AQSh idorasi Eron va 5+1 davlatlari o’rtasida tuzilgan yadro bitimiga qo’shimcha ravishda jamoatchilikka oshkor qilinmagan boshqa maxfiy bitimlar ham tuzilganligini tan oldi. AQSh prezidenti Barak Obamaning milliy xavfsizlik bo’yicha maslahatchisi Syuzan Rays jurnalistlarning Eron yadro dasturi ustida tuzilgan bitimga aloqador savollariga javob berar ekan, bunday maxfiy bitim mavjudligini tasdiqladi. Raysga ko’ra, jamoatchilikka oshkor qilinmagan mazkur bitim Tehron yadroviy dasturining harbiy jihatlarini ham o’z ichiga oladi.
Syuzan Raysning ta’kidlashicha, bunday qo’shimcha bitimlar jamoatchilikka ochiqlanmaydi. Hatto Obama idorasi tarafidan AQSh kongresiga ham yopiq shaklda taqdim qilinganligini bildirgan Rays “Bu erda bizga ma’lum bo’lgan, ammo kongres bilmagan hech qanday narsa yo’q”, deya qo’shimcha qildi.
Eron bilan MAGATYe o’rtasida tuzilgan maxfiy bitimlar Voshingtonda hokimiyatni egallab turgan tabaqa bilan kongresmenlar o’rtasida yadroviy bitimga doir kelishmovchiliklarga sabab bo’layotgani aytilmoqda. Eron yadroviy dasturi ustida tuzilgan bitimga shubha bilan qarayotgan kongres a’zolari davlat boshqaruvidagi shaxslarni yadroviy bitimga oid ayrim ma’lumotlarni yashirganlikda ayblamoqdalar. Yadroviy bitim kongresda sentyabr oylarining boshlarida ovozga qo’yilishi kutilmoqda.
