Qirg’izistonda hukumat parlament va prezident tomonidan boshqariladi. Shuning uchun parlament partiyalardan bo’lgan fraktsiyalar va ularning birlashishlaridan tashkil topgan koalitsiyalardan tarkib topadi. Shundan kelib chiqib parlament sayloviga faqat siyosiy partiyalargina qatnasha olishadi. Yakka mandat egalari bo’lishi mumkin bo’lgan tizim bekor qilingan. Demak parlament saylovida faqat siyosiy partiyalar ishtirok etadi.
Hizb ut-Tahrir islomiy, siyosiy partiya bo’lib, butun dunyo bo’ylab o’zining siyosiy faoliyatini olib boradi. U olamiy partiya bo’lishiga qaramay muayyan davlatlarda faoliyat olib borishi mumkin, lekin shu bilan birga Hizb ut-Tahrir hech qachon mahalliy partiya bo’lishi mumkin emas. Shunga binoan Qirg’izistonda faoliyat olib borayotgan Hizb o’z mintaqasidagi barcha muammolarni salohiyati va imkoniyati doirasida muolaja qilishda o’zini mas’ul deb biladi. Shundan kelib chiqqan holda Hizb ut-Tahrirning Qirg’izistonda 2015 yilda bo’lib o’tishi kutilayotgan parlament sayloviga va unga qatnashishi kutilayotgan mahalliy partiyalarga nisbatan tutgan pozitsiyasini rasman bayon qilib o’tishni lozim deb bildik.
Hizb ut-Tahrir o’zining paydo bo’lishidan shu kunga qadar hayotimizning har xil tarmoqlarida bir qator muammoli voqeliklar hukmlarini nususlardan istinbot qildi va o’z a’zolari uchun ularni tabanniy qildi. Bu hukmlar faqat Islomni Mabda sifatida hayotga qaytarish maqsadi sari olib boradigan yoki kufr manfaatlari, siyosiy nayranglariga chek qo’yish uchun shu kunda va Xalifalik davlati hukm surush vaqtida kerak deb topilgan voqeliklarga aloqador ahkomlarni tabanniy qildi.
Hizb ut-Tahrirning “Xalifalik davlati dasturi loyihasi” nomli kitobida shunday deyiladi:
16 – modda. Xalifalik nizomi yaxlit birlik nizomidir. Birlashgan (ittifoq) nizomi emas. Ya’ni, islomiy davlat faqat Xalifa tomonidan boshqariladi. Biror sohani boshqarishni, boshqa bir quvvat yoki vazirliklarga ajratib bermaydi. Hizb ut-Tahrir har qanday davlat siyosati hizbiy yoki boshqa jamo’alar tomonidan boshqarilishini inkor qiladi. Shuningdek Hizb ut-Tahrir o’zi uchun ham bevosita hukm ishlarini olib borishni, ya’ni davlat ishlariga boshchilik qilishni man qiladi. U har qanday hizb yoki jamo’alar tomonidan hukumat ishlarining boshqarilishini Islom tariqatiga zid deb tabanniy qilgan. Bu sunnatga zid amallardan hisoblanib, Payg’ambarimiz sallollahu alayhi va sallam Madinada Islom davlatini barpo etib, amalda boshqarib ko’rsatib bergan ta’riqatlariga mutloq zid keladi deb hisoblaydi.
Hizb ut-Tahrir Qirg’izistonda kutilayotgan saylov ishlarida hokimiyatga intilayotgan birorta partiya uchun ovoz berishni musulmonlar uchun shar’an joiz emas deb biladi. Chunki bu saylov natijasi noshar’iy asosdagi boshqaruv sistemasini paydo bo’lishi yoki uni davom etishi uchun zamin yaratadi deb hisoblaydi. Lekin musulmonlar o’zlari yashab kelayotgan jamiyatlarini kufr sistemasiga tashlab, bir chetda qolib ketishlari ham joiz emas. Ular bu kabi saylovlarda qatnashib o’zlarining bu partiyalarga va bu kabi noshar’iy saylovlarga bo’lgan shar’iy pozitsiyalarini namoyon etib qo’yishlari kerak.
Hizb ut-Tahrir Qirg’izistondagi barcha musulmonlarni saylovda ishtirok etishga va musulmonlardan tarkib topgan bo’lsada lekin barchasi noshar’iy asoslarga qurilgan partiyalarni inkor qilishlarini bildirib qo’yishga chaqiradi. Bu esa saylov blyutenida o’zlarining nomlaridan “barchasiga qarshiman” degan bandini atayin belgilab qo’yish bilan amalga oshiriladi.
