikka olib qo’ya qoldi!! Bularning barchasi Amerikani va BMTni saylovlarning toza va jiddiy o’tkazilishi aslo qiziqtirmasligini, aksincha bu saylovlar natijalari faqat shu ikkovining foydasiga, aniqroq aytsak Amerika foydasigagina bo’lishi qiziqtirishini yaqqol ko’rsatib turibdi. Bular shuningdek Amerika Karimovni o’zining bu mintaqadagi bir tayanchi deb hisoblashini ham ko’rsatadi. Shuning uchun ham Amerika bu tog’utni o’z changalidan chiqarmaslik uchun bor kuchini sarflayapti.
4 – Lekin bu – Rossiyaning nufuzi O’zbekistonga o’tmasligi to’g’risida Amerika xotirjam degan ma’noni anglatmaydi. Chunki Rossiya O’zbekiston bilan aloqalarni kuchaytirishga va Karimovni o’z tomoniga tortishga urinib kelgan va hamon urinmoqda. O’zbekiston Mustaqil Davlatlar Hamdo’stligining harbiy-xavfsizlik qanoti bo’lgan «Kollektiv Xavfsizlik Shartnomasi Tashkiloti»dan 2012 yil yarmida chiqib ketgan bo’lsa-da lekin u hamon Shanxay tashkilotiga a’zodir. Rossiyaning bu tashkilotdagi ta’siri esa hammaga ma’lum, bu tashkilot 2015 yil 8 iyulda yig’in o’tkazdi. Bu yig’in chog’ida Putin 2015 yil 10 iyulda O’zbekiston tog’uti Karimov bilan uchrashdi, uchrashuv chog’ida ikki mamlakat o’rtasidagi aloqalar muhokama qilindi, Putin Karimovga Rossiyaga rasmiy safar bilan borishni taklif qildi. Ma’lumki bu ikki davlat bu yil ikkala mamlakat o’rtasida ittifoqchilik aloqalari kelishuvi tuzilganiga 10 yil to’lganini nishonlaydi. Rossiya O’zbekistonning tijoriy, iqtisodiy va investitsiya sohalaridagi eng muhim sheriklaridan biri hisoblanadi. Shuning uchun ikki mamlakat o’rtasidagi o’zaro savdo hajmi oshib boryapti. 2014 yilda bu ko’rsatkich 6 milliard Amerika dollaridan oshib ketdi!
Shuni ham eslatib o’tish kerakki, rus prezidenti Putin o’tgan yilning oxirida O’zbekistonga keldi va O’zbekiston qarzlaridan 860 million dollarni kechib yuborishini e’lon qildi. Buning esa Rossiyaning O’zbekistonga o’z nufuzini o’tkazish yo’lida urinishlari yo’lida tashlangan bir qadam bo’lishi ehtimoldan uzoq emas. Kreml bayonotida bildirilganidek Karimov ana shu tashrif chog’ida Putinga bunday degan edi: «Rossiya doimo O’rta Osiyoda mavjuddir va uning manfaatlari barqarorlikni mustahkamlashda muhim rol o’ynab kelgan». (DPA 2014 yil 11 dekabr). Rossiyaning bu urinishlari kuzatuvchilarga aniq ko’rinib turibdi. Masalan Frans Press agentligi 2015 yil 29 martda «saylov»lar haqida xabar tarqatar ekan bunday deb yozdi: «Amerikaning Karimovga yordamlari davom etmoqda. Rossiya esa Karimovni o’z tomoniga tortishga yana urindi. Chunki Putin dekabrda Toshkentga kelib Karimovni O’zbekistonni Moskva boshchilik qilayotgan Yevroosiyo Iqtisodiy Ittifoqiga qo’shishga ko’ndirishga urindi. Lekin Karimov buni rad qilib: «O’z mamlakatining mustaqilligini siyosiy uyushmalardan yiroq turib saqlab qolmoqchi ekanini» da’vo qildi». Shunday qilib demak Rossiya o’zining urinishlarida Karimovni o’zining «qo’rasi»ga qaytarishdan hali umidini uzgani yo’q. Shu maqsadda Rossiya – garchi bu tog’utning Amerika bilan aloqalari kuchli ekanini bilsa-da – bu tog’ut bilan aloqalarini kuchaytirishga harakat qilmoqda.
