Suriyada qariyib besh yildan buyon davom etib kelayotgan ichki urush sababli Suriya bilan Saudiya Arabistoni o’rtasidagi aloqalarga putur etgani haqida aytib kelinadi. Bunga Saudiyaning muxolif guruhlarga har tomonlama yordam berayotgani haqidagi da’volar sabab bo’lmoqda.
Biroq keyingi paytlarda mazkur ikki davlat o’rtasidagi aloqalar yana qayta joylanayotgani haqida xabarlar tarqala boshladi. Olingan xabarlarga ko’ra, Suriya va Saudiya Arabistoni vakillari Moskvaning vositachiligida o’zaro uchrashuv o’tkazishni boshlagan.
Livanning Bashar Asad tarafdori ekanligi bilan tanilgan “Al-Anbar” gazetasi sahifalaridan o’rin olgan xabarda aytilishicha, Suriya milliy xavfsizlik byurosining rahbari Al-Mamluk o’tgan hafta Saudiyaning poytaxti Ar-Riyozga yo’l olgan. Al-Mamluk Ar-Riyozda Saudiya Arabistoni mudofaa vaziri shaxzoda Muhammad bin Salmon bilan uchrashgan. Gazeta ikki siyosatchi o’rtasida kechgan uchrashuv Rossiya prezidenti Vladimir Putinning tashabbusi bilan amalga oshganligini bildirdi.
Da’volarga ko’ra, Suriya milliy xavfsizlik byurosining rahbari Al-Mamluk Saudiya Arabistoni mudofaa vaziri shaxzoda Muhammad bin Salmondan Suriya haqidagi siyosatini o’zgartirishni va bu borada Qatarning ta’siridan qutulishni talab qilgan. Shu onga qadar bu uchrashuvga doir Suriya ham, Saudiya Arabistoni ham biror ma’lumot tarqatmadi.