Ayni damda xavfsizlik masalasi Qirg’iziston hukumatini ham, fuqarolarini ham tashvishga solib turgan asosiy muammolardan bo’lib turipti. Hizb ut-Tahrir hech qachon harbiy harakatlar olib borgan emas va bundan buyon ham olib bormaydi. Hizb o’zi uchun hokimiyatni qo’liga kiritishni maqsad qilgan emas. Qirg’izistonda ikki marotaba davlat to’ntarishi bo’lgan vaqtda Hizb ut-Tahrir yuqoridagi printsipial pozitsiyasini qanchalar qadrlashini butun dunyo oldida yana bir marotaba tasdiqlab qo’ydi.
Boshqa islomiy quvvatlar tomonidan kutilayotgan vahimali xavf-xatarlar ham o’rinsiz. Bu vahimalar aslida g’arbparast yoki rossiyaparast kuchlar tomonidan atayin olib kirilayotganini anglab olish unchalik qiyin emas. Xatto qandaydir islomiy kuchlar tomonidan biror bir harbiy harakat paydo bo’lib qolsa ham bu tashqi quvvatlar tomonidan atayin uyushtirilgan sun’iy harakatlar bo’lishi mumkin. So’ngi kunlarda Sariev tomonidan bir qator islomiy qadriyatlarni inkor qilib chiqishlari bunga misol bo’la oladi. Chunki har qanday sog’lom va vatanparvar siyosatchi Qirg’izistonning bugungidek og’ir ahvolda turgan holatida atayin musulmonlarni hukumatga qarshi provokatsiya qilmaydi. Bu tashqi nosog’lom quvvatlarning axmaqona maslaxatlari asosida yuritilib kelinayotgan harakatlarning davomi bo’layapti. Bu Qirg’iziston xavfsizligiga atayin putur etkazish va bu xatarlar Islom va musulmonlar tomonidan kelayotgandek qilib ko’rsatishga bo’lgan intilish bo’lyapti. Bishkekda yolg’on terroristlarni paydo bo’lishi va ularni qaxramon askarlar tomonidan otib o’ldirilishlari. So’ng Bishkakdagi bir qator jamoatchilik joylarida qandaydir gumonli matoxlar paydo bo’lib, butun mintaqa qurshovga olinib xalqni qandaydir mavxum terrorist guruhlaridan vahimaga solishga harakatlar olib borilishi… Shularning hammasi Qirg’iziston uchun o’ta tashvishlanarli holat. Temir Sariev singari nosog’lom siyosatchilar Qirg’iz xalqi manfaatlariga oyoq qo’yib biri Rossiyaning, ikkinchisi AQShning manfaati va buyruqlarini so’zsiz bajaruvchi manqurtlarga aylanib borishyapti. Qirg’iziston xalqi va davlatchiligi uchun haqiqiy xavf-xatar shu guruhlar tomonidan kutiladi.
Tashqi davlatlar (uchunchi kuchlar) tomonidan Qirg’iziston uchun hozirda ilgari hech kutilmagan darajada kuchli ta’sir quvvati paydo bo’ldi. Lekin ular hozircha faqat bir qator manqurt siyosatchilarimiz orqali bizlarga ta’sir o’tkaza olishlari mumkin.
Demak, xulosa qilib ayta olamizki, xavf-xatar o’z birodarlarimiz tomonidan kutilayapti. Ular saylovdan o’tib ketishlarini o’zlari va partiyalari uchun hayotiy masala qilib olishdi. Endi bu maqsadlari sari harakatlanishayotib har qandan g’alamus, iflos uslublar bilan bir-birlariga qarshi harakatlar olib borishadi. O’z maqsadlariga etishish yo’lida har qanlay buzuq niyatli tashqi quvvatlar bilan hamkorlik qilishga tayyor turishadi. Hukumat esa bu kapitalistik tuzumning maxsuli bo’lgan ochko’zlik alomatlarini yashirish maqsadida hamda tashqi kuchlarning ko’rsatmalariga muvofiq, har galgidek Islom va musulmonlarni aybdor qilib ko’rsatish uchun yangi uslub va vositalar asosida amaliyotlarini davom ettiraveradi.
Hizb ut-Tahrirning Qirg’iziston matbuot bo’limi raisi