5 – Hech shubha yo’qki Amerika Rossiya bilan O’zbekiston o’rtasidagi bu tortqilashlarni yaxshi biladi. Lekin «tarozi pallasi» kuchli tarzda Amerika tomonga og’moqda. Shuning uchun Amerika o’zining O’zbekistondagi nufuzi kuchli ekaniga amindir. Lekin Amerika ayni vaqtda Rossiyaning O’zbekistondan aslo osonlik bilan voz kechmasligini yaxshi biladi. Shunga ko’ra kuchliroq ehtimol shuki, amerikalik mas’ullarning O’zbekistonga bu ketma-ket tashriflaridan maqsad tog’utni qo’llab-quvvatlash, uni mustahkamlash, uning basharasini yaxshi qilib ko’rsatish va ana shundan keyin unga tobora kuchayuvchi zaryadni berishdir. Go’yo Amerika bu tog’utga: Rossiyadan qo’rqma… chunki biz seni hamma tomoningdan himoya qilamiz, deb aytayotgandek! Bularning barchasidan maqsad Amerika o’z nufuzini O’zbekistonga o’tkazishni davom ettirishi va bu tog’utni Rossiya tomonidan keladigan har qanday xatar yoki zarardan saqlab qolishdir.
Ikkinchi: Endi sizning tog’ut qizi va uning Rossiya bilan aloqasi haqidagi hamda uni majburiy uy qamog’iga olinganining sababi haqidagi savolingizga kelsak, bu ehtimoldan uzoqdir. Chunki tog’ut qizining ish tutishlari ruslarning o’z nufuzlarini O’zbekistonga kiritishda unga suyanishlari uchun arzimaydi. Tog’ut qizining bu ish tutishlari uning siyosat va boshqaruv sohibasi ekanligidan ko’ra ko’proq engiltaklik va fasod-korruptsiyaga yaqinroqdir. Shuning uchun kuchliroq ehtimol shuki, tog’ut qizining bu ish tutishlari ahmoqona engiltaklikdir. Uning korruptsiyaga botganligi otasini unga qarshi majburiy uy qamog’ini qo’llashga majbur qildi. Chunki tog’ut o’z qizining korruptsiyaga botganidan o’zining boshqaruviga zarar kelishidan qo’rqmoqda. Negaki qizining moliyaviy sharmandaliklari O’zbekistondan chiqib Yevropa va Amerikagacha etib bordi, hatto bu sharmandaliklar qurib-qovjiragan cho’pga tushgan olovdek tez yoyiladigan bo’lib qoldi. Masalan Frans Press agentligi 2015 yil 29 martdagi «saylov»larni yoritar ekan o’zining biz yuqorida keltirgan xabarida quyidagilarni keltirdi: «Prezident qizining bir jinoyatchi guruh bilan va o’zining sheriklari orasidagi ishbilarmon kishilar bilan aloqada bo’lgani sababli tergov ishi ochildi». Bu agentlik bunday deb qo’shimcha qildi: «… Ba’zi kuzatuvchilarning aytishicha Karimova o’zining hukmronligiga baho berishda juda haddidan oshib ketgan, prezident qizini oldindan oqibatini o’ylab va qat’iyat bilan yiroqlatdimi yoki o’z istagiga qarshi ravishda yiroqlatdimi, bu ma’lum emas. Lekin u qizining bu ahvoli o’z rejimining barqarorligiga putur etishiga olib kelishi mumkin deb hisobladi, shuning uchun o’z rejimi manfaatlarini barcha narsadan ustun qo’ydi». Agentlik yana bunday deb yozdi: «Prezident qizi korruptsiya bilan ayblanmoqda, u O’rta Osiyoda ish yurituvchi «Teliasonera» shved aloqa shirkatidan 300 million dollar o’marishda ayblanib bir qator Yevropa sudlari tomonidan ta’qib qilinadigan bo’lib qoldi». Shvetsariya adliya byurosi vakili ham tog’ut qizini korruptsiyada ayblar ekan Karimov qizi bilan bog’liq hisoblardagi aktivlar qiymatini ma’lum qilishni rad etdi (uning mamlakati bu pullarni saqlab kelyapti), lekin u bu pullarning 640 million dollardan ozroq ekaniga ishora qildi, bu esa bir necha gazetalar hisobotida aytilgan qiymatdir.
