Sizlarning qamoqqa olishlaringiz taxtlaringizni larzaga solish va qulatish uchun tashlayotgan qadamlarimizni yanada sobit-mustahkam qiladi, xolos
2015 yil 28 avgustda «Interfaks» agentligi quyidagi xabarni tarqatdi: «Qirg’iziston janubidagi O’sh shahrida Hizb ut-Tahrirga a’zo ayollardan biri 4 yosh bilan 9 yosh o’rtasidagi qizlarga noqonuniy tarzda dars berayotgani sababli qamoqqa olindi». O’sh ichki ishlar boshqarmasi matbuot kotibi Jenish Ashirbaev «Interfaks»ga bunday dedi: «Qamoqqa olingan ayolning voyaga etmagan qizlarga diniy ta’lim berishga ruxsatnomasi yo’q bo’lgan. Shuningdek, tintuv paytida uning uyidan diniy ekstremistik kitoblar, varaqalar va bayonotlar topilib, hammasi musodara qilindi, shu sababdan uni tergov qilish uchun hibsga olindi».
Bu qamoqqa olish qirg’iz rejimining Islom va musulmonlarga qarshi quturgan tarzda olib borayotgan kampaniyasi doirasida bo’ldi. Kampaniyada rejim hijob kiyish, soqol qo’yish va yoshlarning masjidga qatnashlarini taqiqlash orqali barcha diniy ko’rinishlarga qarshi kurashdan tortib, to ma’rufga buyurib, munkardan qaytarish bilan shug’ullanuvchi taqvoli musulmon va muslimalarni nishonga olishgachaga etib bordi.
Qirg’iziston xavfsizlik xizmati ekstremizm va terrorizmga qarshi kurashni dastaklab olib, Hizb ut-Tahrirga a’zo yigit-qizlarni ta’qib qilyapti, hibsga olyapti, o’ch olish maqsadida qiynoqqa solyapti, ancha vaqtdan buyon ularga zo’ravonlik qilish va terroristik faoliyat olib borish kabi ayblovlarni yopishtirishga qattiq harakat qilyapti. Vaholanki, kattayu kichikka yaxshi ma’lumki, Hizb ut-Tahrir Islom mabdasiga asoslangan siyosiy hizb bo’lib, u o’zgartirish ishida Muhammad Aning tariqati bo’yicha yuradi va bu yo’ldan qilcha ham og’ishmaydi. Biroq voqeni ko’ra biladigan inson shuni tushunib oladiki, qirg’iz hukumatini jahlini chiqarayotgan va Hizb ut-Tahrirni ta’qiqlash uchun unga makr qilishiga undayotgan asl sabab, odamlar Hizb da’vatiga quloq solib, uning atrofiga jipslashmoqda. Chunki ular Islomga qattiq bog’langanlar va uning Qirg’izistonda tatbiq etilishini juda istaydilar.
Biz Hizb ut-Tahrir markaziy matbuot bo’limi ayollar qanoti vakilalari bu dugonamizning va boshqa taqvoli mo’mina ayollarning hech bir asossiz qamoqqa olinayotganini qattiq qoralaymiz hamda quyidagilarni ta’kidlaymiz:
– Hizb ut-Tahrir Islomga asoslangan siyosiy hizb bo’lib, Allohning buyrug’iga itoat qilgan holda, Uning rizosi yo’lida ta’sis etildi. U Alloh nozil qilgan ahkomlar bilan boshqaruvchi Islom davlatiga ko’z tikish orqali buyuk farzni ado etish bilan shug’ullanadi. Uning faoliyatiga to’siq qo’yish Allohga urush qilish hamda Islomga va islomiy hayotni qayta boshlashga bo’lgan da’vatga qarshi kurashish hisoblanadi.
– Biz ushbu hizbiy uyushma safidagi erkak va ayollar ayni pokiza da’vatga o’zimizni bag’ishlaganmiz. Shu bois tazyiqlar, qamoqqa olishlar va boshqalar bizni maqsadimizdan qaytarolmaydi. Shuning uchun qirg’iz hukumatining bu ishlari bizning zulm va zolimlarni yo’q qilish yo’lida tashlayotgan qadamlarimizni yanada sabotli qilishga xizmat qiladi, xolos. Zero, ular faqat shu dunyodagina hukm qilisha olurlar.
– Biz Alloh Taolodan bu dugonamizga sabru sabot, qat’iyat va mag’rurlik so’raymiz, chunki Allohning va’dasi haq, oqibat taqvodorlarnikidir, dugonamizga makr qiluvchilar hech qanday zarar etkazisholmaydi, insha Alloh.
«Muso qavmiga dedi: Allohdan madad tilab, sabr-toqat qiling, shak-shubhasiz, bu er Allohnikidir, uni O’zi xohlagan bandalariga meros qilib beradi, oqibat-natija taqvodorlarnikidir» [A’rof 128]
So’zimiz nihoyasida Qirg’iziston prezidenti Almaz Atambaevga va uning mulozimlariyu josuslik xodimlariga bunday deymiz: Zulm bu qiyomat kunidagi zulmat, demakdir, sizning Islom da’vatini etkazayotgan muslimalarga nisbatan adolatsiz qamoqqa olishlaringiz ham shu zulmdan boshqa narsa emas. Shuning uchun o’z qo’llaringiz bilan sodir etayotgan ishlardan ehtiyot bo’ling hamda Alloh zolimlarga va’da qilgan alamli azobdan saqlaning. Bugun dolzarb bo’lib turgan mafkura oldiga to’g’anoq bo’lish mutlaqo nodonlikdir. Bildirilgan fikrlar uchun tazyiq o’tkazish, qamash va o’ch olish maqsadida qiynoqqa solish hech qachon foyda bergan emas, shunday ekan, taxtlaringizga xushyor bo’ling, likillab qolib, ag’darilish arafasida turibdi, nomuslar va hurmatlarni toptashingiz evaziga oladiganingiz bu dunyoyu oxiratdagi jazoingizni hisobga oling.
«Albatta, Alloh va Rosuli chizgan chiziqdan chiqqan kimsalar – ana o’shalar eng xor kimsalar qatoridadirlar. Alloh (Lavhul-Mahfuzga): «Shak-shubhasiz Men O’z payg’ambarlarim bilan birga g’olib bo’lurman», deb yozib qo’ygan, Alloh albatta kuchli, qudratlidir» [Anbiyo 20]
Hizb ut-Tahrirning markaziy matbuot bo’limi ayollar qismi
Uyali telefon: 00961 71 72 40 43
Faks: 00961 130 75 94
Elektron pochta: media@hizb-ut-tahrir.info