Xulosa: bu qiz korruptsiyaga botib ketgan, shuning uchun uning Rossiya bilan aloqasi sababli majburiy uy qamog’iga olingan bo’lishi ehtimoldan uzoqdir. Aksincha uning sharmandaliklari hammaning joniga tegdi. Shuning uchun uning tog’ut otasi bu ish o’zining toju taxtiga ta’sir qilib natijada uni qulatishidan qo’rqib qoldi, shu bois o’z boshqaruvi umrini uzaytirish uchun qizini majburiy uy qamog’iga olish bilan tiyib qo’yish fikriga keldi!
Oxirida shuni aytamizki, inson huquqlari haqida og’iz ko’pirtirib safsata sotadigan Amerika va boshqa G’arb davlatlarini Karimov rejimining bu huquqlarni eng jirkanch ko’rinishda poymol qilayotgani zarracha tashvishga solmaydi. Bu mustamlakachilarni ular og’iz ko’pirtirib vaysaydigan demokratiya asoslarining hech biri ham qiziqtirmaydi, aksincha bu mustamlakachilar uchun eng muhimi o’zlarining bu mamlakatdagi manfaatlariga erishishdir. Shu maqsadda Amerika bu rejimni o’ziga mahkam bog’lab olishga harakat qilmoqda, Amerika o’ziga bu rejimni hali u yoqqa, hali bu yoqqa og’maydigan qilib, o’zi bilan birga ish olib borishdan yiroqlashmaydigan qilib yoki yana Rossiya quchog’iga qaytmaydigan qilib bog’lab olmoqchi. Chunki Rossiya O’zbekistonni yana o’z tomoniga tortish uchun urinishlarini davom ettirishdan umidini uzgani yo’q…
Eng so’nggida shuni aytamizki, O’zbekiston ahli o’z Islomiga mahkam yopishgandir, ularning irodasini sobiq kommunistlarning zulmi va zo’ravonligi ham bukolmagan, bu kommunistlarning ilmoniylik va liberalizm to’nini kiygan qoldiq-sarqitlarining zulm va zo’ravonligi ham O’zbekiston ahlining irodasini bukolmadi… Chunki O’zbekistonda shunday er kishilar borki, ularni tijorat va savdo-sodiq Alloh zikridan chalg’itolmaydi. Ular Allohga bergan ahdlarida sodiq kishilardir. Ulardan ba’zilari Allohga bergan – U zotning yo’lida shahid bo’lish haqidagi – ahdu paymonlarida sodiq bo’lgan kishilar bordir, ulardan ayrimlari o’z ahdiga vafo qilib, shahid bo’ldi, yana ayrimlari esa shahid bo’lishga intizordirlar. Ular munofiqlarga o’xshab Allohga bergan ahdu paymonlarini o’zgartirganlari yo’q. Ular jiddu jahd qilib da’vatni etkazayotgan er kishilardir. Ular roshid Xalifalik davlatini tiklab islomiy hayotni qayta boshlash uchun astoydil harakat qilishda tunlarini kunlariga ulayotgan kishilardir. O’zbekiston tog’utining zo’ravonligi va amalga oshirgan qirg’inlari ularning qat’iyatini aslo zaiflashtirolmaydi. Aksincha Kuchli, Aziz Zot bu tog’utning va uning mustamlakachi xo’jayinlari va yordamchilarining belini sindirib, yanchib tashlaydigan vaqt insha Alloh aslo uzoq emas. O’sha kunda Buxoro, Termiz va Samarqand yana ziyoga to’ladi, Xalifalik O’zbekiston, butun O’rta Osiyo va musulmonlar yurtlariga nur sochadi.
وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾
«O’sha kunda mo’minlar Allohning nusrati sababli shodlanurlar. (Alloh) O’zi xohlagan kishiga nusrat berur. U qudrat va rahm-shafqat egasidir» [Rum 4-5]
22 zul-qa’da 1436h
6 sentyabr 2015m
